جنوبی افریقا کے کھلاڑی اچانک آئی پی ایل چھوڑ کر کیوں چلے گئے؟
اشاعت کی تاریخ: 3rd, April 2025 GMT
انڈین پریمیئر لیگ میں گجرات ٹائٹنز کی جانب سے کھیلنے والے جنوبی افریقا کے فاسٹ بولر کیگیسو رباڈا ذاتی وجوہات پر ملک واپس روانہ ہوگئے۔
گجرات ٹائٹنز کی جانب سے جاری ہونے والے ایک بیان میں کہا گیا کہ فاسٹ بولر کو کسی اہم نجی وجہ سے جانا پڑا اور انہوں نے واپسی کے متعلق نہیں بتایا ہے۔
کیگیسو رباڈا نے آئی پی ایل کے رواں سیزن میں گجرات ٹائٹنز کی جانب سے ابتدائی دو میچز کھیلے۔ رائل چیلنجرز بینگالورو کے خلاف تیسرے میچ میں ان کی جگہ ارشد خان کو لیا گیا (جنہوں نے ویرات کوہلی کو آؤٹ کیا)۔
گجرات ٹائٹنز کی جانب سے تیسرے میچ میں صرف تین اوور سیز کھلاڑی (جوس بٹلر، راشد خان اور شرفین ردرفورڈ) کھیلے۔ دیگر آپشنز مین نیوزی لینڈ کے گلین فلپس اور جنوبی افریقا کے فاسٹ بولر جیرالڈ کوٹزے شامل ہیں جنہوں نے ابھی تک کوئی میچ نہیں کھیلا ہے۔
.ذریعہ: Express News
کلیدی لفظ: گجرات ٹائٹنز کی جانب سے
پڑھیں:
سہانا خان کی گھڑی کی قیمت نے سلمان کو بھی پیچھے چھوڑ دیا
ممبئی(شوبز ڈیسک)بالی ووڈ لے کنگ شاہ رخ خان کی بیٹی سہانا خان، جنہوں نے 2023 کی فلم دی آرچیز سے اپنے کیریئر کا آغاز کیا، حال ہی میں اکشے کمار کی فلم کیسری 2 کے پریمیئر پر ایک مہنگی لگژری واچ پہنے نظر آئیں، جس کی قیمت تقریباً 1.4 کروڑ روپے ہے۔
اس واچ کا نام ”ریورسو ٹریبیوٹ نونانٹیئم اینامل“ ہے، اور اگرچہ اس کی قیمت گھڑی ساز کمپنی کی آفیشل ویب سائٹ پر درج نہیں، لیکن مختلف آن لائن مارکیٹ پلیسز پر اس کی قیمت 1.4 کروڑ روپے کے قریب بتائی جا رہی ہے۔
سوہانا خان نے اس پریمیئر پر اپنی قریبی دوست اننیا پانڈے کے ساتھ شرکت کی، اور اس سے قبل بھی انہیں نادانیاں کے پریمیئر پر اس ہی گھڑی کو سیاہ رنگ کے لباس کے ساتھ پہنے دیکھا گیا تھا۔
فیشن میں پائیداری کے بارے میں بات کرتے ہوئے سوہانا نے ایک انٹرویو میں کہا تھا: ”عالیا بھٹ نے اپنے قومی ایوارڈز پر اپنی شادی کی ساڑی دوبارہ پہنی، اور میں نے یہ سوچا کہ یہ ایک بہت اہم پیغام ہے۔ اگر وہ اپنی شادی کی ساڑی دوبارہ پہن سکتی ہیں، تو ہم بھی کسی پارٹی کے لیے نیا لباس خریدنے کی بجائے پرانا لباس دوبارہ استعمال کر سکتے ہیں۔“
View this post on InstagramA post shared by Viral Bhayani (@viralbhayani)
سہانا خان کے والد، شاہ رخ خان، جو لگژری واچز کے بڑے شوقین ہیں، نے حال ہی میں ایک آڈیمار پیگیٹ واچ پہنی تھی، جس کی قیمت 4.2 کروڑ روپے ہے۔ ان کے پاس پٹیک فلپ اور رچرڈ میل جیسے مہنگے برانڈز کی واچز بھی ہیں۔
سوہانا خان نے ابھی تک اپنے اگلے فلم پروجیکٹ کا اعلان نہیں کیا، وہ اپنے والد کے ساتھ فلم کنگ میں نظر آئیں گی، جس کی ہدایت کاری سدھارتھ آنند کر رہے ہیں۔
اس فلم میں ابھیشیک بچن بھی شامل ہوں گے، اور یہ شاہ رخ خان کا اگلا بڑا پروجیکٹ ہوگا، خاص طور پر جوان اور پٹھان کی کامیابی کے بعد۔
شاہ رخ خان نے حال ہی میں دبئی میں اس فلم کے بارے میں بات کرتے ہوئے کہا: ”میرے ڈائریکٹر سدھارتھ آنند بہت سخت ہیں اور وہ چاہتے ہیں کہ ہم فلم کے بارے میں کچھ نہ بتائیں۔“
مزیدپڑھیں:وقت پر منگنی کا سوٹ کیوں تیار نہیں کیا، شہری نے دکاندار پر مقدمہ کردیا
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج