ملک میں گرمی بڑھنے سے گلیشیئر پگھلنے، جھیلیں نمودار ہونے کا امکان
اشاعت کی تاریخ: 1st, April 2025 GMT
---فائل فوٹو
محکمۂ موسمیات نے گرمی میں اضافے کا امکان ظاہر کرتے ہوئے بتایا ہے کہ کراچی سمیت سندھ میں فی الحال بارش کا کوئی امکان نہیں، البتہ رواں ماہ اپریل تا جون ملک کے بیشتر مقامات پر معمول کے مطابق بارش کا امکان ہے۔
ترجمان محکمۂ موسمیات انجم نذیر کے مطابق آنے والے دنوں میں ملک کے بالائی و شمالی علاقوں میں گرمی کی شدت میں اضافے کا امکان ہے جس کے باعث گلیشئیرز پگھلنے کا عمل تیز ہو گا۔
انہوں نے بتایا ہے کہ اس سے دریاؤں میں پانی کا بہاؤ بڑھے گا اور خشک سالی کا خدشہ کچھ کم ہو گا تاہم گلیشیئرز پگھلنے سے جھیلیں نمودار ہونے کے واقعات میں بھی اضافہ ہو سکتا ہے۔
کراچی میں آج عید کے دوسرے دن بھی موسم گرم ہے۔
ترجمان محکمۂ موسمیات انجم نذیر نے بتایا ہے کہ کراچی میں آئندہ چند روز کے دوران موسم گرم اور خشک رہنے کا امکان ہے۔
کراچی شہر کا درجۂ حرارت 38 ڈگری سینٹی گریڈ تک جا سکتا ہے۔
ان کا یہ بھی کہنا ہے کہ شہرِ قائد میں نمی کا تناسب کم ہونے کے باعث درجۂ حرارت کی شدت زائد محسوس نہیں ہو گی۔
.ذریعہ: Jang News
کلیدی لفظ: کا امکان
پڑھیں:
کراچی میں ہیٹ ویو، سورج سوا نیزے پر آگیا
محکمہ موسمیات کے مطابق شہر کا موجودہ درجہ حرارت 37 ڈگری سینٹی گریڈ ریکارڈ کیا گیا۔ اسلام ٹائمز۔ محکمہ موسمیات نے کراچی کے موسم کے حوالے سے ایک بُری خبر کا الرٹ جاری کر دیا۔ محکمہ موسمیات نے خبردار کیا ہے کہ کراچی میں آج سے ہیٹ ویو کا آغاز ہو چکا ہے، جس کے باعث شہریوں کو شدید گرمی اور حبس کا سامنا ہے۔ موسم ناصرف گرم بلکہ مرطوب بھی ہے اور شہریوں کو احتیاطی تدابیر اختیار کرنے کی ہدایت کر دی گئی۔ محکمہ موسمیات کے مطابق شہر کا موجودہ درجہ حرارت 37 ڈگری سینٹی گریڈ ریکارڈ کیا گیا۔ واضح رہے کہ محکمہ موسمیات پہلے ہی کراچی میں ہیٹ ویو کا الرٹ جاری کر چکا ہے، اور عوام سے اپیل کی گئی ہے کہ وہ بلا ضرورت گھروں سے باہر نہ نکلیں، دھوپ میں سفر سے گریز کریں، پانی کا زیادہ استعمال کریں اور گرمی سے بچاؤ کی دیگر تدابیر اختیار کریں۔
پاراچنار کے منتخب چیئرمین مزمل حسین فصیح کو بلاجواز جیل میں قید رکھا گیا ہے، علامہ مقصود ڈومکی