پی ٹی آئی میں جتنے لوگ اتنے گروپ ہیں، ہمیں ان کو برا بولنے کی ضرورت نہیں، وزیر دفاع خواجہ آصف
اشاعت کی تاریخ: 6th, April 2025 GMT
وزیر دفاع خواجہ آصف نے کہا ہے کہ پی ٹی آئی میں جتنے لوگ ہیں اتنے ان کے گروپ بن چکے ہیں، ہمیں ان کو برا بولنے کی ضرورت ہی نہیں۔
سیالکوٹ میں تقریب سے خطاب کرتے ہوئے انہوں نے کہاکہ عمران خان کو ایسے لوگ چاہیے جن کے اپنے پلے کچھ بھی نہ ہو، اور وہ صبح شام لیڈر کے مرہون منت ہوں۔
یہ بھی پڑھیں عمران خان جیب کترا تھا، ہم نے مہنگائی کم کرکے ناممکن کو ممکن کر دکھایا، وزیر دفاع خواجہ آصف
خواجہ آصف نے کہاکہ مسلم لیگ ن میں ووٹ بینک نواز شریف کا ہی ہے، لیکن جب ہم بھی ووٹ مانگنے نکلتے ہیں تو اللہ کہ مہربانی ہے کہ 4 ووٹ کوئی ہمارا منہ دیکھ کر بھی دے دیتا ہے۔
وزیر دفاع نے کہاکہ ہم نے عمران خان کے خلاف کامیاب تحریک عدم اعتماد کے ذریعے اقتدار حاصل کیا، ایک وہ وقت بھی تھا کہ عمران خان وزیراعظم تھے لیکن سیکیورٹی سے متعلق اجلاسوں میں شرکت نہیں کرتے تھے۔
وزیر دفاع نے کہاکہ جب ہماری ایئر فورس نے ابھی نندن کا جہاز گرایا تو جنرل باجوہ نے عمران خان کو میٹنگ کی صدارت کرنے کا کہا لیکن یہ نہیں آئے اور اب کہتے ہیں مجھے میٹنگ میں بلاؤ ورنہ میری پارٹی شرکت نہیں کرےگی۔
انہوں نے کہاکہ وزیراعظم شہباز شریف نے بجلی کی قیمتیں کم کرکے ناممکن کو ممکن کر دکھایا۔
وزیر دفاع نے کہاکہ حکومت نے معیشت کو بحال کردیا ہے، بجلی کی قیمتوں میں کمی کوئی چھوٹا ریلیف نہیں، پنجاب کے ہر شہر میں کام ہوتے ہوئے نظر آرہے ہیں۔
انہوں نے کہاکہ ہم بھی قید میں رہے ہیں لیکن جس طرح عمران خان کو ملاقاتوں کی اجازت ہے ہمیں تو نہیں تھی، اس کے علاوہ پریس کانفرنسز بھی کی جارہی ہیں اور بیانات بھی جاری ہوتے ہیں، پھر یہ آپس میں لڑتے بھی ہیں۔
یہ بھی پڑھیں پی ٹی آئی نے جو کیا وہ پوری قوم نے دیکھا، فوج کی کامیابی کے بجائے کہا گیا کہ دہشتگردوں نے خود لوگوں کو چھوڑا، خواجہ آصف
انہوں نے مزید کہاکہ بجٹ سے پہلے عوام کو مزید خوشخبریاں ملیں گی، جبکہ شرح سود میں بھی مزید کمی ہوگی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews اڈیالہ جیل پنجاب ترقیاتی کام خواجہ آصف عمران خان مسلم لیگ ن نواز شریف وزیر دفاع وی نیوز.ذریعہ: WE News
کلیدی لفظ: اڈیالہ جیل پنجاب ترقیاتی کام خواجہ ا صف مسلم لیگ ن نواز شریف وزیر دفاع وی نیوز خواجہ ا صف وزیر دفاع انہوں نے نے کہاکہ
پڑھیں:
منرلز بل پر تنقید کے پیچھے پورا مافیا، عمران خان سے ملاقات میں بات کلیئر ہو جائےگی، علی امین گنڈاپور
وزیراعلیٰ خیبرپختونخوا علی امین گنڈاپور نے کہا ہے کہ بانی پی ٹی آئی عمران خان سے جلد ملاقات ہوگی، جس میں مائنز اینڈ منرل ایکٹ کے حوالے سے بات واضح ہو جائےگی۔
اپنے ایک بیان میں انہوں نے کہاکہ مائنز اینڈ منرل ایکٹ کے حوالے سے پروپیگنڈا کیا جارہا ہے، وفاق سمیت کسی کو اختیار دینے کی تجویز دی گئی ہے تو ثابت کریں۔
یہ بھی پڑھیں حکومتی ارکان مائنز اینڈ منرلز بل پر رو رہے ہیں تو کابینہ میں کیسے منظور ہوگیا؟ اپوزیشن لیڈر کے پی
انہوں نے کہاکہ ہماراصوبہ ہے، ہم سے زیادہ اس سے کون وفادار ہے؟ میں سندھ، پنجاب یا بلوچستان کا جوابدہ نہیں، اپنے صوبے کا جوابدہ ہوں۔
علی امین گنڈاپور نے کہاکہ بل کی کوئی ایک شق بتادیں جس میں ہم نے وفاق کو اختیار دیا ہو؟ ایس آئی ایف سی کی تجویز کو تو میں نے مانا ہی نہیں۔
انہوں نے مولانا فضل الرحمان کا نام لیے بغیر تنقید کرتے ہوئے کہاکہ بلوچستان میں انہوں نے ووٹ دے کر بل پاس کرایا، اس پروپیگنڈے کے پیچھے پورا ایک مافیا سرگرم ہے۔
انہوں نے کہاکہ بلوچستان میں اختیار دینے کی تجویز مان لی گئی، جبکہ ہم نے مسترد کی، خیبرپختونخوا میں غیرقانونی مائننگ ہرگز نہیں ہونے دوں گا۔
واضح رہے کہ خیبرپختونخوا میں مائنز اینڈ منرل بل پر پی ٹی آئی میں اختلافات سامنے آگئے ہیں، آج ہونے والی بریفنگ بھی بغیر کسی نتیجے کے ختم ہوگئی۔
یہ بھی پڑھیں مائنز اینڈ منرلز بل کا معاملہ: اے این پی کا آل پارٹیز کانفرنس بلانے کا اعلان
پی ٹی آئی ارکان اسمبلی کا مؤقف ہے کہ جب تک عمران خان کوئی ہدایات جاری نہیں کرتے اس بل کو منظور نہیں کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پاکستان تحریک انصاف پی ٹی آئی خیبرپختونخوا خیبرپختونخوا اسمبلی علی امین گنڈاپور عمران خان مائنز اینڈ منرلز بل وی نیوز
حافظ آباد میں مضر صحت مٹھائی کھانے سے 3 بچے انتقال کرگئے