مولانا ہدایت الرحمان نے لانگ مارچ کیوں منسوخ کیا؟
اشاعت کی تاریخ: 8th, April 2025 GMT
بلوچستان میں بدامنی کے واقعات میں ہوش روبا اضافہ اور بلوچ یکجہتی کمیٹی کی اورگنائزر ماہ رنگ بلوچ سمیت کارکنان کی گرفتاری کے خلاف ایک جانب جہاں بلوچستان نیشنل پارٹی مینگل گزشتہ 11 روز سے لکپاس کے مقام پر لانگ مارچ کو دھرنے میں تبدیل کرکے سراپا احتجاج ہے وہیں جمہوری وطن پارٹی نے بھی رواں ماہ کی 4 تاریخ کو ڈیرہ بگٹی سے کوئٹہ تک لانگ مارچ کا اعلان کیا تھا، جس پر جمہوری وطن پارٹی کے رہنما گہرام بگٹی کو تھری ایم پی او کے تحت گرفتار کیا گیا تاہم اسی دوران حق دو تحریک کے سربراہ مولانا ہدایت الرحمن نے بھی گوادر سے کوئٹہ تک 7 اپریل کو لانگ مارچ کا اعلان کیا لیکن ایک روز قبل ہی مارچ منسوخ کردیا گیا۔
یہاں سوال یہ پیدا ہوتا ہے کہ حق دو تحریک کے سربراہ مولانا ہدایت الرحمن نے لانگ مارچ کیوں منسوخ کیا؟ اپنے بیان میں مولانا ہدایت الرحمن نے کہا کہ ہم نے بلوچ یکجہتی کمیٹی کی آرگنائزر ماہ رنگ بلوچ کی گرفتاری کی مذمت کی جبکہ سردار اختر مینگل کے لانگ مارچ کی بھر پور حمایت کا اعلان کیا۔
مزید پڑھیں: کوئٹہ لک پاس دھرنا: حکومتی وفد اور اختر مینگل کے درمیان مذاکرات بے نتیجہ ختم
ان حالات کے تناظر میں ہم نے گوادر سے کوئٹہ تک لانگ مارچ کا اعلان کیا تھا جس پر ہم نے پارٹی قیادت کارکنان اور ساتھیوں سے مشاورت کی۔ مشاورت کے بعد ہم نے یہ فیصلہ کیا کہ بلوچستان کے حالات مزید کسی لانگ مارچ کے متحمل نہیں ہو سکتے اس لیے ہم امن چاہتے ہیں، مسائل کا حل چاہتے ہیں ہم اپنے بیٹیوں کی رہائی چاہتے ہیں اور لاپتا افراد کی بازیابی چاہتے ہیں اس کے علاوہ ہم پر امن طریقے سے تمام مسائل کا حل چاہتے ہیں۔
مولانا ہدایت الرحمان نے کہا کہ ہم بھرپور طریقے سے سردار اختر مینگل کے دھرنے میں شرکت کریں گے۔ ایسا نہیں کہ ہم کسی سے خوف کھا رہے ہیں ڈر رہے ہیں کسی کی دھمکی سے گھبرا رہے ہیں یہ فیصلہ صوبے کے موجودہ حالات کے تناظر میں کیا گیا ہے۔ میں نے حکومت سے بات کی ہے کہ وہ فوری طور پر ماہ رنگ اور اس کی پوری ٹیم کو رہا کرے، اختر مینگل کے ساتھ بامقصد مذاکرات کریں، طاقت کے استعمال سے گریز کریں، سیاسی معاملات کو سیاسی طریقے سے حل کریں اور ہم یہ نہیں چاہتے کہ مزید بدنظمی ہو مزید انتشار ہو ہم مسائل کا حل چاہتے ہیں۔
مزید پڑھیں: اختر مینگل کے بعد جمہوری وطن پارٹی نے بھی لانگ مارچ کا اعلان کر دیا
سیاسی تجزیہ نگاروں کا ماننا ہے کہ مولانا ہدایت الرحمن کی جانب سے لانگ مارچ کو ایسے وقت پر منسوخ کرنا کسی خوف یا اندر کی علامت نہیں بلکہ سیاسی حکمت عملی ہو سکتی ہے، ایسا ممکن ہے کہ ایوان میں آنے کے بعد مولانا ہدایت الرحمن گوادر میں اپنی سابقہ پوزیشن کھو چکے ہیں اور یوں گوادر کی عوامی حمایت ان کے پاس نہیں ہوگی تو ایسے میں سردار اختر مینگل کے دھرنے میں شامل ہونا جو پہلے سے کامیاب ہو چکا ہے ایک بہتر سیاسی چال نظر آتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بلوچستان نیشنل پارٹی مینگل جمہوری وطن پارٹی گہرام بگٹی ماہ رنگ بلوچ مولانا ہدایت الرحمان.ذریعہ: WE News
کلیدی لفظ: بلوچستان نیشنل پارٹی مینگل جمہوری وطن پارٹی گہرام بگٹی ماہ رنگ بلوچ مولانا ہدایت الرحمان مولانا ہدایت الرحمن لانگ مارچ کا اعلان جمہوری وطن پارٹی اختر مینگل کے کا اعلان کیا چاہتے ہیں ماہ رنگ
پڑھیں:
حکمران امریکا اور اسرائیل سے ڈرتے ہیں، حافظ نعیم الرحمان کا غزہ مارچ سے خطاب
اسلام آباد میں غزہ مارچ سے خطاب کرتے ہوئے حافظ نعیم الرحمٰن نے کہا کہ اگر ہم یہ سمجھتے ہیں کہ امریکا اور اسرائیل کی خدمت کرکے عزت حاصل کرسکتے ہیں تو یاد رکھیں امریکا کسی کا بھی نہیں ہے، وہ صرف دہشت گردوں کو سپورٹ کرتا ہے اور ہم سب اس کا نشانہ ہیں۔ اسلام ٹائمز۔ امیر جماعت اسلامی حافظ نعیم الرحمٰن نے کہا ہے کہ حکمران امریکا اور اسرائیل سے خوف کھاتے ہیں، مگر امت سوئی ہوئی نہیں ہے، اسرائیلی وحشت روکنے کیلئے ہمیں متحد ہونا پڑے گا۔ اسلام آباد میں غزہ مارچ سے خطاب کرتے ہوئے حافظ نعیم الرحمٰن نے کہا کہ اگر ہم یہ سمجھتے ہیں کہ امریکا اور اسرائیل کی خدمت کرکے عزت حاصل کرسکتے ہیں تو یاد رکھیں امریکا کسی کا بھی نہیں ہے، وہ صرف دہشت گردوں کو سپورٹ کرتا ہے اور ہم سب اس کا نشانہ ہیں۔
انہوں نےکہا کہ امریکا مسلمانوں اور انسانوں کا قاتل ہے، امریکا کے نوجوان خود اس کے خلاف احتجاج کررہے ہیں، یونیورسٹیوں کے طلبا و طالبات فلسطین کی حمایت میں احتجاج کررہے ہیں۔ حافظ نعیم الرحمٰن نے کہا کہ بیت المقدس یہودیوں کے قبضے میں ہے، یہ عربوں اور فلسطینیوں کی سرزمین ہے جس پر یہودی جبراً مسلط کردیے گئے ہیں، مغربی کنارے میں بھی انہوں نے ایک لاکھ لوگ بے گھر کیے گئے ہیں، قبضے کا یہ سلسلہ رکے گا نہیں ہمیں روکنا پڑے گا۔
انہوں نے کہا کہ ہمیں متحد ہونا پڑے گا، عالم اسلام کو بھی جگانا پڑے گا، اور باضمیر ممالک جو اس وقت اسرائیل کے خلاف ہیں انہیں اکٹھا کرنا پڑے گا، کوئی اور یہ کام کرے نہ کرے، پاکستان کو یہ کام کرنا ہوگا، لوگ پاکستان کی طرف بہت امید سے دیکھتے ہیں۔ انہوں نے کہا کہ قائداعظم نے اسرائیل کو مغرب اور استعمال کی ناجائز اولاد قرار دیا تھا، اور اعلان کردیا تھا کہ پاکستان اسرائیل کو کبھی تسلیم نہیں کرے گا۔
حافط نعیم الرحمٰن نے کہا کہ ہم نے امریکی سفارتخانے کی طرف مارچ کا کہا تھا، حکمران امریکا سے خوف کھاتے ہیں، اسرائیل سے ڈرتے ہیں، اس لیے انہوں نے اسلام آباد بند کیا ہے، مگر ہم کسی بندوق اور گولی سے ڈرنے والے نہیں ہیں، یہ ہمارا راستہ نہیں روک سکتے تھے مگر ہم پولیس والوں کے ساتھ تصادم نہیں کرنا چاہتے۔ انہوں نے کہا کہ حکمران سوئے ہوئے ہیں مگر امت سوئی ہوئی نہیں ہے، اسرائیلی وحشت روکنے کیلئے ہمیں متحد ہونا پڑے گا، یہ سیاسی نعرے بازی نہیں ہمارے ایمان کا معاملہ ہے۔
امیر جماعت اسلامی نے حکمرانوں ہدف تنقید بناتے ہوئے کہا کہ ظالم حکمرانوں نے تباہی پھیر دی ہے اور ملک بھر میں مسائل اس وجہ سے مظلوموں کی طاقت تقسیم کردی گئی ہے، ہمیں بلوچ، پنجابی، سندھی، پختونوں میں تقسیم کردیا گیا ہے۔ انہوں نے کہا کہ ہمیں متحد ہوکر ان ظالموں اور جابروں اور امریکا کے غلاموں کو تقسیم کرنا ہوگا، پھر کسی کا حق نہیں مارا جائے گا۔ خطاب کے آخر میں حافظ نعیم الرحمٰن نے عوام سے 26 اپریل کی ہڑتال کو کامیاب بنانے کی اپیل کرتے ہوئے کہا کہ 27 اپریل کو اگلے لائحہ کا اعلان کیا جائے گا۔
ایران میں قتل 8 پاکستانیوں کی لاشیں ابھی تک تفتان نہیں لائی گئیں، ڈی سی چاغی