اسٹیبلشمنٹ سے مذاکرات کا ٹاسک: علی امین گنڈاپور کیا کہتے ہیں؟
اشاعت کی تاریخ: 4th, April 2025 GMT
وزیراعلیٰ خیبر پختوںخوا علی امین گنڈاپور نے اس بات کی تردید کردی ہے کہ انہیں پاکستان تحریک انصاف کے بانی چیئرمین عمران خان کی جانب سے اسٹیبلشمنٹ سے مذاکرات کے لیے کوئی ٹاسک دیا گیا ہے۔
یہ بھی پڑھیں: عمران خان اسٹیبلشمنٹ سے مذاکرات کے لیے نیم رضامند، علی امین گنڈاپور کو بات آگے بڑھانے کا سگنل
اسلام آباد میں جمعے کو پریس کانفرنس کرتے ہوئے علی امین گنڈاپور نے کہا کہ 2 اپریل کو ان کی اڈیالہ جیل میں سے ملاقات کے دوران اسٹیبلشمنٹ سے مذاکرات کے حوالے سے کوئی بات نہیں ہوئی۔
یاد رہے کہ 2 اپریل کو شائع ہونے والی میڈیا رپورٹس میں کہا گیا تھا کہ عمران خان سے اڈیالہ جیل میں وزیراعلیٰ علی امین گنڈاپور اور بیرسٹرسیف کی ملاقات کے دوران انہیں اسٹیبلشمنٹ سے مذاکرات کا ٹاسک دیا گیا ہے۔
رپورٹس کے مطابق اس دوران علی امین گنڈاپور اور بیرسٹر سیف نے عمران خان کو اسٹیبلشمنٹ سے مذاکرات کے لیے رضامند کرنے کی کوشش کی جس پر عمران خان نے نیم رضامندی ظاہر کی اور اسٹیبلشمنٹ سے بات کرنے کی اجازت دے دی۔ تاہم اب علی امین گنڈاپور نے پریس کانفرنس کے دوران کیے گئے ایک سوال کے جواب میں اس بات کی تردید کردی ہے۔
اس موقعے پر علی امین گنڈاپور نے کہا کہ میں صوبے کا وزیراعلیٰ ہوں اور کسی بھی جیل میں کسی سے بھی مل سکتا ہوں۔
مزید پڑھیے: وفاق سے فنڈز نہ ملنے پر عوام اور پولیس کو لے کر احتجاج پر نکلوں گا، علی امین گنڈاپور کی دھمکی
انہوں نے کہا کہ پی ٹی آئی کے قائد عمران خان سے میرے ملنے پر کسی کو کوئی اعتراض نہیں ہونا چاہیے۔
علی امین گنڈاپور نے کہا کہ عمران خان سے ملاقات کے دوران ان کے درمیان پارٹی امور اور امن و امان کی صورتحال کے حوالے سے بات ہوئی تھی۔
مزید پڑھیں: بانی پی ٹی آئی نے کسی کو اسٹیبلشمنٹ سے بات کرنے کے لیے کوئی ٹاسک نہیں دیا، شیخ وقاص اکرم
انہوں نے اس عزم کا اعادہ کیا کہ میں عمران خان کے لیے جو کرسکا وہ کروں گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
تحریک انصاف اسٹیبلشمنٹ مذاکرات علی امین گنڈاپور عمران خان مذاکرات کا ٹاسک.ذریعہ: WE News
کلیدی لفظ: تحریک انصاف اسٹیبلشمنٹ مذاکرات علی امین گنڈاپور مذاکرات کا ٹاسک اسٹیبلشمنٹ سے مذاکرات کے علی امین گنڈاپور نے نے کہا کہ کے دوران کے لیے
پڑھیں:
علی امین گنڈاپور مائنز اینڈ منرلز بل پاس کروائیں گے، یا اپنی نوکری بچائیں گے، گورنر خیبر پختونخوا فیصل کریم کنڈی
علی امین گنڈاپور مائنز اینڈ منرلز بل پاس کروائیں گے، یا اپنی نوکری بچائیں گے، گورنر خیبر پختونخوا فیصل کریم کنڈی WhatsAppFacebookTwitter 0 19 April, 2025 سب نیوز
پشاور (سب نیوز)گورنرخیبرپختونخوا فیصل کریم کنڈی نے کہا ہے کہ وزیراعلی علی امین گنڈاپور کو جو ٹاسک اسلام آباد سے ملتا ہے، وہ اچھے بچوں کی طرح اسے پورا کرتے ہیں، دیکھتے ہیں اب وزیراعلی مائنز اینڈ منرلز بل پاس کروائیں گے، یا اپنی نوکری بچائیں گے۔
پشاور میڈیا سے گفتگو کرتے ہوئے گورنر خیبر پختونخوا نے کہا کہ صوبے کے تمام ادارے، وزرا کرپشن میں ملوث ہیں، اگر کوئی ادارہ خاموش ہے تو وہ نیب ہے، پاکستان تحریک انصاف این آر او کے لیے لوگوں کے پاں پڑ رہی ہے۔انہوں نے کہا کہ صوبے میں کرپشن ہو رہی ہے، پی ٹی آئی کے لوگ ایک دوسرے پر کرپشن کیالزامات لگا رہے ہیں، ہمارے صوبے کے پیسوں کے ساتھ نا انصافی ہو رہی ہے، جب میں گورنر نہیں تھا تب بھی کہتا تھا کہ صوبے میں کرپشن کی جا رہی ہے، یہاں نوکریاں بیچی جا رہی ہیں۔فیصل کریم کنڈی نے کہا کہ وزیراعلی کے پی نے ٹیکس کے پیسے جلسے جلوسوں میں اڑا دیے، پی ٹی آئی کے وزرا ایک دوسرے پر الزام لگا رہے ہیں اور نیب خاموش ہے۔انہوں نے کہا کہ وزیراعلی کے پی مائنز اینڈ منرلز بل پر دیگر جماعتوں کے ساتھ بیٹھ کر بات چیت کریں، وزیراعلی یا نوکری کریں گے یا بل پاس کریں گے؟، لاہور میں ہمارے صوبے کے پیسے عیاشیوں پر اڑائے جا رہے ہیں، اس صوبے میں امن و امان کی صورتحال خراب ہے
علی امین گنڈاپور خود کہہ رہے ہیں کہ ان کیسابق وزرا چور ہیں۔ان کا کہنا تھا کہ یہ اپنے آپ پر الزمات لگا رہے ہیں، لیکن نیب اور وفاقی تحقیقاتی ادارہ خاموش ہیں، سابق صوبائی وزیرخزانہ کہہ رہے ہیں وزیراعلی نے سارے پیسے جلسے جلوسوں پر لگائے، اعظم سواتی نے قرآن پر ہاتھ لکھ کر کہا اسٹبلشمنٹ سے بات چیت کے لیے انہیں کہا گیا، آپ صوبے کی ترقی کے لیے افغانستان جاتے ہیں لیکن چین کیوں نہیں جاتے؟۔گورنر کے پی نے کہا کہ نائب وزیراعظم افغانستان گئے ہیں، وہ وہاں یہ پوائنٹس ڈسکس کرلیں گے، میں نے ہمیشہ افسوس کیا ہیکہ وزیراعظم نے کبھی پشاور آنے کی تکلیف نہیں کی، وزیراعظم بتادیں کہ کے پی کو پی ٹی آئی کو ٹھیکہ پر دیا ہے، کیا وزیراعظم پشاور میں کسی حادثے کا انتظار کر رہے ہیں اور پھر آئیں گے؟۔انہوں نے کہا کہ وزیراعظم کو ایک بار پھر پشاور آنے کی دعوت دیتا ہوں، وزیراعلی کے پی کسی سے بات چیت نا کرنیکی ہٹ دھرمی چھوڑ دیں، کے پی حکومت کرم میں 25 کلومیٹر روڈ نہیں کھول سکتی اور اسلام آباد پر چڑھائی کی بات کر رہی ہے۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج