’یہ کس کی شادی کا گانا ریلیز کردیا‘، پی ایس ایل 10 کے اینتھم پر صارفین کے تبصرے
اشاعت کی تاریخ: 3rd, April 2025 GMT
پاکستان سپر لیگ (پی ایس ایل) سیزن 10 کا آفیشل اینتھم ریلیز کر دیا گیا۔ جس میں معروف گلوکاروں ابرارالحق، علی ظفر، نتاشا بیگ اور طلحہ انجم نے اپنی آواز کا جادو جگایا ہے۔
اینتھم ریلیز ہوتے ہی سوشل میڈیا پر شائقین کا ملا جلا ردعمل سامنے آیا ہے کسی نے اس کی تعریف کی تو وہیں کئی شائقین ایسے بھی تھے جنہیں اینتھم پسند نہیں آیا اور انہوں نے اس کا موازنہ علی ظفر کے گزشتہ گائے ہوئے اینتھم سے کر ڈالا۔
رانا علی نامی ایکس صارف نے لکھا کہ پی ایس ایل 1,2 میں جو علی ظفر نے جو گائے تھے وہ مزہ اس کے بعد کسی اینتھم میں نہیں آیا۔
پی ایس ایل 1,2 میں جو علی ظفر نے گائے تھے وہ مزہ اسکے بعد کسی اینتھم میں نہیں آیا
— Rana Al!!! ⚖️ ???????? (@AlyR2255) April 2, 2025
ایک صارف نے اینتھم کو فضول ترین قرار دے دیا اور کہا کہ اس میں صرف ابرارالحق کا گایا ہوا حصہ اچھا تھا۔
Fazool tareen ,Abrar ka part acha tha bus ,p https://t.
— ☕️ (@Soulmate1_) April 3, 2025
سہیل نامی صارف نے کہا کہ اس سے اچھا گانا تو نصیبو لعل نے گایا تھا۔
Is sy Achaaw to naseebo lal na gaya tha ???????? https://t.co/qETAPI5Wto
— sohail (@_shia_hun) April 2, 2025
ایک ایکس صارف نے سوال کیا کہ ’یہ کس کی شادی کا گانا ریلیز کر دیا ہے‘۔
Ye Kis Ki Shaddi Ka Gana Release Kr Diya Hai https://t.co/lFeKC5D6wW
— HafeezFanGirl ???????????? (@HafeezFanGirl) April 2, 2025
پی ایس ایل اینتھم پر تبصرہ کرتے ہوئے ایک صارف نے کہا کہ یہ بہت برا ہے صرف طلحہ انجم کا گایا ہوا حصہ ٹھیک ہے۔
This is so bad! Only talha anjum part is theek thaak https://t.co/2eJ1UzMfEY
— Nas_Aziz 1 (@Nas_Aziz1) April 3, 2025
امل لکھتی ہیں کہ وہ یہ فیصلہ نہیں کر پا رہیں کہ میوزک ویڈیو زیادہ بری ہے یا نغمہ۔
can't decide which one is worse the music video or the lyrics https://t.co/eVd90iTEYs
— Amal (@unseriouswight) April 2, 2025
کئی صارفین نے گانے کے مخصوص حصے ’ایکس دیکھو‘ پر تنقید کرتے ہوئے کہا کہ پاکستان میں ایکس چلے گا تو ایکس دیکھیں گے نا، جبکہ کئی صارفین نے سوال کیا کہ یہ الفاظ کیا سوچ کر اینتھم میں شامل کیے گئے ہیں؟
واضح رہے کہ پاکستان سپر لیگ کے دسویں ایڈیشن کا آغاز 11 اپریل سے ہورہا ہے۔ جس میں دفاعی چیمپیئن اسلام آباد یونائیٹڈ کا مقابلہ لاہور قلندرز سے راولپنڈی کرکٹ اسٹیڈیم میں ہوگا۔ یہ 6 ٹیموں کا ٹورنامنٹ 34 میچز پر مشتمل ہوگا جو لاہور، کراچی، ملتان اور راولپنڈی میں کھیلے جائیں گے، اور 18 مئی کو اختتام پذیر ہوگا۔
یہ بھی پڑھیں: پی ایس ایل کے 10ویں ایڈیشن کا شیڈول جاری، افتتاحی میچ اور فائنل کہاں کھیلا جائے گا؟
لاہور کے قذافی اسٹیڈیم میں 13 میچز ہوں گے، جن میں ایلیمنٹرز اور فائنل شامل ہوں گے۔ راولپنڈی میں 11 میچز ہوں گے، جن میں پہلا کوالیفائر بھی شامل ہے، جبکہ کراچی اور ملتان میں 5,5میچز ہوں گے۔ 3 ڈبل ہیڈرز شیڈول کیے گئے ہیں، جن میں سے 2 ہفتہ کو اور ایک یکم مئی (مزدور ڈے) کو ہوگا۔
ایک نمائشی میچ بھی 8 اپریل کو پشاور میں منعقد کیا جائے گا، جس کی ٹیموں کے تفصیلات بعد میں اعلان کی جائیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ابرارالحق پی ایس ایل پی ایس ایل 10 پی ایس ایل اینتھم پی ایس ایل میچز طلحہ انجم علی ظفر نتاشا بیگذریعہ: WE News
کلیدی لفظ: ابرارالحق پی ایس ایل پی ایس ایل 10 پی ایس ایل اینتھم پی ایس ایل میچز علی ظفر نتاشا بیگ پی ایس ایل علی ظفر ہوں گے کہا کہ
پڑھیں:
رنویر سنگھ کی فلم ’’دھریندر‘‘ پر خلیجی ممالک میں پابندی عائد
ممبئی (نیوزڈیسک) رنویر سنگھ کی نئی فلم دھریندر بھارت ہی نہیں، بیرونِ ملک بھی شاندار بزنس کر رہی ہے۔ ریلیز کے صرف چار دن میں فلم نے اوورسیز میں 44.08 کروڑ روپے کما لیے ہیں۔ تاہم یہ آمدن اس سے بھی زیادہ ہوسکتی تھی اگر فلم کو خلیجی ممالک یا یو اے ای/ جی سی سی ریجن میں ریلیز کی اجازت مل جاتی۔
ذرائع کے مطابق خلیجی ممالک بحرین، کویت، عمان، قطر، سعودی عرب اور یو اے ای میں دھریندر کو ریلیز نہیں کیا گیا۔ خدشہ تھا کہ ایسا ہی ہوگا کیونکہ فلم کو ’’اینٹی پاکستان‘‘ تصور کیا جا رہا تھا۔
اس سے پہلے بھی اسی نوعیت کی فلموں کو اس ریجن میں مشکلات کا سامنا رہا ہے۔ ٹیم نے پھر بھی کوشش کی لیکن تمام ممالک نے فلم کے موضوع کی منظوری نہیں دی، یہی وجہ ہے کہ دھریندر کسی بھی خلیجی ملک میں ریلیز نہیں ہوسکی۔
یہ پہلا موقع نہیں ہے جب خلیجی ممالک میں بھارتی فلموں پر پابندی لگائی گئی ہو۔ 2024 میں ریتھک روشن اور دپیکا پڈوکون کی فلم فائٹر کو بھی ابتدا میں تمام خلیجی ممالک میں پابندی کا سامنا کرنا پڑا تھا، سوائے یو اے ای کے۔ فلم میں پلواما حملے کی عکاسی پر پاکستان کے بعض حلقوں نے اعتراضات اٹھائے اور اسے ’’اینٹی پاکستان پروپیگنڈا‘‘ قرار دیا۔
حیران کن طور پر ریلیز کے ایک روز بعد یو اے ای نے بھی ’فائٹر‘ کی نمائش معطل کر دی۔ فلم سازوں نے مسئلہ حل کرنے کے لیے فلم کا دوبارہ ترمیم شدہ ورژن جمع کرایا، مگر یو اے ای کی وزارت نے اسے بھی مسترد کر دیا۔
اسی سال اکشے کمار کی ’اسکائی فورس‘ اور جان ابراہیم کی ’دی ڈپلومیٹ‘ کو بھی مشرقِ وسطیٰ کے متعدد ممالک میں پابندی کا سامنا کرنا پڑا، کیونکہ دونوں فلموں کا موضوع پاکستان سے جڑا تھا۔
اس سے قبل آرٹیکل 370 (2024) کو بھی جی سی سی سے سرٹیفکیشن نہیں ملا تھا۔ ’ٹائیگر 3‘ (2023) کو عمان، کویت اور قطر میں بین کیا گیا، جبکہ ’دی کشمیر فائلز‘ (2022) کو بھی کئی خلیجی ممالک نے نمائش کی اجازت نہیں دی تھی۔ البتہ بعد میں یو اے ای نے اسے صرف بالغ ناظرین کے سرٹیفکیٹ کے ساتھ ریلیز کیا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر