پاکستان لانگ رینج رائفل ٹیم نے جنوبی افریقا میں تاریخ رقم کردی
اشاعت کی تاریخ: 6th, April 2025 GMT
پاکستان لانگ رینج رائفل ٹیم نے جنوبی افریقہ ایف کلاس نیشنل لانگ رینج چیمپئن شپ 2025 میں شاندار کامیابی حاصل کی۔
پاکستان ٹیم نے مقابلوں میں ڈبل گولڈ میڈل جیت کر تاریخ رقم کر دی۔ پاکستانی ٹیم نے دونوں ٹیم مقابلے جیت کر دنیا کی نمبر ون ٹیم جنوبی افریقہ کو ان کی اپنی سرزمین پر شکست دے دی۔
مارچ 2025 میں پاکستانی ٹیم نے جنوبی افریقہ میں چار روزہ ونڈ ٹریننگ کیمپ میں شرکت کی، جو 27 مارچ سے 30 مارچ تک جاری رہا۔ یہ کیمپ دو نئے تعینات ہونے والے جنوبی افریقی ونڈ کوچز ہینی گربر اور جولیئس ہارٹمین کی زیر نگرانی ہوا۔
اس مقابلے کا مقصد آنے والے یورپین ایف کلاس ٹیمز چیمپئن شپ ستمبر 2025 برطانیہ اور ورلڈ چیمپئن شپ 2026 کی تیاری تھا۔
وائس پریذیڈنٹ ٹیم میچ میں پاکستان کا اسکور 1200 میں سے 1168 رہا اور گولڈ میڈل حاصل کیا۔ چیئرمینز ٹیم کپ، جو اس مقابلے کا سب سے باوقار ایونٹ مانا جاتا ہے، میں پاکستان نے 1200 میں سے 1174 اسکور کر کے دوسری بار گولڈ میڈل جیتا۔
ٹیم ممبران میں لیفٹیننٹ جنرل احسن، اسد وحید، عبید ابراہیم، حذیفہ گل، جنید وقاص، لیفٹیننٹ کرنل جنید علی اور سپاہی ولید شامل تھے۔ جنوبی افریقہ کے ونڈ کوچز ہینی گربر اور جولیئس ہارٹمین نے کوچنگ کے فرائض انجام دیے۔
انفرادی مقابلوں میں بھی پاکستان نے مجموعی طور پر 11 تمغے حاصل کیے جن میں 5 گولڈ، 3 سلور اور 3 برونز شامل ہیں۔ لیفٹیننٹ کرنل جنید علی نے اپنی مستقل مزاجی اور مہارت کے ساتھ 3 گولڈ، 2 سلور اور 2 برونز میڈلز حاصل کیے۔
اسکاٹش سوورڈ میچ میں سپاہی ولید نے گولڈ میڈل حاصل کیا۔ اسٹیٹ پریذیڈنٹ فرسٹ اسٹیج میں عبید ابراہیم نے سلور اور لیفٹیننٹ کرنل جنید علی نے برونز میڈل جیتا۔ جیک مچلی میچ میں اسد وحید نے گولڈ میڈل حاصل کیا۔
فری اسٹیٹ بزلے میچ میں لیفٹیننٹ کرنل جنید علی نے گولڈ میڈل حاصل کیا۔ ڈالرمپل کپ میں لیفٹیننٹ کرنل جنید علی نے سلور میڈل حاصل کیا۔ کرنل بوڈلے میچ میں بھی لیفٹیننٹ کرنل جنید علی نے گولڈ میڈل جیتا۔
اسٹیٹ پریذیڈنٹ سیکنڈ اسٹیج میں لیفٹیننٹ کرنل جنید علی نے سلور میڈل حاصل کیا۔ اسٹیٹ پریذیڈنٹ اوورآل ٹرافی میں لیفٹیننٹ کرنل جنید علی نے گولڈ اور عبید ابراہیم نے برونز میڈل حاصل کیا۔ جنوبی افریقہ چیمپئن شپ ایگریگیٹ اوورآل میں لیفٹیننٹ کرنل جنید علی نے برونز میڈل جیتا۔
.ذریعہ: Express News
کلیدی لفظ: میں لیفٹیننٹ کرنل جنید علی نے گولڈ میڈل حاصل کیا جنوبی افریقہ نے گولڈ میڈل برونز میڈل چیمپئن شپ میچ میں ٹیم نے
پڑھیں:
مریم نواز شریف سے یورپی یونین کے پارلیمانی وفد برائے جنوبی ایشیا کی ملاقات
لاہور (اُردو پوائنٹ اخبارتازہ ترین - آن لائن۔ 19 اپریل2025ء) وزیراعلیٰ پنجاب مریم نواز نے کہا ہیکہ پاکستان یورپی یونین کیساتھ قابل اعتماد دوستی کو قدر کی نگاہ سے دیکھتا ہے۔پنجاب پاکستان کی معیشت کا دل ہے، سرمایہ کاری کے لئے سازگار ماحول مہیا کر رہے ہیں، زراعت، توانائی، ڈیجیٹل انفرااسٹرکچر اور ماحولیاتی منصوبوں میں یورپی یونین کے ساتھ تعاون بڑھانا چاہتے ہیں۔ مریم نواز شریف سے یورپی یونین کے پارلیمانی وفد برائے جنوبی ایشیا نے ملاقات کی۔ ملاقات کے دوران باہمی دلچسپی کے امور، دوطرفہ تعلقات، تجارت، تعلیم اور سرمایہ کاری پر تبادلہ خیال کیا گیا، تعلیم، آئی ٹی، گرین انرجی اور صحت کے شعبوں میں سرمایہ کاری کی پیشکش، تجارت، امن، ترقی اور مشترکہ اہداف کے لئے تعلقات کو مزید مضبوط بنانے پر بھی اتفاق ہوا۔(جاری ہے)
اس موقع پر گفتگو کرتے ہوئے وزیراعلیٰ پنجاب نے کہا کہ پاکستان یورپی یونین کے ساتھ قابل اعتماد دوستی کو قدر کی نگاہ سے دیکھتا ہے، یورپی یونین پاکستان کا شراکت دار ہی نہیں بلکہ دنیا میں استحکام کی آواز بھی ہے، جی ایس پی پلس ملنے سے پاکستان کی برآمدات، بالخصوص ٹیکسٹائل کے شعبے میں بہت بہتری آئی ہے، انسانی حقوق اور لیبر ریفارمز سمیت تمام تقاضے پورے کرنے کے لئے اقدامات کر رہے ہیں۔ انہوں نے کہا کہ پنجاب پاکستان کی معیشت کا دل ہے، سرمایہ کاری کے لئے سازگار ماحول مہیا کر رہے ہیں، زراعت، توانائی، ڈیجیٹل انفرااسٹرکچر اور ماحولیاتی منصوبوں میں یورپی یونین کے ساتھ تعاون بڑھانا چاہتے ہیں، پاکستان کے نوجوان باصلاحیت اور متحرک ہیں، عالمی جاب مارکیٹ سے منسلک کرنے کے لئے ٹریننگ کورسز کرا رہے ہیں۔ انہوں نے کہا کہ خوشی ہے کہ پاکستانی طلبہ تیسرے سال بھی Erasmus Mundusسکالرشپ حاصل کرنے والوں میں سرفہرست ہیں، پاکستان علاقائی و عالمی امن کے لئے پرعزم ہیں۔
حافظ آباد میں مضر صحت مٹھائی کھانے سے 3 بچے انتقال کرگئے