رکن قومی اسمبلی انجم عقیل خان کی وزیر منصوبہ بندی احسن اقبال سے ملاقات،ترقیاتی کاموں کے حوالے سے تبادلہ خیال،مختلف منصوبوں پر گفتگو
اشاعت کی تاریخ: 5th, April 2025 GMT
رکن قومی اسمبلی انجم عقیل خان کی وزیر منصوبہ بندی احسن اقبال سے ملاقات،ترقیاتی کاموں کے حوالے سے تبادلہ خیال،مختلف منصوبوں پر گفتگو WhatsAppFacebookTwitter 0 5 April, 2025 سب نیوز
اسلام آباد (آئی پی ایس )رکن قومی اسمبلی انجم عقیل خان کی وفاقی وزیر پلاننگ اینڈ ڈویلپمنٹ پروفیسر احسن اقبال سے اہم ملاقات رکن قومی اسمبلی انجم عقیل خان نے وفاقی وزیر پلاننگ اینڈ ڈویلپمنٹ پروفیسر چوہدری احسن اقبال سے اسلام آباد میں ایک تفصیلی ملاقات کی جس میں حلقہ این اے 46 اسلام آباد سے متعلق ترقیاتی منصوبوں پر تبادلہ خیال کیا گیا۔ملاقات کے دوران انجم عقیل خان نے اپنے حلقے میں انفراسٹرکچر کی بہتری، تعلیم اور صحت کے شعبوں میں جاری اور مجوزہ منصوبہ جات کے لیے وفاقی بجٹ 2025-26 میں فنڈز مختص کرنے کی ضرورت پر زور دیا۔
انہوں نے کہا کہ اسلام آباد کے مضافاتی علاقوں کو ترقیاتی عمل میں مساوی اہمیت دی جانی چاہیے تاکہ عوام کو بنیادی سہولیات ان کی دہلیز پر میسر آ سکیں۔وفاقی وزیر احسن اقبال نے انجم عقیل خان کو یقین دہانی کرائی کہ وزارت منصوبہ بندی اسلام آباد میں جاری اور نئے ترقیاتی منصوبوں کے لیے بھرپور معاونت فراہم کرے گی۔ انہوں نے کہا کہ حکومت کا مقصد تمام علاقوں میں یکساں ترقی کو یقینی بنانا ہے، اور اس سلسلے میں عوامی نمائندوں کی تجاویز کو خصوصی اہمیت دی جا رہی ہے۔ ملاقات میں جن منصوبوں پر گفتگو ہوئی ان میں شامل تھے۔
حلقے میں سڑکوں کی تعمیر و بحالی،سرکاری اسکولوں کی اپگریڈیشن اور نئے تعلیمی اداروں کا قیام،بنیادی صحت کے مراکز کی بہتری،صاف پانی کی فراہمی اور سیوریج سسٹم کی بہتری، نوجوانوں کے لیے کھیلوں اور روزگار کے مواقع پیدا کرنے کے منصوبے،دونوں رہنماں نے اس بات پر اتفاق کیا کہ اسلام آباد کو ایک ماڈل شہر بنانے کے لیے مربوط منصوبہ بندی اور بروقت عملدرآمد ناگزیر ہے۔ انجم عقیل خان نے وفاقی وزیر کا شکریہ ادا کیا اور امید ظاہر کی کہ آئندہ بجٹ میں ان کے حلقے کے لیے خاطر خواہ فنڈز مختص کیے جائیں گے تاکہ عوامی مسائل کا موثر حل ممکن ہو سکے ۔
.ذریعہ: Daily Sub News
کلیدی لفظ: رکن قومی اسمبلی انجم عقیل خان احسن اقبال سے
پڑھیں:
محسن نقوی اور سعودی سفیر کی ملاقات، دوطرفہ تعلقات کے فروغ پر تبادلہ خیال
وفاقی وزیر داخلہ محسن نقوی نے سعودی سفیر سے ملاقات کی جس میں دوطرفہ تعلقات کے فروغ پر تبادلہ خیال کیا گیا۔ڈپلومیٹک انکلیو سعودی سفارتخانے آمد پر سعودی عرب کے سفیر نواف بن سعید احمد المالکی نے وزیر داخلہ محسن نقوی کا خیر مقدم کیا، ملاقات کے دوران باہمی دلچسپی کے امور، دوطرفہ تعلقات کے فروغ اور باہمی تعاون بڑھانے کے حوالے سے تبادلہ خیال کیا گیا۔وزیر داخلہ محسن نقوی نے معاشی و سماجی شعبوں میں پاکستان کا بھرپور ساتھ دینے پر سعودی عرب کی حکومت اور سفیر کا شکریہ ادا کیا۔محسن نقوی نے کہا کہ پاک گلف تعاون کونسل انسداد منشیات کانفرنس میں سعودی عرب کے اعلیٰ سطح کے وفد کی شرکت پر مشکور ہیں، انسداد منشیات اور انسانی سمگلنگ کی روک تھام کیلئے سعودی عرب کے ساتھ تعاون بڑھانا چاہتے ہیں، بھکاریوں اور غیر قانونی امیگریشن روکنے کیلئے پاسپورٹ کے حصول کیلئے نئی شرائط عائد کی جا رہی ہیں۔ان کا کہنا تھا کہ بھکاری مافیا کے خلاف گھیرا تنگ کر دیا گیا، سعودی شہریوں کیلئے پاکستان آنے پر کوئی ویزا نہیں، جب چاہیں آئیں۔وزیر داخلہ نے منشیات کیس میں ملوث بے گناہ خاندان کی رہائی کیلئے بھرپور تعاون پر بھی سعودی حکومت اور سفیر کا شکریہ ادا کیا اور کہا کہ بے گناہ خاندان کی رہائی و وطن واپسی کیلئے سعودی عرب نے بہت ساتھ دیا، سعودی عرب حکومت کے تعاون کی بدولت ہی خاندان کے 5 افراد کو رہائی ملی اور وطن واپس آئے۔اس موقع پر سعودی سفیر کا کہنا تھا کہ پاکستان کے ساتھ انتہائی قریبی تعلقات ہیں جنہیں مزید فروغ دینا چاہتے ہیں۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج