بلاول بھٹو نے کہا کینالز کو بننے نہیں دیا جائیگا، یہ سب کے لیے پیغام تھا، شرجیل میمن
اشاعت کی تاریخ: 5th, April 2025 GMT
سندھ کے سینئر وزیر شرجیل انعام میمن نے کہا ہے کہ بلاول بھٹو نے گزشتہ روز ملک کے تمام چیلنجز پر روشنی ڈالی۔ بلاول بھٹو نے کہا کسی بھی صورت میں کینالز کو بننے نہیں دیا جائیگا، کینالز کے معاملے پر واضح بیان سب کے لیے پیغام تھا۔
کراچی میں پریس کانفرنس کرتے ہوئے شرجیل میمن نے کہا کہ پانی کے بارے بھی پنجاب حکومت واضح نہ کرسکی کہ پانی کہاں سے آئے گا؟ پاکستان ہے تو ہم سب ہیں۔ صدر کی میٹنگ کے منٹس موجود ہیں، اپروول لفظ کہیں بھی نہیں۔ ہم اصولوں پر سیاست کرتے ہیں، ہم 7کروڑ لوگوں کی زندگی کی بات کررہے ہیں۔
شرجیل میمن نے کہا کہ پہلے آئین پڑھ لیں پھر میڈم ایسے بیان دیں۔ اگر آپ کے وفاقی حکومت کے ساتھ مسائل ہیں وہ اپنے گھر میں حل کریں۔ عظمیٰ بخاری چاہتی ہوں گی کہ پیپلزپارٹی اور مسلم لیگ ن میں ٹکراؤ آئے، ہو سکتا ہے عظمیٰ بخاری نے جان بوجھ کر یہ بیان دیا ہو، عظمیٰ بخاری نے جو بیان دیا وہ کم سوچ کی عکاسی ہے، پنجاب کی وزیراطلاعات ایسے منصب پر بیٹھ کر ایسے بیانات دیں یہ درست نہیں، عظمیٰ بخاری کا بیان افسوسناک،کوئی عقلمند شخص ایسا بیان نہیں دے سکتا۔
مزید پڑھیں: وزیراعظم شہباز شریف جلد ایک اور بڑی خوشخبری کا اعلان کرنے والے ہیں، عظمیٰ بخاری
ان کا کہنا تھا کہ سندھ کا سب سے بڑا مسئلہ کینالز ہے، جس پر انہوں نے واضح پالیسی بیان دیا، مختلف اخبارات کی شہ سرخی آج کینالز کی مخالفت پر ہے، چیئرمین نے سخت پیغام دیا ہے کہ کینالز بننے نہیں دیے جائیں گے۔ برسی پر پی پی کے لیڈر بلاول بھٹو زرداری نے تاریخی خطاب کیا، خطاب میں انہوں نے ملک کے موجودہ مسائل پر روشنی ڈالی، اچھے لیڈر کی پہچان ہے کہ وہ پورے ملک کی بات کرتا ہے۔
شرجیل میمن نے کہا کہ بلاول بھٹو نے واضح الفاظ میں کہا کہ کینالز نا منظور ہیں، بلاول بھٹو نے کہا کہ ہم وزیراعظم کے ساتھ نہیں، عوام کے ساتھ کھڑے ہیں، پیپلز پارٹی کسی صورت کینالز نہیں بننے دے گی۔ بیرونی ہاتھ پاکستان کو نقصان پہنچانے کی کوشش کر رہے ہیں۔ ہم کسی صورت میں ملک کو نقصان پہنچنے نہیں دیں گے۔
انہوں نے کہا کہ بلاول بھٹو نے کہا ہے کہ جو لوگ افراتفری چاہتے ہیں، انہیں کسی صورت قبول نہیں کیا جائے گا۔ بے نظیر بھٹو نے کالا باغ ڈیم والے مسئلے پر دھرنا دیا تھا۔ این ایف سی ایوارڈ آصف علی زرداری نے دیا۔آصف زرداری نے ملک کے ہر کونے کی آواز کو سنا تھا اور کالا باغ ڈیم کے مسئلے پر فیصلہ دیا تھا۔
مزید پڑھیں: سندھو کو بچانا ہے، پانی کی منصفانہ تقسیم کی جنگ لڑ کر آیا ہوں، بلال بھٹو کا جلسہ عام سے خطاب
شرجیل میمن نے کہا کہ این ایف سی ایوارڈ کے بعد صوبائی خود مختاری پر بھی آصف زرداری کے دور میں کام ہوا تھا، خیبر پختونخوا کا نام بھی آصف علی زرداری نے ہی رکھا تھا، بلوچستان کے لیے پیکج کا اعلان بھی آصف علی زرداری نے کیا تھا، مشکل حالات میں پاکستان کھپے کا نعرہ بھی آصف علی زرداری نے لگایا تھا۔
انہوں نے کہا کہ بلاول بھٹو نے کل جلسے میں کہا کہ ہم تمام صوبوں کو ایک ہونا چاہیے۔کینالز کا مسئلہ سب سے پہلے پیپلز پارٹی نے اٹھایا۔ 18 اپریل کو تمام ایشوز پر حیدر آباد میں جلسہ کریں گے۔
شرجیل میمن نے کہا کہ ترجمان کے پی حکومت نے بھی بلاول بھٹو پر تنقید کی، کے پی حکومت کے ترجمان اپنے صوبے کے امن وامان پر توجہ دیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آصف زرداری شرجیل انعام میمن شرجیل میمن عظمیٰ بخاری.ذریعہ: WE News
کلیدی لفظ: شرجیل انعام میمن شرجیل میمن شرجیل میمن نے کہا کہ بلاول بھٹو نے کہا آصف علی زرداری نے کہ بلاول بھٹو نے انہوں نے بھی آصف کے لیے
پڑھیں:
’طعنہ دینے ہمارے ووٹوں سے ہی صد بنے‘بلاول بھٹو کی حکومت پر سخت تنقید سے متعلق رانا ثنا اللہ کا ردعمل
پاکستان پیپلز پارٹی کے چیئرمین بلاول بھٹو کی حمکران مسلم لیگ (ن) پر سخت تنقید کے بعد وزیر اعظم کے مشیر رانا ثنا اللہ کا بیان سامنے آگیا۔
اپنے ایک بیان میں وزیراعظم کے مشیر برائے بین الصوبائی رابطہ و سیاسی امور رانا ثنااللہ نے کہا کہ بیان دینے کی ایک حد ہونی چاہیے، دوسروں کی عزت و احترام ہونا چاہیے، جنہیں طعنہ دے رہے ہیں، ان ہی کے ووٹوں سے صدر منتخب ہوئے ہیں۔
رانا ثنااللہ نے کہا کہ سندھ کو کوئی نقصان نہیں پہنچے گا، سندھ کا ایک بوند بھی پانی چوری کا ارادہ نہیں، سندھ حکومت بات کرنے کو تیار ہے ، یہ بات وزیراعظم کے نوٹس میں لائی گئی ہے اور وزیراعظم اس معاملے پر مناسب فیصلہ کریں گے۔
انہوں نے کہا کہ بلاول نے جلسہ عام سے جوبات کی وہ جوش خطابت میں کی، جوش خطابت میں بہت ساری باتیں ہوجاتی ہیں، بلاول نے جو کچھ کہا اس پر رد عمل دینے کی ضرورت نہیں لیکن بیانات ایک دائرے میں ہونے چاہئیں، دوسروں کی عزت و احترام ہونا چاہیے۔
رانا ثنا اللہ کا کہنا تھا کہ پاکستان تحریک انصاف اپنے معاملات بہترکرے، جیل کے عملے سے تعاون کرے، جن لوگوں کا نام فہرست میں ہو وہی ملاقات کے لیے جائیں، دیگر رہنما اڈیالہ کیوں پہنچ جاتے ہیں؟
یاد رہے کہ گزشتہ دنوں ایک جلسہ عام سے خطابت کرتے ہوئے پیپلز پارٹی کے چیئرمین بلاول بھٹو زرداری نے کہا تھا کہ پانی کی تقسیم کا مسئلہ وفاق کو خطرے میں ڈال سکتا ہے، وفاق کینالز مںصوبے کو واپس لے ورنہ پیپلز پارٹی حکومت کے ساتھ نہیں چلے گی۔
پاراچنار کے منتخب چیئرمین مزمل حسین فصیح کو بلاجواز جیل میں قید رکھا گیا ہے، علامہ مقصود ڈومکی