شکاگو میں پاکستانی قونصل جنرل طارق کریم کی رہائش گاہ پر شاندار عید اوپن ہاؤس میگا ایونٹ کا انعقاد
اشاعت کی تاریخ: 1st, April 2025 GMT
شکاگو(نیوز ڈیسک) شکاگو میں پاکستان کے قونصل جنرل جناب طارق کریم نے عید الفطر کے پرمسرت موقع پر اپنی رہائش گاہ پر ایک شاندار عید اوپن ہاؤس میگا ایونٹ کا انعقاد کیا۔
اس تقریب میں 400 سے زائد مہمانوں نے شرکت کی، جن میں پاکستانی نژاد امریکی کمیونٹی کے ارکان، مقامی معززین، منتخب عہدیداران، ججز، پیشہ ور افراد، کاروباری شخصیات، قونصلر کور کے نمائندے، اور میڈیا کے افراد شامل تھے۔ منتخب عہدیداروں میں امریکی کانگریس کے رکن جوناتھن جیکسن، مختلف کاؤنٹیز کے حکام، بشمول DuPage County Sheriff اور ریاستی اٹارنی، عدالتوں کے ججز، اور کئی میئرز شامل تھے۔ مختلف ممالک کے قونصل جنرلز نے بھی اس تقریب میں شرکت کی۔
قونصل جنرل جناب طارق کریم اور ان کی اہلیہ، محترمہ عاصمہ طارق نے مہمانوں کا ذاتی طور پر استقبال کیا اور انہیں خوش آمدید کہا۔
حاضرین نے قونصل جنرل طارق کریم کی تعریف کی کہ انہوں نے یو ایس مڈویسٹ ریجن سے کمیونٹی کے افراد، ان کے اہل خانہ، اور مقامی عہدیداروں کو عید منانے کے لیے اکٹھا کیا۔ قونصل جنرل کی رہائش گاہ کو پاکستانی فنون اور دستکاری سے سجایا گیا تھا اور مہمانوں کے لئے مختلف قسم کے لذیذ پاکستانی کھانے موجود تھے، جس سے مہمانوں کو ایسا محسوس ہوا جیسے وہ پاکستان میں ہوں۔
اپنے استقبالیہ کلمات میں
قونصل جنرل طارق کریم نے کمیونٹی کے افراد کو عید کی مبارکباد دی۔ انہوں نے عید کو خوشیوں کی تقسیم، ہم آہنگی، اتحاد، اور ایک دوسرے کے لیے ہمدردی کے اظہار کا موقع قرار دیتے ہوئے کہا کہ عید کا مشترکہ جشن پرامن اور خوشحال دنیا کی تعمیر کے عزم کا مظہر ہے۔
قونصل جنرل نے کمیونٹی کے ارکان اور منتخب عہدیداروں پر زور دیا کہ وہ پاک-امریکہ شراکت داری کو فروغ دینے میں فعال کردار ادا کریں۔
منتخب عہدیداروں نے بھی دو طرفہ تعلقات کی اہمیت اور پاکستانی امریکن کمیونٹی کے اہم کردار پر بروشنی ڈالی۔
تقریب کا اختتام پاکستان کی سلامتی اور خوشحالی کے لیے دعا پر ہوا۔
ذریعہ: Daily Mumtaz
کلیدی لفظ: کمیونٹی کے
پڑھیں:
سعودیہ میں بس حادثہ، 5 پاکستانی جاں بحق
فائل فوٹوسعودی عرب میں عمرہ زائرین کی بس حادثے کا شکار، پانچ پاکستانی جاں بحق ہوگئے۔
سعودی ریسکیو حکام کے مطابق حادثے کے جاں بحق افراد میں تین خواتین بھی شامل ہیں۔
حکام کا بتانا ہے کہ جاں بحق افراد کا تعلق پاکستان کےضلع بہاولنگر سے ہے جبکہ بس میں سوار دیگر متعدد زائرین زخمی ہیں۔
پاکستان کے عمرہ زائرین کی بس البدر سے مدینہ جاتے ہوئےحادثے کا شکار ہوئی۔
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج