حکومت پیپلز پارٹی کو ناراض کرنے پر تلی ہے، آغا رفیع اللّٰہ
اشاعت کی تاریخ: 8th, April 2025 GMT
پاکستان پیپلز پارٹی (پی پی پی) کے رکن قومی اسمبلی آغا رفیع اللّٰہ نے کہا ہے کہ دریائے سندھ پر 6 نہریں نکالنے سے سندھ کی موت واقع ہوجائے گی۔
جیو نیوز کے پروگرام کیپٹل ٹاک میں آغا رفیع اللّٰہ، وفاقی وزیر موسمیاتی تبدیلی ڈاکٹر مصدق ملک اور بیرسٹر عمیر نیازی نے شرکت کی۔
اس موقع پر پی پی پی رہنما نے کہا کہ حکومت ہماری پارٹی کو ناراض کرنے پر تلی ہوئی ہے، پیپلز پارٹی ہی ہے جس کی وجہ سے حکومت چل رہی ہے۔
انہوں نے مزید کہا کہ دریائے سندھ پر 6 نہریں نکالنے سے سندھ کی موت واقع ہوگی، اگر پی پی وفاقی حکومت سے نکل گئی تو ن لیگ کے ہاتھ بھی کچھ نہیں لگے گا۔
آغا رفیع اللّٰہ نے یہ بھی کہا کہ کینالز کے معاملے پر پیپلز پارٹی اب تک اپنے لوگوں کو سنبھال کر بیٹھی ہے، مائنز اینڈ منرل پر کوئی دو رائے نہیں کہ پرامن ماحول ہونا چاہیے۔
اُن کا کہنا تھا کہ کراچی میں دو بندرگاہیں ہیں ہم یہ نہیں کہتے ہماری ہیں پاکستان کی ہیں، پیپلز پارٹی پاکستان کو جوڑنے کی بات کرتی ہے ان کی طرح توڑنے کی نہیں۔
پی پی رہنما نے مزید کہا کہ ہم نہ پہلے بانی پی ٹی آئی سے ڈرتے تھے نہ اب ڈرتے ہیں۔
.ذریعہ: Jang News
کلیدی لفظ: ا غا رفیع الل پیپلز پارٹی کہا کہ
پڑھیں:
بلاول کی کینالز پر شہباز حکومت کا ساتھ چھوڑنے کی دھمکی
ہم نے شہباز کو دو بار وزیراعظم بنوایا، منصوبہ واپس نہ لیا تو پی پی حکومت کے ساتھ نہیں چلے گی
سندھ کے عوام نے منصوبہ مسترد کردیا، اسلام آباد والے اندھے اور بہرے ہیں، بلاول زرداری
پیپلز پارٹی کے چیئرمین بلاول بھٹو زرداری نے کہا ہے کہ پانی کی تقسیم کا مسئلہ وفاق کو خطرے میں ڈال سکتا ہے ، وفاق کینالز مںصوبے کو واپس لے ورنہ پیپلز پارٹی حکومت کے ساتھ نہیں چلے گی۔یہ بات انہوں نے حیدر آباد میں پیپلز پارٹی کے جلسہ عام سے خطاب کرتے ہوئے کہی۔ بلاول بھٹو زرداری نے کہا کہ عمر کوٹ میں پیپلز پارٹی کی جیت مبارک ہو، پاکستان کے عوام آج بھی شہید بے نظیر بھٹو کے ساتھ کھڑے ہیں، سندھ کے عوام نے ثابت کردیا کہ سندھ میں صرف تیر کا مینڈیٹ ہے ، 17 جماعتیں ایک طرف اور پیپلز پارٹی ایک طرف، فتح ہمیں ملی۔انہوں نے کہا کہ سندھ کے عوام نے کینالز منصوبہ مسترد کردیا، اسلام آباد والے اندھے اور بہرے ہیں، 6 میں سے دو کینالز کی منظوری قیدی نمبر 420 نے دی تھی، اسلام آباد والے ہماری بات سنیں ہم آپ کے مںصوبے کی مخالفت کرتے ہیں۔چیئرمین پی پی نے کہا کہ پانی کی تقسیم کا مسئلہ وفاق کو خطرے میں ڈال سکتا ہے ، ہم نے شہباز شریف کو ایک بار نہیں دو بار وزیراعظم بنوایا اور کیا اب دھمکی سے پیپلز پارٹی کو ڈرایا جائے گا؟بلاول کا کہنا تھا کہ شیر والوں کا ہر منصوبہ کسان دشمن ہوتا ہے ، انہوں نے گندم اسکینڈل کی وجہ سے کسانوں کا معاشی قتل عام کیا، شیر والے صرف عوام کا خون چوستے ہیں اور کچھ نہیں کرتے ، حکومت کسی غلط فہمی میں نہ رہے کہ پیچھے ہٹ جاؤں گا میں عوام کے ساتھ کھڑا ہوں۔بلاول بھٹو زرداری نے شہباز حکومت کا ساتھ چھوڑنے کی دھمکی دیدی اور کہا کہ وفاق کینالز مںصوبے کو واپس لے ورنہ پیپلز پارٹی حکومت کے ساتھ نہیں چلے گی۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج