کراچی بار کے صدر عامر وڑائچ پر قاتلانہ حملے میں زخمی، وکلا سراپا احتجاج
اشاعت کی تاریخ: 8th, April 2025 GMT
کراچی بار ایسوسی ایشن کے صدر عامر وڑائچ پر قاتلانہ حملہ ہوا ہے جس میں وہ زخمی ہوگئے ہیں، اور وکلا سراپا احتجاج ہیں۔
عامر وڑائچ کے مطابق 6 لوگوں نے ان پر قاتلانہ حملہ کیا، کینالز کے معاملے پر کسی صورت پیچھے نہیں ہٹیں گے۔
یہ بھی پڑھیں ہمارے مہمان بن کر پولیس لائن آجائیں، پولیس اور احتجاجی وکلا کے درمیان دلچسپ مکالمہ
انہوں نے کہاکہ 12 اپریل کو ہونے والے کنونشن میں بھی دریائے سندھ سے کینالز نکالنے کا معاملہ اٹھائیں گے، اگر کینالز کا معاملہ 72 گھنٹے میں روکا نہ گیا تو پنجاب بارڈر بند کریں گے ریلوے ٹریک بھی بند کر دیا جائےگا۔
انہوں نے کہاکہ میں اس معاملے کی کوئی ایف آئی آر درج نہیں کراؤں گا، ہم اپنے مقصد سے پیھچے نہیں ہٹیں گے، جس نے جو کرنا ہے کرلے۔
دوسری جانب جنرل سیکریٹری کراچی بار ایسوسی ایشن نے عامر وڑائچ پر قاتلانہ حملے کی تصدیق کرتے ہوئے کہا ہے کہ انہیں زخمی حالت میں اسپتال منتقل کردیا گیا ہے۔
انہوں نے بتایا کہ عامر نواز وڑائچ پر آئی آئی چندریگر روڈ کے قریب حملہ کیا گیا۔
دریں اثنا امیر جماعت اسلامی کراچی منعم ظفر خان نے صدر کراچی بار عامر نواز وڑائچ ایڈووکیٹ پر حملے کی شدید مذمت کی ہے۔
یہ بھی پڑھیں حیدرآباد میں وکلا کا احتجاج شدت اختیار کر گیا، آخر معاملہ ہے کیا؟
انہوں نے کہاکہ وکلا برادری پر حملے قانون کی حکمرانی پر حملے کے مترادف ہیں، حکومت اور قانون نافذ کرنے والے ادارے فوری کارروائی کریں، اور ملزمان کو گرفتار کیا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews زخمی صدر کراچی بار عامر وڑائچ قاتلانہ حملہ وکلا سراپا احتجاج وی نیوز.ذریعہ: WE News
کلیدی لفظ: صدر کراچی بار عامر وڑائچ قاتلانہ حملہ وی نیوز عامر وڑائچ پر قاتلانہ کراچی بار وڑائچ پر انہوں نے
پڑھیں:
اسرائیل کی جانب سے لبنان میں ایک گاڑی پر ڈرون حملہ
لبنان کی حکومت نے متعدد بار ان حملوں کے خلاف اقوام متحدہ کی سلامتی کونسل میں تل ابیب کے خلاف شکایت درج کرائی ہے اور اسرائیلی حملوں کے خاتمے کا مطالبہ کیا ہے۔ اسلام ٹائمز۔ آج (اتوار) کو اسرائیلی قابض افواج نے جنگ بندی کے معاہدے کی خلاف ورزی کرتے ہوئے، جنوبی لبنان میں ایک عام شہری کی گاڑی کو ڈرون حملے کا نشانہ بنایا۔ فارس نیز کے مطابق، لبنانی مقامی ذرائع نے اطلاع دی ہے کہ یہ گاڑی جنوبی لبنان کے علاقے کوثریہ میں نشانہ بنی۔ ابتدائی اطلاعات کے مطابق، اس حملے میں کم از کم دو افراد زخمی ہوئے ہیں، جبکہ بعض لبنانی ذرائع کا کہنا ہے کہ اس حملے میں کم از کم ایک شخص شہید ہو گیا ہے۔ قابض اسرائیلی فوج نے گزشتہ چند مہینوں کے دوران بھی جنگ بندی معاہدے کی بارہا خلاف ورزی کرتے ہوئے جنوبی لبنان میں کئی گاڑیوں اور موٹر سائیکلوں کو نشانہ بنایا ہے۔ لبنان کی حکومت نے متعدد بار ان حملوں کے خلاف اقوام متحدہ کی سلامتی کونسل میں تل ابیب کے خلاف شکایت درج کرائی ہے اور اسرائیلی حملوں کے خاتمے کا مطالبہ کیا ہے۔
اسلام آباد سے 11 سالہ گھریلو ملازمہ مبینہ طور پر لاپتہ ، ماں بیٹی کے دیدار کو ترس گئی