میانمار زلزلہ: ہلاکتوں کی تعداد 3,300 سے بڑھ گئی
اشاعت کی تاریخ: 5th, April 2025 GMT
اسلام آباد (اُردو پوائنٹ ۔ DW اردو۔ 05 اپریل 2025ء) 28 مارچ کو آنے والے زلزلے نے پورے میانمار میں تباہی مچائی، عمارتیں زمیں بوس ہو گئیں اور انفراسٹرکچر کو بھی شدید نقصان پہنچا۔ میانمار کے سرکاری میڈیا کے مطابق اس زلزلے کے سبب اب تک ہونے والی ہلاکتوں کی تعداد 3,354 ہے جبکہ 4,508 زخمی ہیں۔ تازہ اعداد وشمار کے مطابق 220 افراد لاپتہ ہیں۔
پناہ گاہیں ابھی تک دستیاب نہیںخبر رساں ادارے اے ایف پی کے مطابق زلزلے کے ایک ہفتہ بعد بھی میانمار میں بہت سے لوگ پناہ گاہوں کے بغیر کھلے آسمان تلے زندگی گزار رہے ہیں، کیونکہ ان کے گھر بار اس زلزلے میں تباہ ہو گئے تھے۔
اقوام متحدہ کے اندازوں کے مطابق 7.
(جاری ہے)
یہ پہلے ہی کئی برسوں سے جاری خانہ جنگی کے سبب شدید مشکلات کا شکار تھا۔ بین الاقوامی امداد اور مزید امداد کی اپیلاقوام متحدہ کے امدادی سرگرمیوں کے سربراہ نے آج ہفتے کے دن منڈالے میں زلزلہ متاثرین سے ملاقات کی ہے۔ منڈالے زلزلے کے مرکز کے قریب ہی واقع ہے اور یہ شہر اس طاقتور زلزلے سے شدید متاثر ہوا ہے۔
ٹام فلیچر نے ایکس پر اپنی ایک پوسٹ میں لکھا، ''تباہی ناقابل یقین ہے، دنیا کو میانمار کے لوگوں کے لیے آگے بڑھنا چاہیے۔
‘‘چین، روس اور بھارت ان اولین ممالک میں شامل ہیں جنہوں نے زلزلے کے بعد میانمار کی امداد میں پہل کی۔ ان میں زلزلے کے سبب تباہ ہونے والی عمارتوں کے ملبے تلے دبے افراد کو تلاش کرنے اور بچانے کے لیے امدادی ٹیمیں بھی بھیجی گئیں۔
واشنگٹن کی طرف سے جمعے کے دن بتایا گیا کہ وہ میانمار کے لیے دو بلین کی امدادی رقم میں مزید سات ملین ڈالر کا اضافہ کر رہا ہے۔
ا ب ا/ک م (اے ایف پی، اے پی، روئٹرز)
ذریعہ: UrduPoint
کلیدی لفظ: تلاش کیجئے کے مطابق زلزلے کے
پڑھیں:
حکومت کو ملنے والی غیرملکی امداد میں کمی آگئی
اسلام آباد:حکومت کو ملنے والی غیرملکی امداد میں کمی آگئی، رواں مالی سال امداد کا ہدف 19 ارب ڈالر ہے تاہم 9 ماہ گزرنے کے باوجود تاحال 5 ارب 50 کروڑ 75 لاکھ ڈالر ہی مل سکے ہیں جو کہ سالانہ ہدف کا محض 28.40 فیصد ہے۔
اقتصادی امور ڈویژن حکام کے مطابق حکومت کو رواں مالی سال کے پہلے نو ماہ کے دوران حاصل ہوئی بیرونی فنانسنگ میں سے 5 ارب 37 کروڑ ڈالر بطور قرض ملا جبکہ 13 کروڑ 56 لاکھ ڈالر بطور گرانٹ شامل ہیں تاہم اس میں آئی ایم ایف سے ملنے والی ایک ارب ڈالر کی پہلی قسط شامل نہیں ہے۔
اقتصادی امور ڈویژن کے مطابق اس عرصے میں پاکستان کو پچھلے مالی سال کے مقابلے میں 1.39 ارب ڈالر کم فنڈز حاصل ہوئے، گزشتہ سال جولائی سے مارچ کے دوران پاکستان کو 6 ارب 89 کروڑ ڈالر کی بیرونی مالی معاونت موصول ہوئی تھی۔
حکام کا کہنا ہے کہ پاکستان کو موصول ہوئی فنانسنگ کی تفصیلات کے مطابق اس عرصے کے دوران سعودی عرب نے 3 ارب ڈالر ، متحدہ عرب امارات (یو اے ای) نے دو ارب ڈالر قرض دیا جبکہ چین نے ایک ارب ڈالر قرض رول اوور کیا۔
اس کے علاوہ دیگر عالمی اداروں نے 2 ارب 82 کروڑ 76 لاکھ ڈالر فراہم کیے جن میں سے ایشیائی ترقیاتی بینک (اے ڈی بی) کی جانب سے ایک ارب 18 کروڑ ڈالر اور عالمی بینک کی جانب سے 72 کروڑ ڈالر شامل ہیں۔
مالی معاونت فراہم کرنے والے ممالک میں چین، امریکا، سعودی عرب، فرانس، کویت اور جاپان شامل ہیں جبکہ فرانس نے 10 کروڑ 80 لاکھ ڈالر، چین نے 9 کروڑ 91 لاکھ ڈالر، امریکہ نے 4 کروڑ ڈالر، جاپان نے 2 کروڑ 88 لاکھ ڈالر اور کویت نے دو کروڑ 44 لاکھ ڈالر کی مالی امداد فراہم کی ہے۔
امریکی شہریت رکھنے والے یرغمالی سے متعلق حماس کا اہم بیان سامنے آگیا