فیکٹ چیک: کیا واقعی پاکستانیوں کے لیے سعودی ویزے بند کر دیے گئے ہیں؟
اشاعت کی تاریخ: 8th, April 2025 GMT
سعودی ویزوں کے حوالے سے سوشل میڈیا پلیٹ فارمز اور چند نیوز ویب سائٹس پر گردش کرتی خبروں میں کہا جا رہا ہے کہ متحدہ عرب امارات کے بعد اب سعودی حکومت نے بھی پاکستانیوں کو ویزے دینے پر پابندی عائد کردی ہے۔
لیکن اس نوعیت کی خبروں میں کتنی صداقت ہے؟ یہ جاننے کے لیے وی نیوز نے سعودی سفارتخانے سے رابطہ کیا تو سفارتی حکام نے ان اطلاعات کو یکسر مسترد کرتے ہوئے بتایا کہ مذکورہ پابندی ’روایتی اور عارضی‘ ہے۔
سعودی سفارتخانے کے میڈیا سیکریٹری عبداللہ عالم نے بتایا کہ ان خبروں میں کوئی صداقت نہیں ہے۔ ’سعودی عرب کی جانب سے حج سیزن کے آغاز پر پاکستان سمیت 14 ممالک پر عارضی ویزا پابندی لگائی گئی ہے، جو سعودی عرب کی جانب سے ہر سال عائد کی جاتی ہے۔‘
یہ بھی پڑھیں:
عبداللہ عالم نے مزید بتایا کہ سعودی عرب کی جانب سے پابندی حج سیزن کے دوران عمرہ، بزنس اور فیملی ویزوں پر لگائی گئی ہے اور اس عارضی پابندی کی زد پر آنے والے ممالک کی فہرست میں پاکستان، بھارت، بنگلہ دیش، مصر، انڈونیشیا اور عراق شامل ہیں۔
’صرف یہی نہیں بلکہ نائیجیریا، اردن، الجزائر، سوڈان، ایتھوپیا اورتیونس بھی اس فہرست میں شامل ہیں۔‘
عارضی ویزا پابندی کب ختم ہوںگی؟سعودی سفارتخانے کے میڈیا سیکریٹری نے بتایا کہ ابھی اس ضمن میں کچھ واضح نہیں کہا جاسکتا، البتہ امکانات ہیں کہ عارضی ویزا پابندیاں جون کے وسط تک ختم کردی جائیں گی۔ ’جس کے بعد معمول کے مطابق فہرست میں موجود تمام ممالک کے شہری ویزا حاصل کرنے کے اہل ہوں گے۔
ان کا یہ بھی کہنا تھا کہ عارضی ویزا پابندی کے فیصلے سے سعودی حکومت کی جانب پاکستان کو باضابطہ طور پر آگاہ کیا جاچکاہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اردن الجزائر انڈونیشیا بنگلہ دیش بھارت پاکستان سعودی سفارتخانے سعودی عرب سوشل میڈیا عراق نائیجیریا نیوز ویب سائٹس.ذریعہ: WE News
کلیدی لفظ: الجزائر انڈونیشیا بنگلہ دیش بھارت پاکستان سعودی سفارتخانے سوشل میڈیا نائیجیریا نیوز ویب سائٹس عارضی ویزا پابندی سعودی سفارتخانے بتایا کہ
پڑھیں:
روسی صدر کا یوکرین میں عارضی جنگ بندی کا اعلان
روسی صدر ولادیمیر پیوٹن نے یوکرین میں ایسٹر کے موقع پر عارضی جنگ بندی کا اعلان کردیا۔
عالمی میڈیا رپورٹس کے مطابق کریملن نے ہفتے کے روز کہا کہ روسی صدر ولادیمیر پوتن نے یوکرین میں ایسٹر کے موقع پر عارضی جنگ بندی کا اعلان کیا ہے۔
کریملن کے مطابق یوکرین میں ہفتہ کی شام سے پیر تک جنگ بندی نافذ رہے گی۔
اس حوالے سے روسی صدر کا کہنا ہے کہ امید ہے کہ یوکرین روس کی جنگ بندی پر عمل کرے گا، لیکن انہوں نے اپنے فوجیوں سے کہا کہ وہ کسی بھی حملے یا اشتعال انگیزی کے لیے تیار رہیں۔
روسی وزارت دفاع کی جانب سے بھی اپنے کمانڈروں سے کہا گیا کہ وہ جنگی علاقوں میں سیزفائر بندی پر لازمی عمل کریں۔
واضح رہے کہ ایسٹر مسیحی عقائد میں ایک بہت اہم تہوار ہے۔
Post Views: 4
حافظ آباد میں مضر صحت مٹھائی کھانے سے 3 بچے انتقال کرگئے