پی ایس ایل 10 کے کمنٹری پینل کا اعلان، عالمی و قومی ستارے شامل
اشاعت کی تاریخ: 6th, April 2025 GMT
کراچی(سپورٹس ڈیسک)پاکستان سپر لیگ 2025 (پی ایس ایل 10) کے کمنٹری پینل کا باقاعدہ اعلان کر دیا گیا ہے، جس میں کرکٹ کی دنیا کے کئی بڑے نام پہلی بار شامل کیے گئے ہیں۔ پی ایس ایل کی تاریخ میں پہلی مرتبہ مکمل اردو کمنٹری بھی متعارف کرائی جا رہی ہے۔
پی ایس ایل کے چیف ایگزیکٹیو آفیسر سلمان نصیر کے مطابق اس بار کمنٹری پینل میں عالمی شہرت یافتہ سابق کھلاڑی اور معروف تجزیہ نگار شامل ہوں گے، جس سے کوریج کے معیار میں مزید بہتری آئے گی۔
عالمی ستاروں کی شمولیت
پی ایس ایل 10 میں سابق انگلش کپتان الیسٹر کک پہلی بار کمنٹری کا حصہ بن رہے ہیں، جبکہ مارک نکولس، ڈومینک کارک، جے پی ڈومینی اور ہیزمین بھی پینل میں شامل ہوں گے۔ اس کے علاوہ مارٹن گپٹل، اطہر علی خان اور لیزا اسٹالکر بھی کمنٹری میں اپنی آواز کا جادو جگائیں گے۔
پاکستانی کرکٹ لیجنڈز کی واپسی
پاکستان کے سابق کپتان رمیز راجہ، وسیم اکرم، وقار یونس اور عامر سہیل کے ساتھ ساتھ بازید خان، سکندر بخت اور عروج ممتاز بھی کمنٹری ٹیم کا حصہ ہوں گے۔ خاص بات یہ ہے کہ یہ وسیم اکرم کا پی ایس ایل کمنٹری ڈیبیو ہو گا، جس کا مداحوں کو شدت سے انتظار ہے۔
اردو کمنٹری کی مکمل ٹیم
پی ایس ایل 10 میں پہلی بار مکمل اردو کمنٹری فراہم کی جائے گی۔ اردو پینل میں طارق سعید، علی یونس، عقیل ثمر، مرینہ اقبال اور سلمان بٹ شامل ہیں، جو ناظرین کو قومی زبان میں بھرپور تجزیے اور دلچسپ لمحے فراہم کریں گے۔
پریزینٹرز کی فہرست
میچز کے دوران ایرن ہالینڈ اور زینب عباس پریزینٹنگ کے فرائض سرانجام دیں گی، جو کرکٹ فینز کو میچ سے جڑی خصوصی جھلکیاں، انٹرویوز اور تجزیات فراہم کریں گی۔
سلمان نصیر نے کہا کہ پی ایس ایل 10 کے اس کمنٹری پینل سے نہ صرف نشریات کے معیار میں بہتری آئے گی بلکہ شائقین کو ہر زاویے سے کرکٹ سے جڑے رہنے کا موقع ملے گا۔
مزیدپڑھیں:بلاول بھٹو جلسے میں کھڑے ہوکر پانی جیسے اہم مسئلے پر سیاست نہ کریں، عظمیٰ بخاری
ذریعہ: Daily Ausaf
کلیدی لفظ: پی ایس ایل 10 کمنٹری پینل
پڑھیں:
پاکستان کرکٹ ٹیم کا نیا ہیڈکوچ کون ہوگا، نام سامنے آگیا؟
پاکستان کرکٹ ٹیم کیلئے نئے ہیڈکوچ کیلئے بورڈ کے اعلیٰ حکام نے نام فائنل کرلیا۔
گزشتہ دنوں پاکستان کرکٹ بورڈ (پی سی بی) نے قومی کرکٹ ٹیم کیلئے مستقل ہیڈ کوچ کی تلاش کا عمل شروع کردیا ہے، ہفتے کے روز بورڈ نے عہدے کے لیے اشتہار جاری کیا تھا، جس کے مطابق درخواست دہندگان کے پاس لیول 3 کوچنگ سرٹیفیکیشن اور قومی یا ڈومیسٹک کرکٹ ٹیموں کی کوچنگ کا کم از کم 10 سال کا تجربہ مانگا گیا تھا۔
میڈیا رپورٹس میں دعویٰ کیا گیا ہے کہ اسلام آباد یونائیٹڈ کے موجودہ کوچ مائیک ہیسن پاکستان سپر لیگ (پی ایس ایل) کے 10ویں ایڈیشن کے اختتام پر قومی ٹیم کے ہیڈ کوچ کے عہدے پر فائز ہوجائیں گے۔
مزید پڑھیں: واجبات کی عدم ادائیگی؛ گلیسپی نے آئی سی سی کا در کھٹکھٹا دیا
گیری کرسٹن کے مستعفیٰ ہونے کے بعد عارضی کوچ کے طور پر خدمات سرانجام دینے والے عاقب جاوید کا معاہدہ بھی فروری 2025 میں ختم ہوچکا ہے، وہ معاہدہ تجدید میں دلچسپی نہیں رکھتے۔
مائیک ہیسن کی قابلیت:
نیوزی لینڈ سے تعلق رکھنے والے ہیسن نے انڈین پریمئیر لیگ (آئی پی ایل) کی معروف فرنچائز رائل چیلنجرز بنگلور (بنگلور) میں ڈائریکٹر آف کرکٹ کے طور پر کام کرچکے ہیں جبکہ کیوی ٹیم کی کوچنگ کے فرائض بھی نبھاچکے ہیں۔
مزید پڑھیں: سابق ہیڈکوچ تاحال اپنے واجبات کے انتظار میں!
پی ایس ایل 9 میں اسلام آباد یونائیٹڈ کی جیت میں مائیک ہیسن نے اہم کردار ادا کیا تھا، یہ انکا لیگ میں پہلا سیزن تھا۔
اسی طرح سابق لیجنڈری اسپنر سقلیین مشتاق بھی ہیڈ کوچ کے عہدے کیلئے مضبوط امیدوار ہیں۔
پاکستان کا دفاع محفوظ ہے، کوئی میلی آنکھ سے نہیں دیکھ سکتا:وزیراعظم