اسکرین کو زیادہ وقت دینا لڑکے لڑکیوں میں سے کن کے لیے زیادہ خطرناک؟
اشاعت کی تاریخ: 4th, April 2025 GMT
ایک نئی سویڈش تحقیق میں کہا گیا ہے کہ اس سے اس کی انتہائی ضروری نیند خرچ ہو سکتی ہے اور اس کے ڈپریشن کا خطرہ بڑھ سکتا ہے۔
جو نوجوان اسکرینوں پر زیادہ وقت گزارتے ہیں ان کی نیند کے معیار اور مدت دونوں میں خرابی پیدا ہوتی ہے۔
یہ بھی پڑھیں: اسمارٹ فون کے بغیر 134 دن گزارنے والے شخص کے ساتھ کیا ہوا؟
گلوبل پبلک ہیلتھ کے جریدے میں ایک تحقیق شائع کی گئی ہے جس کے مطابق جو نوعمر افراد اسکرین (اسمارٹ فون، آئی پیڈ یا لیپ ٹاپ وغیرہ) کو زیادہ وقت دیتے ہیں انہیں کئ گھنٹے تاخیر سے نیند آتی ہے جس سے ان کے سونے جاگنے کے عمل پر بہت گہرا اثر پڑتا ہے۔
تحقیق کے مطابق یہ نیند کی خرابی لڑکوں میں تو نہیں لیکن لڑکیوں میں بعد میں ڈپریشن کی علامات پیدا کردیتی ہے۔
سویڈن کے کیرولنسکا انسٹی ٹیوٹ میں ڈاکٹریٹ کے طالب علم سیباسٹین ہوکبی کی سربراہی میں تحقیقی ٹیم نے نتیجہ اخذ کیا کہ اسکرین کو زیادہ وقت دینے والے نوعمر افراد میں نیند کی خرابی پیدا ہوجاتی ہے جس سے خصوصاً لڑکیاں شدید ڈپریشن کا شکار ہوسکتی ہیں۔
مزید پڑھیے: ہر سیکنڈ میں ایک اسمارٹ فون تیار کرنے والی’ڈارک فیکٹری‘ کی اہم بات کیا ہے؟
مطالعہ کے لیے محققین نے 12 سے 16 سال کی عمر کے 4،800 سے زیادہ سویڈش طلبا کو ٹریک کیا اور ایک سال کے دوران 3 مختلف پوائنٹس پر نیند، ڈپریشن کی علامات اور اسکرین ٹائم کے بارے میں ڈیٹا اکٹھا کیا۔
محققین نے رپورٹ کیا کہ لڑکیوں میں ڈپریشن کی علامات لڑکوں کے مقابلے میں دو گنا سے زیادہ تھیں۔
نتائج نے یہ بھی ظاہر کیا کہ 38 فیصد سے 57 فیصد لڑکیوں میں ڈپریشن کی علامات اسکرین کے استعمال سے چلنے والی نیند کے پیٹرن میں تبدیلیوں کے باعث پیدا ہوئی تھیں۔
جن لڑکوں نے اسکرین پر زیادہ وقت گزارا انہیں بھی نیند میں خلل پڑا لیکن یہ بعد میں ڈپریشن کی علامات سے نمایاں طور پر منسلک نہیں تھے۔
مزید پڑھیں: اسکرینز پر کام کے دوران آنکھوں کی تھکن، حل کیا ہے؟
امریکن اکیڈمی آف پیڈیاٹرکس بچوں کے لیے اسکرین کے وقت کو محدود کرنے کی سفارش کرتی ہے لیکن اس طرح کے رہنما خطوط طے کرنے کے لیے مضبوط شواہد کی کمی کا حوالہ دیتے ہوئے کوئی مخصوص وقت مقرر نہیں کرتی جسے صحت مند سمجھا جا سکتا ہے۔
محققین نے بتایا کہ سویڈش پبلک ہیلتھ ایجنسی تجویز کرتی ہے کہ نوجوان دن میں 2 سے 3 گھنٹے سے زیادہ اسکرین پر نہ گزاریں تاکہ جزوی طور پر بہتر نیند کو فروغ مل سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسکرین ٹائم اسکرین کا استعمال اسکرین کا استعمال اور نیند.ذریعہ: WE News
کلیدی لفظ: اسکرین ٹائم اسکرین کا استعمال اسکرین کا استعمال اور نیند لڑکیوں میں زیادہ وقت کے لیے
پڑھیں:
اقبالؒ کے فلسفے کو اپنا کر معاشی خودانحصاری، یکجہتی کو فروغ دینا ہوگا، شہباز شریف
نوجوان نسل کو مخاطب کرتے ہوئے وزیرِ اعظم نے کہا کہ علامہ اقبال نے ہمیشہ نوجوانوں کو قوم کا اصل سرمایہ قرار دیا، اقبال کے نزدیک نوجوان ہی وہ طاقت ہیں جو قوموں کوعروج پر پہنچا سکتے ہیں، آج کے نوجوانوں کو چاہیے کہ وہ اقبال کے پیغام کو سمجھیں، جدید علوم حاصل کریں۔ اسلام ٹائمز۔ وزیرِاعظم شہباز شریف نے کہا ہے کہ علامہ اقبالؒ صرف شاعر ہی نہیں بلکہ ایک اہلِ بصیرت رہنما بھی تھے، اقبال کے فلسفے کو اپنا کر معاشی خود انحصاری، یکجہتی کو فروغ دینا ہو گا۔ وزیرِ اعظم شہباز شریف نے شاعرِ مشرق علامہ محمد اقبالؒ کے یوم وفات پر پیغام دیتے ہوئے کہاکہ علامہ اقبالؒ نے برِصغیر کے مسلمانوں کیلئے ایک الگ وطن کا تصور پیش کیا، ان کا فلسفۂ خودی اور شاعری نے تحریک پاکستان کو نظریاتی بنیاد فراہم کی۔ انہوں نے تاریخ کا حوالہ دیتے ہوئے بتایا ہے کہ علامہ اقبال نے 1930 میں الہٰ آباد کے خطبے میں ایک علیحدہ مملکت کا تصور پیش کیا، ان کا نظریہ قائد اعظم کی قیادت میں عملی شکل اختیار کرکے پاکستان کی صورت میں شرمندۂ تعبیر ہوا۔
شہباز شریف نے کہا ہے کہ اقبال نے مسلمانوں کو صرف سیاسی طور پر ہی نہیں بلکہ فکری اور روحانی طور پر بھی متحد کیا۔ وزیرِ اعظم نے دور حاضر کے حوالے سے روشنی ڈالتے ہوئے کہا ہے کہ آج پاکستان کو سماجی تقسیم، عالمی چیلنجز کا سامنا ہے تو اقبال کی تعلیمات مشعلِ راہ ہیں۔ ان کا کہنا ہے کہ علامہ اقبال نے علم، عمل، یقین محکم اور خود اعتمادی پر زور دیا ہے، ہمیں ان کے فلسفے کو اپناتے ہوئے معاشی خود انحصاری، قومی یک جہتی کو فروغ دینا ہو گا، اقبال کا فلسفہ، شاعری ہمیں بتاتی ہے ایک مثالی معاشرہ کیسے تعمیر کیا جا سکتا ہے، ایسا معاشرہ جہاں انصاف، محنت اور اخلاقیات کو فوقیت حاصل ہو۔ نوجوان نسل کو مخاطب کرتے ہوئے وزیرِ اعظم نے کہا کہ علامہ اقبال نے ہمیشہ نوجوانوں کو قوم کا اصل سرمایہ قرار دیا، اقبال کے نزدیک نوجوان ہی وہ طاقت ہیں جو قوموں کوعروج پر پہنچا سکتے ہیں، آج کے نوجوانوں کو چاہیے کہ وہ اقبال کے پیغام کو سمجھیں، جدید علوم حاصل کریں۔
انہوں نے مزید کہا ہے کہ ہم پر یہ ذمہ داری عائد ہوتی ہے کہ اقبال کے خوابوں کو حقیقت بنائیں، ہمیں نوجوانوں کو با اختیار بنانا ہے تاکہ وہ ملکی ترقی میں کلیدی کردار ادا کر سکیں۔ وزیرِاعظم پاکستان نے عزم کا اظہار کیا ہے کہ اقبال کے یوم وفات پر عہد کریں کہ ہم ان کے نظریات کو انفرادی، اجتماعی زندگیوں میں اپنائیں گے، ایک مضبوط، خود مختار اور ترقی یافتہ پاکستان کی تعمیر کریں گے۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج