آئی ایم ایف وفد کے دورے کی مصروفیات کو منظر عام پرنہ لانےکا فیصلہ
اشاعت کی تاریخ: 5th, April 2025 GMT
اسلام آباد (ڈیلی پاکستان آن لائن )حکومت نے پاکستان کے دورے پر آئے ہوئے عالمی مالیاتی فنڈ (آئی ایم ایف) کے وفد کے کی مصروفیات کو منظر عام پرنہ لانےکا فیصلہ کیا ہے۔
نجی ٹی وی جیو نیوز نے ذرائع وزارت خزانہ کے حوالے سے بتایا کہ آئی ایم ایف وفد کا کوئی تحریری شیڈول بھی نہ جاری کرنے کا فیصلہ کیا گیا ہے۔
ذرائع کا کہنا ہے کہ آئی ایم ایف وفد کی ملاقاتوں کی اطلاعات متعلقہ محکمے کوفون پر ہی دی جائے گی۔
یاد رہے کہ آئی ایم ایف کا وفد گزشتہ روز پاکستان پہنچا تھا، وفد گڈ گورننس اور کرپشن کے تخلیصی جائزے کے لئے پاکستانی حکام سے بات چیت کرے گا۔
ذرائع کا بتانا ہے کہ آئی ایم ایف وفد سال 2025-26 کی بجٹ تجاویز کا جائزہ لے گا اور گورننس سے متعلق تکنیکی معاونت پر پاکستانی حکام سے فالو اپ مذاکرات کرے گا۔
ذرائع وزارت خزانہ کے مطابق وفد آئندہ مالی سال کیلئے ٹیکس ریونیو اقدامات، اخراجات پر کنٹرول سے متعلق پاکستانی حکام سے مذاکرات کرے گا اور بجٹ کو حتمی شکل دینے کےلئے آئی ایم ایف وفد وزارت خزانہ حکام سے مل کر تجاویز تیارکرےگا۔
پنجاب بھر میں نئے سہولت بازار قائم کرنے کی منظوری ، وزیر اعلیٰ نے زیرِ تکمیل پراجیکٹ بھی جلد مکمل کرنے کا حکم دیدیا
مزید :.ذریعہ: Daily Pakistan
کلیدی لفظ: آئی ایم ایف وفد کہ آئی ایم ایف حکام سے
پڑھیں:
عمر شہزاد اور شانزے لودھی کی رخصتی کی ویڈیو منظر عام پر
پاکستانی شوبز انڈسٹری کے دلکش اور مقبول ماڈلز عمر شہزاد اور شانزے لودھی کی رخصتی کی دل چھو لینے والی ویڈیو منظر عام پر آگئی۔
عمر شہزاد اور شانزے لودھی نے رواں سال فروری 2025ء میں نکاح کے مقدس بندھن میں بندھ کر سب کو حیران کر دیا تھا۔
ان کی پُروقار نکاح کی تقریب مدینہ منورہ میں مسجدِ نبوی ﷺ کے احاطے میں منعقد ہوئی، جس نے اس خوبصورت جوڑے کی شادی کو اور بھی بابرکت بنا دیا۔
عمر شہزاد اور شانزے لودھی اپنی شادی کی تمام تقریبات میں نہایت شاندار اور خوش و خرم نظر آئے، ان کی رخصتی اور ولیمہ کی تقریبات کا بھی خوبصورت انداز میں انعقاد ہوا۔
رخصتی کے موقع پر عمر شہزاد اور شانزے لودھی نے روایتی لباس زیب تن کیا، جس میں دونوں نہایت شاندار اور باوقار دکھائی دیے، شانزے نے سنہری جھلملاتے سیکوئنز اور موتیوں سے سجا ہوا ڈل گولڈ رنگ کا خوبصورت عروسی لباس پہنا جبکہ عمر شہزاد نے آف وائٹ اور ڈل گولڈ رنگ کی شیروانی زیب تن کی، جس کے ساتھ روایتی قُلہ بھی پہنا ہوا تھا۔
رخصتی کا لمحہ نہایت جذباتی تھا، شانزے لودھی اپنے والدین اور بھائی کے ساتھ گلے ملتے ہوئے آبدیدہ ہو گئیں، ان کے والدین اور بھائی بھی اپنی بیٹی اور بہن کی جدائی پر آنکھوں میں آنسو لیے ہوئے نظر آئے، یہ مناظر تقریب میں موجود ہر شخص کو جذباتی کر گئے۔
رخصتی کی ویڈیو اور تصاویر سوشل میڈیا پر تیزی سے وائرل ہو رہی ہیں، اور مداح جوڑے کے لیے محبت بھرے تبصرے کر رہے ہیں۔
Post Views: 5
امریکی شہریت رکھنے والے یرغمالی سے متعلق حماس کا اہم بیان سامنے آگیا