شہبازتقریر،4بارنوازشریف،2بارآرمی چیف کی تعریف
اشاعت کی تاریخ: 4th, April 2025 GMT
اسلام آباد(طارق محمودسمیر)وزیراعظم شہباز شریف نے بجلی کی قیمتوں میںکمی کااعلان کرنے کیلئے ایک خصوصی تقریب کا اہتمام کیا جس میں وہ خاصے پراعتماد اورخوشگوارموڈ میں نظرآئے اور اپنی طویل تقریرمیںجہاں انہوں نے تحریک انصاف کا نام لئے بغیرانہیں شدیدتنقیدکانشانہ بنایاوہیں سابق وزیراعظم نوازشریف کے علاوہ آرمی چیف اور چیف جسٹس کی نہ صرف تعریف کی بلکہ بجلی کی قیمتوں میںکمی اور حکم امتناع ختم ہونے سے قومی خزانے میں 34ارب روپے واپس آنے پرشکریہ اداکیا،وزیراعظم نے وزارت توانائی اور ٹاسک فورس کی کارکردگی پر زبردست الفاظ میں خراج تحسین پیش کیا۔اس ٹاسک فورس میں پاک فوج کے ایک لیفٹیننٹ جنرل ظفراقبال اورچیئرمین ایف بی آر راشد لنگڑیال،سیکرٹری پاورڈاکٹرفخرعالم اورسیکرٹری خزانہ امدادبوسال کے علاوہ نائب وزیراعظم اسحاق ڈار،وزیرخزانہ محمداورنگزیب،وزیرتوانائی اویس لغاری،وزیرپٹرولیم علی پرویزملک اور وزیراعظم کے مشیرمحمدعلی کاشکریہ اداکرنے کے علاوہ انہیں اعزازی شیلڈزبھی پیش کیں۔شہبازشریف نے تقریرمیں اپنے بڑے بھائی اورپارٹی صدرنوازشریف کاچاربارنام لیااور کہاکہ ان کے منشورپرعمل کر رہاہوں،وزیراعظم نے دوبارآرمی چیف جنرل سیدعاصم منیرکاخصوصی طورپرذکرکرتے ہوئے کہاکہ اس سارے عمل میں ان کا کرداربہت کلیدی رہااور بھرپورتعاون کیا،وزیراعظم نے پھراس عزم کااعادہ کیا کہ اب اینٹی بائیوٹک سے کام نہیں چلے گاسرجری کرناپڑے گی ،درست اورمشکل فیصلوں کی ضرورت ہے۔وزیراعظم نے ایسے افسران کو بھی سخت انتباہ کیاجوفائل لے کر دفترمیں بیٹھے رہتے ہیں اور گپ شپ کرکے گھرچلے جاتے ہیں۔وزیراعظم نے تمام کابینہ کواپنااوپننگ بیٹسمین قراردیااور خصوصی ٹاسک فورس کی کارکردگی کوسراہااورکہاکہ آئی ایم ایف کو قائل کرناایک مشکل مرحلہ تھا، خداخداکرکے کفرٹوٹااور آئی ایم ایف کو قائل کرنے میں کامیاب ہوئے،آئی پی پیزسے مذاکرات کاتذکرہ کرتے ہوئے وزیراعظم نے کہاکہ آئی پی پیز نے کئی سوفیصدمنافع کمالیاہے ان سے کہاہے کہ اب قوم کوفائدہ دیں،وزیراعظم بہت خوشگوارموڈمیں تھے ایک بارانہوں نے چیئرمین ایف بی آرراشدلنگڑیال کانام لے کرکہاکہ 2ہزار393ارب بجلی کا گردشی قرضہ ہے جو دواعشاریہ تین ٹریلین گردشی قرضہ بنتاہے اگرآپ سرہلارہے ہیںمیں نے کوئی غلط کہاہے توکیا میں چنے دے کر پاس ہواہوں جس پر ہال میں قہقے بلندہوتے رہے ،وزیراعظم نے راناثناء کے مسکرانے پریہ جملہ کساکہ حتیٰ کہ راناثناء اللہ بھی مسکرادیئے۔ جب وزیراعظم نے حکومت کی اتحادی جماعتوں کے رہنماؤں کا نام لے کر شکریہ اداکرناشروع کیاتو سب سے پہلے انہوں نے صدرآصف زرداری اوربلاول بھٹوکانام لیاجب وہ دیگر جماعتوں کے نام لینا چاہ رہے تھے تو خواجہ آصف نے انہیںکئی رہنماؤں کے نام بتائے جس پروزیراعظم نے باپ پارٹی کے خالدمگسی،مسلم لیگ(ق) کے چوہدری شجاعت حسین،مسلم لیگ ضیاء کے اعجاز الحق،استحکام پاکستان پارٹی کے علیم خان اور ایم کیوایم کے خالدمقبول صدیقی کانام لے کر ان کاشکریہ اداکیا اورآخری لمحات میں ایک بارپھر آرمی چیف کا نام لے کران کاشکریہ اداکیا ۔تقریب میں وفاقی وزراء،ملک کے اہم تاجرنمائندوںکی بڑی تعدادنے شرکت کی،تقریب کی خاص بات یہ تھی کہ صرف ایک وفاقی وزیرتوانائی اویس لغاری کی تقریرچلائی گئی۔
ذریعہ: Daily Mumtaz
کلیدی لفظ: ا رمی چیف نام لے کر
پڑھیں:
لاہور میں محمد نواز رضا کی کتاب کی تقریب رونمائی، وفاقی وزیر اطلاعات کا خطاب
لاہور میں سینئر صحافی محمد نواز رضا کی کتاب “مردِ آہن محمد نواز شریف” کی تقریب رونمائی میں وفاقی وزیر اطلاعات عطاء اللہ تارڑ نے خطاب کیا۔ تقریب میں صحافت کے شعبے کے تجربہ کار سینئر صحافی بھی موجود تھے، جنہوں نے کئی دہائیوں تک اپنے قلم کے ذریعے پاکستان کی خدمت کی۔
وزیر اطلاعات نے اپنے خطاب میں صحافت اور صحافیوں کے ساتھ اپنے دیرینہ تعلقات کا ذکر کیا اور کہا کہ محمد نواز رضا کا صحافتی کیریئر بھی کئی دہائیوں پر محیط ہے۔ انہوں نے مرحوم صحافی عرفان صدیقی کے مثبت صحافت کے فروغ میں کردار کو بھی خراج تحسین پیش کیا۔
وزیر اطلاعات نے کہا کہ کچھ عناصر سازش کے ذریعے نوجوان نسل کو گمراہ کرنے کی کوشش کرتے رہے، لیکن پاکستان کے ترقیاتی سفر میں محمد نواز شریف اور ان کے خاندان کا کردار نمایاں رہا ہے۔ ان کے دور میں ملک میں صنعتی ترقی کو فروغ ملا اور ملک کے مختلف حصوں میں ترقیاتی منصوبوں کا آغاز ہوا۔ وزیر اطلاعات نے راولپنڈی انسٹیٹیوٹ آف کارڈیالوجی کے سنگ بنیاد رکھنے کی مثال دیتے ہوئے کہا کہ یہ منصوبہ بھی نواز شریف کے دور میں شروع ہوا۔
انہوں نے مزید کہا کہ محمد نواز شریف نے ملک میں خدمت کی سیاست کا آغاز کیا اور ہر ترقیاتی منصوبے کی تختی پر ان کا نام لکھا گیا۔ ان کے اور محمد شہباز شریف کے اقدامات نے ملک کو ترقی کی راہ پر گامزن کیا۔ وزیر اطلاعات نے کہا کہ وزیراعظم کی قیادت میں ملکی معیشت کو استحکام ملا اور عالمی ادارے آج اس بہتری کا اعتراف کر رہے ہیں۔
وزیر اطلاعات نے پی ٹی آئی پر بھی تنقید کی اور کہا کہ تبدیلی کے نعرے کے باوجود ان کی حکومت نے ملک اور معیشت کو شدید نقصان پہنچایا، کردار کشی اور نفرت کی سیاست کو فروغ دیا، اور 12 سال میں خیبر پختونخوا میں ترقیاتی کاموں کو پیچھے دھکیل دیا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر