غزہ: اسرائیل کا اقوامِ متحدہ پناہ گزین کیمپ پر حملہ، 80 افراد شہید
اشاعت کی تاریخ: 3rd, April 2025 GMT
اسرائیل کی جانب سے اقوامِ متحدہ کی پناہ گزین ایجنسی کے طبی مرکز پر حملہ کیا گیا ہے جس میں بچوں اور عورتوں سمیت 22 افراد کا قتل عام کیا گیا ہے۔
غیر ملکی خبر ایجنسی کے مطابق بے گھر افراد بیتِ حنون اور بیتِ لاحیہ کے علاقوں سے جبری انخلاء کے بعد عارضی کیمپ میں پناہ لیے ہوئے تھے کہ اسرائیلی فضائیہ نے ان پر بم باری کر دی۔
اس کے علاوہ غزہ پر اسرائیلی حملوں میں مزید 80 فلسطینی شہید ہو گئے۔
دوسری جانب اسرائیل نے غزہ کے بڑے علاقے پر قبضہ کر کے رفح اور خان یونس کے علاقوں کو جدا کر کے موراج کوریڈور کا نام دے دیا۔
اسرائیلی فوج نے شام اور لبنان پر بھی فضائی حملے کیے۔
شامی صوبے دارالحکومت میں صہیونی حملوں میں 11 افراد شہید اور متعدد زخمی ہو گئے۔
لبنان میں اسرائیلی حملے سے کوئی جانی نقصان نہیں ہوا۔
Post Views: 1.ذریعہ: Daily Mumtaz
پڑھیں:
سوڈان میں ڈرون حملہ، اقوام متحدہ کے امن مشن کے 6 بنگلادیشی اہلکار جاں بحق
data-id="863a0a8" data-element_type="widget" data-widget_type="theme-post-content.default">
خرطوم: سوڈان میں جاری بدامنی اور خانہ جنگی کے دوران ایک افسوسناک واقعے میں اقوام متحدہ کے امن مشن (یو این پیس کیپنگ مشن) پر ڈرون حملہ کیا گیا، جس کے نتیجے میں بنگلادیش سے تعلق رکھنے والے 6 امن اہلکار جاں بحق ہوگئے، واقعے نے نہ صرف سوڈان میں سکیورٹی کی بگڑتی ہوئی صورتحال کو مزید نمایاں کر دیا ہے بلکہ عالمی برادری کے لیے بھی تشویش کا باعث بن گیا ہے۔
غیر ملکی میڈیا رپورٹس کے مطابق یہ ڈرون حملہ سوڈان کے ایک شورش زدہ علاقے میں کیا گیا، جہاں اقوام متحدہ کا امن مشن شہریوں کے تحفظ اور انسانی امدادی سرگرمیوں میں مصروف تھا۔ حملے کے وقت بنگلادیشی امن اہلکار معمول کے مطابق اپنی ڈیوٹی انجام دے رہے تھے کہ اچانک ڈرون کے ذریعے حملہ کر دیا گیا، جس کے نتیجے میں 6 اہلکار موقع پر ہی جان کی بازی ہار گئے جبکہ متعدد دیگر کے زخمی ہونے کی اطلاعات بھی سامنے آئی ہیں۔
اقوام متحدہ کے حکام نے واقعے کی شدید مذمت کرتے ہوئے اسے امن مشن پر براہِ راست حملہ قرار دیا ہے، امن اہلکاروں کو نشانہ بنانا بین الاقوامی قوانین کی سنگین خلاف ورزی ہے اور اس واقعے کی مکمل تحقیقات کی جائیں گی۔ ابتدائی طور پر حملے کے ذمہ داروں کا تعین نہیں ہو سکا، تاہم خدشہ ظاہر کیا جا رہا ہے کہ یہ کارروائی سوڈان میں سرگرم مسلح گروہوں کی جانب سے کی گئی ہو سکتی ہے۔
بنگلادیشی حکومت نے بھی اپنے اہلکاروں کی ہلاکت پر گہرے دکھ اور افسوس کا اظہار کیا ہے۔ بنگلادیش کے وزارت خارجہ نے کہا کہ امن کے قیام کے لیے خدمات انجام دینے والے اہلکاروں کو نشانہ بنانا انسانیت کے خلاف جرم ہے۔ حکومت نے اقوام متحدہ سے مطالبہ کیا ہے کہ واقعے کی شفاف تحقیقات کر کے ذمہ دار عناصر کو انصاف کے کٹہرے میں لایا جائے۔
واضح رہے کہ سوڈان گزشتہ کئی ماہ سے شدید سیاسی بحران اور مسلح تنازع کا شکار ہے، جہاں مختلف دھڑوں کے درمیان جھڑپیں معمول بن چکی ہیں، ان حالات میں اقوام متحدہ کے امن مشن کو نہ صرف شہری آبادی کے تحفظ بلکہ امدادی سرگرمیوں کو جاری رکھنے میں بھی شدید خطرات کا سامنا ہے۔ ماضی میں بھی یو این اہلکاروں پر حملوں کے واقعات پیش آ چکے ہیں، تاہم حالیہ ڈرون حملہ سکیورٹی خدشات میں خطرناک اضافے کی نشاندہی کرتا ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر