ایران کسی بھی جارحیت کا بھرپور جواب دینے کی صلاحیت رکھتا ہے، بن سلمان سے ایرانی صدر کی ٹیلی فونک گفتگو
اشاعت کی تاریخ: 5th, April 2025 GMT
سرکاری خبر ایجنسی کے مطابق ایرانی صدر سے گفتگو میں سعودی ولی عہد نے کہا کہ سعودی عرب علاقے میں ہر قسم کی کشیدگی اور بدامنی دور کرنے میں مدد کے لئے تیار ہے۔ اسلام ٹائمز۔ اسلامی جمہوریہ ایران کے صدر ڈاکٹر مسعود پزیشکیان نے عید الفطر کے موقع پر سعودی ولی عہد محمد بن سلمان کو ٹیلی فون کال کی۔ ایرانی صدر نے سعودی ولی عہد سے گفتگو میں کہا کہ ایران جنگ کا خواہاں نہیں اور نہ ہی ایٹمی ہتھیاروں کو اپنے ڈاکٹرائن کا حصہ سمجھتا ہے، لیکن ایران کسی بھی جارحیت کا بھرپور جواب دینے کی صلاحیت رکھتا ہے۔ سرکاری نیوز ایجنسی ارنا کے مطابق صدر ڈاکٹر مسعود پزشکیان نے جمعرات تین اپریل 2025 کی رات سعودی عرب کے ولی عہد محمد بن سلمان کے ساتھ ٹیلیفونک گفتگو میں انہیں، سعودی فرمانروا اور اس ملک کے عوام کو عیدالفطر کی مبارکباد پیش کی۔
انھوں نے رمضان المبارک کی عبادات، قرآن کریم اور اس مبارک مہینے کو مسلمانوں کے مشترکات کی یاد دہانی کے لئے بہترین موقع قرار دیتے ہوئے کہا کہ مسلمان ممالک اپنے مشترکات کی بنیاد پر وحدت اور یکجہتی کے ذریعے پورے خطے کے لئے میں اعلی ترین سطح پر امن و سلامتی اور پیشرفت کا ماحول برقرار رکھ سکتے ہیں۔ صدر ڈاکٹر مسعود پزشکیان نے کہا کہ اگر ہم ایک دوسرے سے متحد ہوجائيں تو بعض اسلامی ملکوں منجملہ فلسطین اور غزہ کے عوام کے خلاف ظلم و جارحیت کو روک سکتے ہیں۔ ایرانی صدر نے مسلمان اور پڑوسی ملکوں کے اتحاد و تعاون کے بارے میں سعودی ولی عہد کے بیان اور نظریات کی قدردانی کی۔
انہوں نے سعودی ولی عہد سے کہا کہ جیسا کہ آپ نے خود کہا ہے کہ اگر اسلامی ممالک ایک دوسرے کا ہاتھ پکڑ لیں تو غزہ کے مظلوم عوام کے خلاف صیہونی حکومت کے جرائم کو روک سکتے ہیں، امن و استحکام قائم کرسکتے ہیں اور علاقے کی ترقی کے لئے زیادہ سے زيادہ مواقع فراہم کر سکتے ہیں۔ ایرانی صدر نے اپنی گفتگو کے ایک اور حصے میں سعودی ولی عہد کی گفتگو کا حوالہ دیتے ہوئے کہا کہ اسلامی جمہوریہ ایران کبھی جنگ طلب نہیں رہا، ایٹمی توانائی سے متعلق سرگرمیاں، ماضی کی طرح آئندہ بھی مکمل طور پر فیکٹ چیکنگ مانیٹرنگ میں رہ سکتی ہیں۔
ڈاکٹر مسعود پزشکیان نے کہا کہ اسلامی جمہوریہ ایران دو طرفہ مفادات اور باہمی احترام کی بنیاد پر بعض اختلافات کو برطرف کرنے کے لئے مذاکرات اور افہام و تفہیم کے لئے تیار ہے۔ انھوں نے کہا کہ ہم کسی بھی ملک سے جنگ نہيں چاہتے، لیکن اپنے دفاع میں تردد سے ہرگز کام نہیں لیں گے اور اس حوالے سے ہماری صلاحیت اور آمادگی آخری سطح تک ہے۔ دوسری جانب سعودی ولی عہد نے بھی ایران کے صدر اور عوام کو عیدالفطر کی مبارکباد پیش کی اور کہا کہ امید ہے کہ ہم باہمی تعاون بڑھا کر خطے کی سلامتی، استحکام اور ترقی کے لئے زیادہ کامیابیاں حاصل کریں گے۔ انہوں نے کہا کہ سعودی عرب علاقے میں ہر قسم کی کشیدگی اور بدامنی دور کرنے میں مدد کے لئے تیار ہے۔
ذریعہ: Islam Times
کلیدی لفظ: سعودی ولی عہد ڈاکٹر مسعود ایرانی صدر نے کہا کہ سکتے ہیں کے لئے
پڑھیں:
چوہدری اسلم کی بیوہ نے فلم ’دھریندر‘ کا جواب دینے کا ارادہ کرلیا
سندھ پولیس کے شہید افسر چوہدری اسلم کی بیوہ نورین اسلم نے پاکستان مخالف بھارتی فلم ’دھریندر‘ کا جواب فلمی انداز میں دینے کا ارادہ کرلیا۔
ان کا کہنا ہے کہ متنازع بھارتی فلم میں ان کے شوہر کے کردار کو غلط انداز میں پیش کیا گیا ہے۔ میں اپنے شوہر کی زندگی اور خدمات پر مبنی فلم یا ڈرامہ تیار کروں گی۔
پاکستان مخالف بیانیے پر مبنی بھارتی فلم ’دھریندر‘ کی ریلیز کے بعد نورین اسلم نے کراچی پریس کلب میں نجی نیوز چینل سے گفتگو کی، جہاں انہوں نے بھارتی فلم میں چوہدری اسلم کے محدود کردار کی عکاسی پر بات کی اور کہا کہ فلم میں ان کے شوہر کی کہانی درست انداز میں پیش نہیں کی گئی، اسے درست انداز میں پیش کرنے کے لیے فلم یا ڈرامہ بناؤں گی۔
انہوں نے کہا کہ بھارت میں بننے والی فلم ’دھرندھر‘ ہماری فورسز کے خلاف ہے اور پاکستان کے بارے میں ان کے عزائم کبھی واضح نہیں رہے۔
ان کا کہنا تھا کہ فلم میں چوہدری اسلم کے کردار کو صرف لیاری آپریشن تک محدود کر دیا گیا ہے جبکہ انسدادِ دہشت گردی میں ان کی خدمات کو نظر انداز کیا گیا۔
نورین اسلم نے کہا کہ اگر بھارت کو فلم بنانی ہی تھی تو ٹی ٹی پی پر بناتے، مگر انہوں نے صرف لیاری کو موضوع بنایا۔
انہوں نے زور دیا کہ چوہدری اسلم کے کیریئر کو کسی ایک آپریشن تک محدود نہیں کیا جا سکتا۔ چوہدری اسلم نے اہم کردار ادا کیے، ہم فلم یا ڈرامے کی صورت میں چوہدری کی کہانی سامنے لائیں گے کیونکہ بھارت نے ان کے کردار کو صرف لیاری تک محدود کر دیا ہے۔
نورین اسلم نے کہا کہ اس منصوبے کا مقصد ان کے شوہر کی خدمات کا مکمل احاطہ کرنا ہے، کیونکہ ان کا کردار صرف لیاری تک محدود نہیں تھا، انہوں نے ٹی ٹی پی کے خلاف جنگ لڑی اور خطرناک نیٹ ورکس کا سامنا کیا۔ اُس فلم میں ان کے شوہر کی اصل وراثت اور سروس کا مکمل زمانی خاکہ پیش کیا جائے گا۔
واضح رہے کہ یہ بیانات 5 دسمبر کو ریلیز ہونے والی بھارتی فلم ’دھرندھر‘ کے بعد سامنے آئے، جس پر پاکستانی اور بھارتی ناظرین میں بحث جاری ہے کہ فلم میں کراچی کو بار بار دھماکوں اور تشدد کے مناظر تک محدود کر دیا گیا ہے۔
یاد رہے کہ چوہدری اسلم خان سواتی نے 1980 سے 2014 میں اپنی شہادت تک سندھ پولیس میں خدمات انجام دیں۔
انہوں نے کراچی میں منظم جرائم، شدت پسند نیٹ ورکس اور گینگز کے خلاف متعدد آپریشنز کی قیادت کی۔
9 جنوری 2014 کو لیاری ایکسپریس وے پر کار بم حملے میں چوہدری اسلم اپنے گارڈ، ڈرائیور اور 2 پولیس اہلکاروں کے ہمراہ شہید ہوگئے تھے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر