اعظم سواتی کے الزامات،حماد اظہر پارٹی عہدوں سے مستعفی ہو گئے
اشاعت کی تاریخ: 3rd, April 2025 GMT
لاہور(ڈیلی پاکستان آن لائن)پاکستان تحریک انصاف ( پی ٹی آئی ) پنجاب کے قائم مقام صدر حماد اظہر نے پارٹی عہدے سے استعفیٰ دیدیا۔
نجی ٹی وی سما نیوز کے مطابق پی ٹی آئی رہنما اعظم سواتی کے الزامات کے بعد سیکرٹری جنرل اور قائم مقام صدر پی ٹی آئی پنجاب حماد اظہر پارٹی عہدوں سے مستعفی ہوگئے ہیں اور انہوں نے پارٹی کے تمام عہدے چھوڑنے کا اعلان کردیا ہے۔
اس حوالے سے جاری اپنے خصوصی بیان میں حماد اظہر کا کہنا تھا کہ اعظم سواتی نے بانی پی ٹی آئی کو بتایا کہ عالیہ حمزہ کے کام میں رکاوٹ ڈالی جا رہی ہے جس پر بانی پی ٹی آئی نے سوال کیا کہ کون رکاوٹ ڈال رہا ہے تو اعظم سواتی نے میرا نام لیا۔
چیئرمین سینیٹ انٹرپارلیمنٹری اسپیکرز کانفرنس کے بانی چیئرمین نامزد
حماد اظہر کا کہنا تھا کہ عالیہ حمزہ سے پوچھا کہ آپکو میری طرف سے کبھی رکاوٹ ملی تو انہوں نے تعجب کا اظہار کیا۔ان کا کہنا تھا کہ مسئلے کا بڑا آسان حل موجود ہے، میرے اختیارات پہلے ہی 4 ریجنل صدور کو پچھلے سال جون میں منتقل کر دئیے گئے تھے اور اب میرے حلقے کی تنظیم بھی میرے مشورے یا مرضی سے نہیں لگ سکی۔
انہوں نے کہا کہ پہلے دو باراستعفیٰ دے چکا ہوں جس کو رد کیا گیا تھا لیکن آج تیسری دفعہ اور حتمی طور پر اپناعہدہ چھوڑ رہا ہوں جبکہ ایک کارکن کی حییثت سے آئندہ اپنے قائد کیلئے کام کروں گا۔حماد اظہر کا مزید کہنا تھا کہ میرا یہ استعفی ناقابل واپسی ہے اور آئندہ کیلئے کسی عہدے کا خواہشمند نہیں ہوں۔
حکومت کودی گئی ڈیڈ لائن ختم، اخترمینگل کا مستونگ سے کوئٹہ کیجانب لانگ مارچ کا اعلان
مزید :.ذریعہ: Daily Pakistan
کلیدی لفظ: کہنا تھا کہ اعظم سواتی پی ٹی ا ئی
پڑھیں:
پیپلز پارٹی وفاق کا حصہ، آئینی عہدوں پر رہتے بات زیادہ ذمہ داری سے کرنی چاہئے، رانا ثنا
وزیراعظم کے مشیر برائے بین الصوبائی رابطہ کا کہنا تھا کہ کسی صوبے کا پانی دوسرے صوبے کے حصے میں نہیں جا سکتا، اس امر کو یقینی بنانے کے لیے ملک میں آئینی طریقہ کار اور قوانین موجود ہیں، پانی کے مسئلے پر سیاست نہیں کرنی چاہئے، معاملات میز پر بیٹھ کر حل کرنے چاہئیں۔ اسلام ٹائمز۔ وزیراعظم کے مشیر برائے بین الصوبائی رابطہ رانا ثنا اللہ خان نے کہا کہ اکائیوں کے پانی سمیت وسائل کی منصفانہ تقسیم پر مکمل یقین رکھتے ہیں، پیپلز پارٹی وفاق کا حصہ ہے، آئینی عہدوں پر رہتے ہوئے بات زیادہ ذمہ داری سے کرنی چاہئے۔ رانا ثنا اللہ نے کہا کہ قائد محمد نواز شریف، وزیراعظم شہباز شریف نے پی پی پی سے بات چیت کے ذریعے مسائل کے حل کی ہدایت کی ہے، ہمیں پی پی پی کی قیادت کا بہت احترام ہے، 1991ء میں صوبوں کے درمیان طے پانے والے معاہدے اور 1992ء کے ارسا ایکٹ کی موجودگی میں کسی سے ناانصافی نہیں ہو سکتی۔
انہوں نے کہا کہ کسی صوبے کا پانی دوسرے صوبے کے حصے میں نہیں جا سکتا، اس امر کو یقینی بنانے کے لیے ملک میں آئینی طریقہ کار اور قوانین موجود ہیں، پانی کے مسئلے پر سیاست نہیں کرنی چاہئے، معاملات میز پر بیٹھ کر حل کرنے چاہئیں۔ رانا ثنا اللہ نے کہا کہ اکائیوں کی مضبوطی کو وفاق کی مضبوطی سمجھتے ہیں، ماضی کی طرح اسی طرز عمل پر چلتے رہیں گے۔ انہوں نے کہا کہ آئین و جمہوریت پر پختہ یقین رکھنے والی جماعت کے طور پر اکائیوں اور اس میں رہنے والے عوام کے حقوق کے تحفظ پر سمجھوتہ کیا نہ کریں گے، بات چیت اور مشاورت ہی ہر مسئلے کا حل ہے۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج