قبلہ اول کی حفاظت، اسلام کی بقا اور فلسطین کی مکمل اور واضح حمائت کیلئے متحد ہونا پڑے گا، جے یو آئی ملتان
اشاعت کی تاریخ: 8th, April 2025 GMT
جے یو آئی (ف) کے رہنمائوں نے کہا کہ انتہائی افسوسناک صورتحال یہ بھی ہے کہ اقوام متحدہ ذمہ دارانہ کردار ادا کرنے کے بجائے خاموش تماشائی کا کردار ادا کر رہی ہے، او ائی سی کا کردار بھی کوئی قابل ذکر نہیں ہے کہ جس کی تعریف کی جائے، اگر او ائی سی ذمہ دارانہ کردار ادا کرتی تو آج صورتحال مختلف ہوتی۔ اسلام ٹائمز۔ جمعیت علمائے اسلام (ف) ملتان کے ضلعی امیر مفتی عامر محمود، جنرل سیکرٹری نور خان ہانس ایڈوکیٹ، سیکرٹری اطلاعات رانا محمد سعید نے کہا ہے کہ غزہ کے مظلوم فلسطینی بچوں پر اسرائیلی جارحیت کا منہ توڑ جواب دینے کے لیے امت مسلمہ کو آپس کے تمام تر معاملات کو بھلا کر یکجا ہونا پڑے گا۔ قبلہ اول کی حفاظت، اسلام کی بقا اور فلسطین کی مکمل اور واضح حمائت کیلئے متحد ہونا پڑے گا۔ ورنہ خدانخواستہ کل کسی اور کی باری ہوگی، اسلام دشمن طاقتیں جو واضح طور پر مسلمانوں کی دشمن ہیں اور اسلام کو مٹانے کیلئے سب طاغوتی طاقتیں متحد ہو کر ایڑی چوٹی کا زور لگا رہی ہیں۔ ان کی کوشش یہ ہے کہ وہ مختلف ہتھکنڈوں اور سازشوں کے ذریعے مسلمانوں کو متحد نہ ہونے دیں اور مسلمانوں کو علیحدہ علیحدہ کر کے اس صفحہ ہستی سے ملیامیٹ کریں لیکن ان کی یہ سازشیں کبھی بھی پایہ تکمیل تک نہیں پہنچیں گی۔ عالم اسلام کو بھی ان کی غلیظ سازشوں کا مقابلہ کرنے کیلئے متحد ہونا پڑے گا کیونکہ یہی وقت کا تقاضا بھی ہے اور ضرورت بھی ہے۔
انہوں نے مزید کہا کہ انتہائی افسوسناک صورتحال یہ بھی ہے کہ اقوام متحدہ ذمہ دارانہ کردار ادا کرنے کے بجائے خاموش تماشائی کا کردار ادا کر رہی ہے اور او ائی سی کا کردار بھی کوئی قابل ذکر نہیں ہے کہ جس کی تعریف کی جائے، اگر او ائی سی ذمہ دارانہ کردار ادا کرتی تو آج صورتحال مختلف ہوتی اور شام و عراق کے بعد فلسطین کی صورتحال او ائی سی کا ذمہ دارانہ کردار ادا نہ کرنے کی وجہ ہے، آج وقت آن پہنچا ہے کہ امت مسلمہ صیہونی قوتوں کو منہ توڑ جواب دینے کے لیے متحد ہو۔
ذریعہ: Islam Times
کلیدی لفظ: او ائی سی کا کردار بھی ہے
پڑھیں:
بالاکوٹ: 5 ماہ بعد شاہراہِ کاغان کو ناران تک ٹریفک کیلئے کھول دیا گیا
ویب ڈیسک: پانچ ماہ کی طویل بندش کے بعد شاہراہِ کاغان کو ناران تک ٹریفک کیلئے کھول دیا گیا۔
واضح رہے کہ گزشتہ برس نومبر میں برفباری سے شاہراہِ کاغان ٹریفک کیلئے بند ہونے سے ناران کا زمینی رابطہ منقطع ہوگیا تھا۔
شاہراہِ کاغان پر موجود بڑے گلیشیئرز کو کاٹ کر روڈ بحال کر دی گئی، روڈ بحال ہونے کے بعد سیاح اب ناران کی وادی کے دلفریب نظاروں اور یخ بستہ موسم کا لطف اٹھا سکیں گے۔
ہر وقت پیاس؛ سنگین مرض کی نشانی
پولیس حکام کے مطابق وادی میں سیاحوں کیلئے انتظامات مکمل کرنے اور بہتر سہولیات کی فراہمی یقینی بنائیں گے، آئندہ تین روز تک ناران میں سیاحوں کیلئے انتظامات مکمل کر لئے جائیں گے۔
این ایچ اے حکام کا کہنا ہے کہ شاہراہِ کاغان کو بابو سر ٹاپ تک کھولنے کا کام جاری ہے، ناران سے بابو سر ٹاپ تک مئی کے آخر تک روڈ کو مکمل بحال کر دیا جائے گا۔
حافظ آباد میں مضر صحت مٹھائی کھانے سے 3 بچے انتقال کرگئے