فسلطین کیلئے احتجاج: امریکا میں پاکستانیوں سمیت 450 مسلم طلبہ کے ویزے اچانک منسوخ
اشاعت کی تاریخ: 8th, April 2025 GMT
نیویارک: امریکا کی متعدد یونیورسٹیوں میں زیر تعلیم تقریباً 450 بین الاقوامی طلبہ کے ویزے بغیر کسی پیشگی اطلاع کے اچانک منسوخ کر دیے گئے، جن میں پاکستانی اور دیگر مسلم ممالک کے طلبہ بھی شامل ہیں۔
امریکی میڈیا رپورٹس کے مطابق ان ویزوں کی منسوخی کسی واضح قانونی کارروائی کے بغیر کی گئی، جس پر تعلیمی اداروں اور انسانی حقوق کے کارکنوں نے گہری تشویش کا اظہار کیا ہے۔ بتایا جا رہا ہے کہ یہ اقدام ممکنہ طور پر سیوس سسٹم کے آڈٹ کے دوران کیا گیا۔
ذرائع کے مطابق، ٹرمپ انتظامیہ ان طلبہ کو نشانہ بنا رہی ہے جو فلسطینیوں کے حق میں مظاہروں میں شریک ہوئے تھے، تاہم کچھ ایسے طلبہ کے بھی ویزے منسوخ کیے گئے جنہوں نے کسی مظاہرے میں حصہ نہیں لیا۔
متاثرہ یونیورسٹیوں میں ہارورڈ، اسٹینفورڈ، یو سی ایل اے، یونیورسٹی آف مشیگن اور دیگر معروف تعلیمی ادارے شامل ہیں۔ یوسی ایل اے میں 12 طلبہ اور گریجویٹس جبکہ یونیورسٹی آف مشیگن میں ایک طالبعلم کے ویزے منسوخ ہوئے، جس نے بعد ازاں ملک چھوڑ دیا۔
طلبہ تنظیموں نے اس اچانک اقدام کو ضابطے کی خلاف ورزی قرار دیا ہے جبکہ یونیورسٹیاں متاثرہ طلبہ کو قانونی مدد فراہم کرنے میں مصروف ہیں۔ بین الاقوامی طلبہ میں اس صورتحال کے بعد شدید بے چینی پائی جا رہی ہے۔
.
ذریعہ: Express News
پڑھیں:
مسلم کانفرنس کو ختم کرنے والے ہمیشہ مایوس ہوئے ہیں، سردار عتیق
دورہ سماہنی کے دوراان مسلم کانفرنس کے سینئر عہدیداران و کارکنان سے ملاقات میں ان کا کہنا تھا کہ مسلم کانفرنس کشمیریوں کی نمائندہ جماعت ہے، کارکن اپنی صفوں میں اتحاد برقرار رکھیں، مسلم کانفرنس مشکل حالات سے نکل چکی ہے۔ اسلام ٹائمز۔ آل جموں و کشمیر مسلم کانفرنس کے صدر و سابق وزیراعظم آزاد کشمیر سردار عتیق احمد خان کا دورہ سماہنی، مسلم کانفرنس کے سینئر عہدیداران و کارکنان سے ملاقاتیں، سماہنی پہنچنے پر مسلم کانفرنسی کارکنان نے صدر مسلم کانفرنس سردار عتیق احمد خان کا شاندار استقبال کیا اور پھولوں کے ہار پہنائے۔ دورے کے دوران صدر مسلم کانفرنس سردار عتیق احمد خان نے مختلف تقریبات میں شرکت کی اور وفات پا جانے والوں کے گھر جا کر ان کے اہلخانہ سے اظہار تعزیت کی اور فاتحہ خوانی کی۔ گزشتہ روز صدر مسلم کانفرنس سردار عتیق احمد خان سے مسلم کانفرنس عوامی رابطہ بورڈ کے چیئرمین چوہدری خضر حیات کی رہائش گاہ سماہنی میں ممبر اسمبلی چوہدری علی شان سونی، راجہ طاہر اقبال، ظفر اقبال مہر، میڈم عامرہ خانم، چوہدری عتیق الرحمان اور دیگر سیاسی اور سماجی کارکنان نے ان سے ملاقاتیں کیں ۔مختلف وفود سے گفتگو کرتے ہوئے صدر مسلم کانفرنس سردار عتیق احمد خان نے کہا کہ مسلم کانفرنس واحد سیاسی جماعت ہے جو کشمیریوں کی سواد اعظم جماعت ہونے کے ساتھ ساتھ تحریک آزادی کشمیر اور تحریک تکمیل پاکستان کی داعی جماعت ہے۔ ریاست کا ہر بچہ، ہر بوڑھا، ہر جوان مرد و زن تحریک آزادی کشمیر کو مسلم کانفرنس میں تلاش کر سکتا ہے۔
مسلم کانفرنس کسی برداری قبیلے کی جماعت نہیں ہے یہ تمام برادریوں کا گلدستہ ہے۔ مسلم کانفرنس کشمیریوں کی نمائندہ جماعت ہے، کارکن اپنی صفوں میں اتحاد برقرار رکھیں، مسلم کانفرنس مشکل حالات سے نکل چکی ہے، وہ وقت دور نہیں کہ جب ریاست بھر میں مسلم کانفرنس ایک بار پھر اُبھر کر سامنے آئے گی۔ ریاستی عوام آج بھی مجاہد اول سردار محمد عبدالقیوم خان کے افکار کو دیکھ کر چل رہے ہیں، ریاستی جماعت کشمیری قوم کی بھرپور نمائندگی کر رہی ہے۔ انہوں نے مزید کہا کہ ریاست کی اولین جماعت مسلم کانفرنس کی جڑیں عوام میں ہیں اور مسلم کانفرنس کو ختم کرنے والے ہمیشہ مایوس ہوئے ہیں۔ انہوں نے کہا کہ مسلم کانفرنس آزادکشمیر کی ریاستی نمائندہ جماعت ہے اور ہمیشہ عوامی حقوق کی فلاح اور تعمیر و ترقی کیلئے کردار ادا کیا ہے۔ کارکنان جماعت کا قیمتی اثاثہ ہوتے ہیں جو مشکل وقت میں بھی جماعت کے ساتھ کھڑے رہے اور کبھی اپنے نظریات پر سمجھوتہ نہیں کرتے۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج