گاڑیوں اور موٹر سائیکل کے مالکان ہوشیار ہوجائیں !
اشاعت کی تاریخ: 8th, April 2025 GMT
کراچی (نیوز ڈیسک) آئی جی سندھ غلام نبی میمن نے گاڑیوں اور موٹرسائیکل سواروں کے خلاف سخت ایکشن کے احکامات دے دیئے۔
تفصیلات کے مطابق کراچی میں ٹریفک حادثات کے دوران ہلاکتوں کے واقعات پر زائد المیعاد گاڑیوں اور موٹر سائیکل سواروں کے خلاف سخت ایکشن شروع کردیا گیا۔
سربراہ سندھ پولیس نے ٹریفک پولیس کو ایکشن کے احکامات دے دیئے، آئی جی سندھ غلام نبی میمن نے اے آر وائی نیوز سے خصوصی گفتگو کرتے ہوئے کہا وزیراعلیٰ سندھ اوروزیرداخلہ سندھ کے ساتھ میٹنگز ہوئیں، ان اجلاسوں میں کافی سارے فیصلے کئے گئے ہیں۔
غلام نبی میمن کا کہنا تھا کہ نجی ڈمپر، ٹینکر اور بس ایسوسی ایشن کو آن بورڈ کیا، تینوں کو بتا دیا 30 کلومیٹر فی گھنٹہ کی رفتار فکس کردی ، تمام ایسوسی ایشنز کو کہا ہے کہ وہ ٹریکرسسٹم پر آجائیں، ٹریکر رپورٹ کے ذریعے روزانہ اووراسپیڈنگ پرچالان کریں گے۔
انھوں نے بتایا کہ زائد المیعادگاڑیوں کیخلاف آج سےبڑا کریک ڈاؤن کرنے جارہے ہیں، بہت ساری گاڑیاں زائدالمیعاد ہیں ان کی وجہ سےحادثات ہوتے ہیں، ایک کمپاؤنڈ میں یہ تمام گاڑیاں منتقل کردی جائیں گی اور موٹرسائیکل سواروں کیخلاف بھی سخت کریک ڈاؤن ہوگا۔
زیادہ حادثات موٹرسائیکل سواروں کے ہوتے ہیں، موٹرسائیکل والوں کو خود خیال کرنا چاہیے اورہیلمٹ پہنیں، ہیڈلائٹ ،ٹیل لائٹ بیک مررزلگائیں، موٹرسائیکل اپ ٹوڈیٹ رکھیں، آئی جی
ہم صرف ون سائیڈڈ سختی نہیں کرسکتے، صرف ایک جانب سختی کریں گے تو وہ نتائج نہیں آسکیں گے جو ہم چاہتے ہیں۔
مزیدپڑھیں:رخصتی سے انکار پر قتل کی گئی اسکول ٹیچر کی تدفین کردی گئی
ذریعہ: Daily Ausaf
پڑھیں:
سینیٹر فیصل سلیم کی ژالہ باری سے متاثرہ گاڑیوں کے مالکان کو مالی امداد کی سفارش
چیئرمین داخلہ کمیٹی سینیٹر فیصل سلیم—فائل فوٹوچیئرمین داخلہ کمیٹی سینیٹر فیصل سلیم نے وزراتِ داخلہ اور چیف کمشنر اسلام آباد کو خط میں ژالہ باری سے متاثرہ گاڑیوں کے مالکان کو مالی امداد کی سفارش کی ہے۔
چیئرمین داخلہ کمیٹی سینیٹر فیصل سلیم کے خط میں کہا گیا ہے کہ اچانک ژالہ باری سے سیکڑوں شہریوں کی گاڑیوں کی ونڈ اسکرین ٹوٹ گئیں، شہریوں کو اچانک اژلہ باری سے بھاری مالی نقصانات کا سامنا کرنا پڑا ہے۔
سینیٹر فیصل سلیم آئی ایم ایف اور ورلڈ بینک کے پارلیمنٹری بورڈ کے ممبر منتخب ہو گئے۔
متن میں مزید لکھا گیا ہے کہ حکومت شہریوں کے نقصانات کا جزوی ازلہ کرے، معاوضہ ناصرف متاثرہ شہریوں پر مالی بوجھ کو کم کرے گا بلکہ خیر سگالی اور یک جہتی کا پیغام بھی دے گا۔
سینیٹر فیصل سلیم نے تجویز دی ہے کہ مالی اعانت کے لیے سبسڈی یا معاشی مجبوریوں کا شکار شہریوں کی مالی امداد کی جائے، سفارشات پر غور کر کے ایک معاوضہ پروگرام شروع کیا جائے۔
ایران میں قتل 8 پاکستانیوں کی لاشیں ابھی تک تفتان نہیں لائی گئیں، ڈی سی چاغی