مسلم لیگ ن کے صدر نواز شریف عید کے بعد کیا کرنے جارہے ہیں؟
اشاعت کی تاریخ: 2nd, April 2025 GMT
لاہور(نیوز ڈیسک) مسلم لیگ ن کے صدر نواز شریف نے آج کل جاتی امرا میں پارٹی رہنماؤں سمیت دیگر لوگوں سے ملاقاتوں کا سلسلہ شروع کیا ہوا ہے ،کچھ روز قبل سپریم کورٹ بارایسوسی ایشن کے صدر میاں رؤف عطا اور بلوچستان ہائی کورٹ بار ایسوسی ایشن کے صدر میر عطااللہ لانگو نے ملاقات کی۔
اس ملاقات میں وفاقی وزیر قانون اعظم نذیر تارڑ بھی موجود تھے، ملاقات میں بلوچستان کی مجموعی صورتحال پر تبادلہ خیال کیا گیا، ذرائع کے مطابق بلوچستان بار کے صدر میر عطا اللہ لانگو نے حالیہ صورتحال کے پیش نظر نواز شریف کو بلوچستان کے دورے کی دعوت دی جسے انہوں نے قبول کر لیا۔
دورہ بلوچستان
ذرائع کے مطابق نواز شریف عید کے بعد بلوچستان کا دورہ کریں گے اور وہاں پر لیگی عہدیداروں سمیت مختلف قبائل کے سرداروں سے ملاقاتیں کریں گے، نواز شریف کے بلوچستان کے اس دو روزہ دورے میں مریم نواز بھی ان کے ہمراہ ہوں گی۔
’نواز شریف بلوچستان میں امن چاہتے ہیں، وہ چاہتے ہیں ملک میں امن و امان کے لیے انہیں بانی چیئرمین پی ٹی آئی عمران خان کے ساتھ بیٹھنا پڑے تو وہ اس کے لیے بھی تیار ہیں۔‘
خیبر پختونخوا کا دورہ
لیگی ذرائع نے وی نیوز کو بتایا کہ سابق وزیر اعظم نواز شریف نے عید کے بعد سیاسی طور پر متحرک ہونے کا فیصلہ کیا ہے، عید کے بعد پہلے بلوچستان کے دورے کے بعد دوسرا دورہ خیبر پختونخوا کا ہوگا، جہاں وہ پارٹی کے تنظیمی معاملات کا جائزہ لیں گے۔
نواز شریف کی خیبر پختونخوا آمد پر پشاور سمیت دیگر شہروں میں پارٹی کنونشن منعقد کیے جائیں گے جہاں کچھ سینیئر رہنماؤں کی مسلم لیگ ن میں شمولیت کا امکان ہے، ذرائع نے بتایا کہ پرویز خٹک جلد مسلم لیگ ن میں شامل ہو سکتے ہیں۔
کپیٹن محمد صفدر اور امیر مقام رہنماؤں کی پارٹی میں شمولیت کے معاملات دیکھ رہے ہیں، اس سے قبل اے این پی کے زاہد خان نے نواز شریف سے لاہور میں ان کی رہائش گاہ پر ملاقات میں مسلم لیگ ن میں شمولیت اختیار کی تھی، اسی طرح دیگر سیاسی رہنما بھی مسلم لیگ ن میں شمولیت اختیار کریں گے، خیبر پختونخوا کے بعد نواز شریف گلگت بلتسان کا بھی دورہ کریں گے۔
عید کے بعد سندھ اور پنجاب کا دورہ بھی کریں گے؟
لیگی ذرائع نے بتایا کہ حال ہی میں نواز شریف نے پنجاب کے مختلف ڈویژن کے ایم پی ایز سے ملاقاتیں کیں اور پنجاب کی صورتحال کے حوالے سے جائزہ بھی لیا ہے، نواز شریف کو سیالکوٹ،گوجرانولہ اور اوکاڑہ میں پہلا جلسہ کرنے کا مشورہ دیاگیا لیکن نواز شریف نے پارٹی رہنماؤں کو بتادیا ہےکہ عید کے بعد ان تمام پروگرام کا جائزہ لیا جائے گا۔
بہرحال پارٹی ذرائع کے مطابق نواز شریف پہلے بلوچستان اور پھر خیبر پختونخوا کا دورہ کریں گے، پنجاب میں جلسوں کے انعقاد سے قبل نواز شریف سندھ کا بھی دورہ کریں گے، اس حوالے سے پارٹی کے سیکرٹری جنرل احسن اقبال بھی کہہ چکے ہیں کہ عید کے بعد نواز شریف پورے پاکستان میں دورے کرنے کا اردہ رکھتے ہیں۔
میاں صاحب مولانا فضل الرحمن سے ملاقات کریں گے؟
لیگی ذرائع نے بتایا کہ نواز شریف عید کے جمعیت علما اسلام کے سربراہ مولانا فضل الرحمن سے بھی ملاقات کریں گے اور ان سے حالیہ سیاسی صورتحال پر تبادلہ خیال کریں گے۔
ذریعہ: Daily Mumtaz
کلیدی لفظ: مسلم لیگ ن میں خیبر پختونخوا دورہ کریں گے نواز شریف نے میں شمولیت عید کے بعد سے ملاقات بتایا کہ ن کے صدر کا دورہ
پڑھیں:
بجٹ سے پہلے کینالز منصوبہ ختم کرائینگے مراد علی شاہ:نواز‘ شہباز شریف نے تحفظات دور کرنے کی ہدایت کر دی‘ رانا ثنا
اسلام آباد+ سہون (نیٹ نیوز) مسلم لیگ (ن) کے صدر اور وزیراعظم شہباز شریف نے متنازع کینال منصوبے پر پیپلزپارٹی کے تحفظات دور کرنے کی ہدایت کر دی۔ وزیراعظم کے مشیر برائے بائے الصوبائی رابطہ رانا ثناء اللہ خان نے اپنے بیان میں کہا کہ قائد محمد نواز شریف وزیراعظم شہباز شریف نے پی پی پی سے بات چیت کے ذریعے مسائل کے حل کی ہدایت کی ہے، اکائیوں کے پانی سمیت وسائل کی منصفانہ تقسیم پر مکمل یقین رکھتے ہیں۔ پیپلز پارٹی وفاق کا حصہ ہے، آئینی عہدوں پر رہتے ہوئے بات زیادہ ذمہ داری سے کرنی چاہئے، ہمیں پی پی پی کی قیادت کا بہت احترام ہے۔ 1991ء میں صوبوں کے درمیان طے پانے والے معاہدے اور 1992ء کے ارسا ایکٹ کی موجودگی میں کسی سے ناانصافی نہیں ہو سکتی۔ کسی صوبے کا پانی دوسرے صوبے کے حصے میں نہیں جا سکتا، اس امر کو یقینی بنانے کے لیے ملک میں آئینی طریقہ کار اور قوانین موجود ہیں۔ پانی کے مسئلے پر سیاست نہیں کرنی چاہیے۔ وزیراعلیٰ سندھ سید مراد علی شاہ نے کہا ہے کہ نہروں کے منصوبے کے خلاف سندھ متحد ہے۔ ہم پیچھے ہٹنے والے نہیں ہیں۔ میڈیا سے گفتگو کرتے ہوئے وزیراعلیٰ سندھ نے نہروں کے منصوبے پر اپنا واضح موقف پیش کیا۔ انہوں نے کہا کہ سندھ کے عوام اس منصوبے کے خلاف متحد اور سراپا احتجاج بنے ہوئے ہیں۔ مراد علی شاہ نے کہا کہ عمرکوٹ کے عوام نے سازشی عناصر کو واضح پیغام دیا ہے کہ وہ پاکستان پیپلز پارٹی کے ساتھ کھڑے ہیں۔ سوشل میڈیا پر یہ بات چل رہی تھی کہ صرف پیپلز پارٹی ہی کینالز کو بند کروا سکتی ہے اور یہ بات درست ہے کیونکہ ان کینالز کی منظوری نگراں حکومت نے ارسا سے لی تھی۔ وزیراعلیٰ سندھ نے واضح کیا کہ پاکستان پیپلز پارٹی کے چیئرمین بلاول بھٹو زرداری پارلیمنٹ ہاؤس میں پہلے ہی یہ واضح کر چکے ہیں کہ ان کینالز کو کسی صورت سپورٹ نہیں کیا جا سکتا۔ انہوں نے کہا کہ عمر کوٹ کے ضمنی الیکشن کے دوران عوام نے بھرپور انداز میں پیپلز پارٹی کا ساتھ دیا اور حال ہی میں حیدرآباد ڈویژن میں ہونے والا جلسہ بھی ایک شاندار اور بڑا جلسہ تھا۔ مراد علی شاہ نے اعلان کیا کہ یہ تو صرف ایک ڈویژن کا جلسہ تھا، ابھی سکھر، شہید بینظیر آباد، میرپور خاص اور کراچی میں بھی جلسے ہوں گے۔
سندھ حکومت کا بڑا قدم ، خواجہ سراؤں کے لیے کھیلوں کے انعقاد کا فیصلہ