300 گراؤنڈ، سپورٹس کمپلیکس بنانے کا اعلان: ٹیلنٹ ہنٹ پروگرام بڑھائیں گے، امن ہو گا تو کھیل ہونگے: مریم نواز
اشاعت کی تاریخ: 7th, April 2025 GMT
لاہور (نیوز رپورٹر+ نوائے وقت رپورٹ) وزیراعلیٰ پنجاب مریم نواز شریف نے کہا کہ سپورٹس ایونٹس معاشرے میں امن اور ترقی کی راہ ہموار کرتے ہیں۔ ہر کمیونٹی کی سماجی ترقی اور امن کو فروغ دینے کے لیے کھیلوں کی سرگرمیوں کو امن کے طور پر منایا جاتا ہے۔ امن اور کھیل لازم و ملزوم ہیں، امن ہو گا تو کھیل ہوں گے۔ وزیر اعلیٰ مریم نواز شریف نے ترقی اور امن کے لیے کھیلوں کا عالمی دن پر اپنے پیغام میں کہا کہ کھیلوں کے عالمی دن کو منانے کا مقصد دنیا میں امن کا فروغ ہے۔ پنجاب میں کھیلوں کے فروغ کے لئے کھیلتا پنجاب پروگرام شروع کیا گیاہے۔ پنجاب میں پنک گیمز امن اور مساوی ترقی کا استعارہ ہیں۔ وزیراعلیٰ مریم نوازشریف نے کہا کہ حکومت کھیلوں کے فروغ کے لئے گراؤنڈ اور جمنیزیم بنا رہی ہے۔ پنجاب میں 300 گراؤنڈ اور سپورٹس کمپلیکس بنانے کیلئے اقدامات کئے جارہے ہیں۔ سپورٹس انڈوومنٹ فنڈز کو مزید بڑھا ئیں گے۔ وزیراعلیٰ مریم نوازشریف نے کہا کہ کھیل اور امن کا عالمی دن دنیا منانے کا مقصد معاشرے میں کھیلوں کے مثبت کردار کو اجاگر کرنا ہے۔ نوجوانوں، معمر افراد، معذور افراد اور دیگر پسماندہ علاقوں کے ہر نوجوان کو سپورٹس کے مساوی مواقع مہیا کئے جا رہے ہیں۔ کھیل نوجوانوں میں ٹیم ورک، مسابقت اور برداشت پیدا کرنے میں اہم کردار ادا کرتا ہے۔ کھیل کے لئے تمام ممکنہ وسائل مہیا کئے جائیں گے۔ دریں اثناء وزیراعلیٰ پنجاب مریم نوازشریف نے سپورٹس ڈیپارٹمنٹ کومالی خود مختاری کی راہ پر گامزن کرنے کے لئے ضروری اقدامات کا حکم دیا ہے۔ وزیراعلیٰ مریم نوازشریف کی زیر صدارت خصوصی اجلاس منعقد ہوا جس میں سپورٹس ڈیپارٹمنٹ میں جاری ترقیاتی اور دیگر امور کا جائزہ لیا گیا۔ اس موقع پر پنجاب میں پہلی مرتبہ ٹیلنٹ ہنٹ پروگرام شروع کرنے کا فیصلہ کیا گیا۔ اجلاس میں پنجاب یوتھ انٹرن شپ پروگرام شروع کرنے کا بھی اصولی فیصلہ کیا گیا۔ صوبے بھر میں نوجوان کھلاڑیوں کو آگے بڑھنے کے مواقع فراہم کیے جائیں گے۔ وزیراعلیٰ مریم نوازشریف نے پنجاب ٹیلنٹ ہنٹ اور یوتھ انٹرن شپ پروگرامز کے لئے جامع پلان طلب کر لیا ہے۔ وزیراعلیٰ مریم نوازشریف نے کہا کہ پنجاب میں نوجوان کھلاڑیوں کو اپنے ٹیلنٹ کے اظہار کے بھرپور مواقع فراہم کریں گے۔ سپورٹس ڈیپارٹمنٹ ملازمین کی تنخواہوں میں تعطل نہیں آنا چاہیے۔ خواتین کھلاڑیوں کو آگے بڑھنے کے مساوی مواقع ملیں گے۔ وزیراعلیٰ پنجاب مریم نوازشریف کے ویژن کے تحت جنگلی حیات اور نایاب پرندوں کے تحفظ کے لیے جنوبی پنجاب کی تاریخ کے سب سے بڑے کومبنگ آپریشن کا آغاز کر دیا گیا۔ صوبے بھر میں غیر قانونی وائلڈ لائف منڈیوں کے خاتمے کیلئے محکمہ وائلڈ لائف کو خصوصی ٹاسک دیا ہے۔ محکمہ جنگلی حیات کا ڈائریکٹر جنرل مدثر ریاض ملک کی قیادت میں غیر قانونی وائلڈ لائف گودڑی، برڈ مارکیٹ، کبوتر منڈی ملتان پر چھاپے مارے اور سینکڑوں نایاب جانور اور پرندے برآمد کئے گئے۔ گودڑی مارکیٹ سے برآمد پرندوں میں را طوطے، چکور، مور، فیزنٹ شامل ہیں۔ کبوتر منڈی میں پرندوں اور جنگلی جانوروں سے بھرے 8 ٹرک بھی تحویل میں لیے گئے۔ غیرقانونی کاروبار کرنے والے مافیا نے چھاپہ مارنے والی ٹیم پر تشدد اور فائرنگ کی گئی جس پر پولیس نے جوابی کارروائی کرتے ہوئے مسلح مزاحمت کرنے والے 8 ملزمان گرفتار کر لیا اور 40 سے زائد دکانیں سیل کر دی گئیں۔ گودڑی مارکیٹ میں فائرنگ کرنے والے دیگر نامعلوم ملزمان کے خلاف اقدام قتل کا مقدمہ درج کرکے گرفتاری کے لئے چھاپے جاری ہیں۔ انسداد دہشتگردی کی دفعات کے تحت مقدمہ درج کیا گیا ہے۔ وزیر اعلیٰ مریم نواز شریف نے مشترکہ آپریشن کرنے والی محکمہ وائلڈ لائف، ضلعی انتظامیہ اور پولیس ٹیم کو شاباش دی۔ پیغام میں کہا کہ آپ نے بہادری سے فرض کو انجام دیا جس پر آپ سب کو خراج تحسین پیش کرتی ہوں, سینئر صوبائی وزیر مریم اورنگزیب نے کہا کہ جنگلی حیات کے تحفظ پر زیرو ٹالرنس پالیسی پر عمل جاری ہے۔ پنجاب کے کسی بھی حصے میں غیر قانونی منڈی لگنے کی اجازت نہیں دی جائے گی۔ شہری ی غیر قانونی وائلڈ لائف سرگرمی کی فوری اطلاع 1107 پر دیں۔وزیراعلیٰ مریم نواز نے جڑانوالہ ٹریفک حادثہ میں قیمتی انسانی جانوں کے ضیاع پر گہرے دکھ و رنج کا اظہارکیا ہے۔ سوگوار خاندانوں سے دلی ہمدردی و تعزیت کا اظہار کیا ہے۔ زخمیوں کو بہترین طبی سہولتیں فراہم کرنے کا حکم دیا۔
.ذریعہ: Nawaiwaqt
کلیدی لفظ: مریم نوازشریف نے وائلڈ لائف کھیلوں کے مریم نواز نے کہا کہ کیا گیا کے لئے
پڑھیں:
شاہ سلمان عالمی کمپلیکس میں غیر عرب طلبہ کے لیے تربیتی پروگرام کے دوسرے مرحلے کا آغاز
شاہ سلمان عالمی کمپلیکس برائے عربی زبان نے شاہ عبدالعزیز یونیورسٹی کے اشتراک سے غیر عرب افراد کو عربی زبان پڑھانے والے اساتذہ کی پیشہ ورانہ اور تدریسی صلاحیتیں بڑھانے کے لیے تربیتی پروگرام کے دوسرے مرحلے کے لیے رجسٹریشن کا آغاز کر دیا ہے۔
اس پروگرام کا مقصد اساتذہ کو جدید تعلیمی معیار کے مطابق عربی زبان پڑھانے کی تربیت فراہم کرنا ہے، تاکہ وہ غیر عرب طلبہ کے لیے مؤثر اور معیاری تدریس کر سکیں۔ رجسٹریشن 27 جمادی الآخر 1447 (18 دسمبر 2025) تک جاری رہے گی۔
تربیتی پروگرام یکم شعبان 1447 (20 جنوری 2026) سے 17 شعبان 1447 (05 فروری 2026) تک 4 ہفتوں پر مشتمل ہوگا، جس میں نظری تعلیم اور عملی تربیت کو یکجا کیا گیا ہے۔
شرکا کو کلاس روم میں عملی نشستیں، نظری لیکچرز، ثقافتی سرگرمیاں اور تعلیمی اداروں کے مطالعاتی دورے فراہم کیے جائیں گے تاکہ وہ غیر عرب طلبہ کی کلاسوں میں عربی زبان کی تدریس کے تقاضوں سے ہم آہنگ ہو سکیں۔
کمپلیکس کے سیکریٹری جنرل، پروفیسر ڈاکٹر عبداللہ بن صالح الوشمی کے مطابق یہ پروگرام پہلی اشاعت کی کامیابی کا تسلسل ہے اور عالمی سطح پر عربی زبان کے اساتذہ کی تربیت میں مؤثر کردار ادا کرتا ہے۔
یہ بھی پڑھیں:سعودی عرب میں موسیقی کے رنگ، چینی کورس نے عربی زبان میں پہلی بار گیت پیش کیے
پہلے مرحلے میں 11 ممالک سے تعلق رکھنے والے 22 اساتذہ نے حصہ لیا تھا، جس سے عالمی معیار کی تدریسی صلاحیتوں کی تعمیر کو تقویت ملی۔
شرکا کے لیے داخلے کی شرائط میں عربی یا متعلقہ شعبے میں جامعاتی ڈگری اور غیر عرب طلبہ کو عربی پڑھانے کا کم از کم دو سال کا تجربہ شامل ہے۔ پروگرام مکمل کرنے والے اساتذہ کو شاہ سلمان عالمی کمپلیکس برائے عربی زبان کی جانب سے تصدیق شدہ سرٹیفکیٹ فراہم کیا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سعودی عرب شاہ سلمان عالمی کمپلیکس شاہ عبدالعزیز یونیورسٹی عربی
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر