بھارت؛ حیدرآباد میں جرمن خاتون سیاح کا کار کے اندر مبینہ ریپ
اشاعت کی تاریخ: 2nd, April 2025 GMT
حیدر آباد:
بھارت کے شہر حیدرآباد میں 22 سالہ جرمن خاتون سیاح کو کار کے اندر 24 سالہ شہری نے مبینہ طور پر ریپ کا نشانہ بنایا تاہم پولیس نے ملزم کو گرفتار کرلیا۔
این ڈی ٹی وی کی رپورٹ کے مطابق پولیس نے بتایا کہ 22 سالہ جرمن سیاح کو 24 سالہ ملزم نے کار کے اندر ریپ کا نشانہ بنایا، جس کی کار کرایے پر لی گئی تھی تاہم ملزم کو گرفتار کرکے ان کے خلاف ریپ کی دفعات عائد کردی گئی ہیں۔
پولیس نے بتایا کہ واقعہ پہاڑی شریف کے علاقے میں مامیڈی پالی کے قریب پیش آیا اور جب جرمن سیاح ملزم کی کار میں سفر کر رہی تھیں اور عید کے دوران شہر دیکھنا چاہتی تھیں۔
پولیس کمشنر سدھیر بابو نے کہا کہ متاثرہ خاتون اور ایک آدمی اپنے دوست سے ملنے 4 جنوری کو جرمنی سے حیدرآباد پہنچے تھے، جنہوں نے ماضی میں ان کے ساتھ اٹلی میں تعلیم حاصل کی تھی۔
انہوں نے بتایا کہ خاتون اور جرمنی سے آیا ہوا اس کا دوست میرپت علاقے کی سیر کرنے گئے تھے اور وہ عید کی تقریبات دیکھنا چاہتے تھے اور اسی دوران ملزم کار میں 4 سے 5 بچوں کے ساتھ وہاں پہنچا اور غیرملکیوں کو شہر کی سیر کروانے کی پیش کش کی اور وہ ان کے ساتھ گئے اور مختلف علاقوں کی سیر کی اور تصاویر بھی بنوائیں۔
پولیس افسر نے بتایا کہ جب خاتون کا مرد دوست بچے راستے میں تصاویر بنانے کے لیے اتر گئے اور جب وہ تھوڑی دور گئے تھے لیکن ملزم کار مزید دور لے گیا تاکہ ان کو اچھی جگہ دکھائی جائے۔
ان کا کہنا تھا کہ پھر ملزم نے خاتون کو دھمکایا اور مبینہ طور پر کار کے اندر ریپ کا نشانہ بنا کر وہاں سے فرار ہوگیا۔
سدھیر بابو کا کہنا تھا کہ خاتون نے اپنے جرمن دوست کو واقعے سے آگاہ کیا، جس کے بعد دونوں نےپولیس میں شکایت درج کرادی۔
پولیس افسر نے بتایا کہ ملزم نے کار ایپ سروس سے کرائے پر لی ہوئی تھی اور بتایا تھا کہ وہ ان کے علاقے کے بچوں کے ساتھ لانگ ڈرائیو پر جانا چاہتا ہے۔
انہوں نے بتایا کہ ملزم نے بچوں اور غیرملکی سیاحوں کے ساتھ مختلف علاقوں کی سیر کی اور ایک پیٹرول پمپ میں گئے اور وہاں سے ایک رسید بھی حاصل کی، جو پولیس کو ان کی گرفتاری کے لیے مدد گار ثابت ہوئی۔
سدھیر بابو نے بتایا کہ ملزم کے خلاف مقدمہ درج کرلیا گیا ہے اور تفتیش کی جا رہی ہے۔
.ذریعہ: Express News
کلیدی لفظ: نے بتایا کہ کار کے اندر کے ساتھ کی سیر
پڑھیں:
4 بچوں کی ماں اپنی بیٹی کے سسر کے ساتھ بھاگ گئی
بھارت شہرعلی گڑھ کی ایک خاتون کے اپنی بیٹی کے منگیتر کے ساتھ فرار ہونے کے چند روز بعد ریاست اتر پردیش سے بھی ایسا ہی غیر معمولی واقعہ سامنے آیا جہاں ایک خاتون مبینہ طور پر اپنی بیٹی کے سسر کے ساتھ فرار ہوگئی۔
بھارتی میڈیا کی رپورٹ کے مطابق خاتون کے شوہر سنیل کمار نے بتایا کہ وہ مہینے میں صرف 2 بار گھر آتا تھا اور اس کی غیر موجودگی میں اس کی بیوی اپنی بیٹی کے سسر کو گھر بلاتی تھی، فرار ہونے والی خاتون کے بیٹے نے بھی کہا کہ جب بھی بہن کا سسر گھر آتا تھا تو مہاں انہیں دوسرے کمرے میں جانے کا کہتی تھی۔
رپورٹ کے مطابق مبینہ طور پر خاتون اور اس کی بیٹی کا سسر اپنے گھر والوں کی طرف سے کسی مزاحمت سے بچنے کے لیے بھاگ گئے۔
43 سالہ خاتون کے چار بچے ہیں جن میں سے ایک کی شادی 2022 میں ہوئی، ذرائع کے مطابق اس کے بعد سے خاتون نے بیٹی کے سسر، 46 سالہ شیلندرا کے ساتھ تعلقات استوار کر لیے۔
خاتون کے شوہر ٹرک ڈرائیور سنیل کمار نے بتایا کہ وہ گھر سے دور رہ کر باقاعدگی سے پیسے گھر بھیجتا تھا اور اس کی غیر موجودگی میں اس کی بیوی اکثر بیٹی کے سسر کو گھر بلاتی تھی۔
خاتون کے بیٹے نے بتایا کہ ان کے والد بہت کم ہی گھر ہوتے ہیں، ماں ہر تیسرے دن، بہن کے سسر کو گھر بلاتی اور ہمیں دوسرے کمرے میں بھیج دیتی، اب وہ اس کے ساتھ بھاگ گئی۔
پڑوسی کے مطابق شیلندر آدھی رات کے قریب خاتون کے گھر آتا تھا اور صبح سویرے چلا جاتا تھا۔
سنیل کمار نے شیلیندر کے خلاف مقامی پولیس اسٹیشن میں تحریری شکایت درج کرا دی ہے۔
Post Views: 4
اسلام آباد سے 11 سالہ گھریلو ملازمہ مبینہ طور پر لاپتہ ، ماں بیٹی کے دیدار کو ترس گئی