پاکستان ٹیم کو سیریز بچانے کے لالے پڑ چکے
اشاعت کی تاریخ: 31st, March 2025 GMT
پاکستان ٹیم کو ون ڈے سیریز بچانے کے لالے پڑچکے، واپسی کیلیے بدھ کے روز دوسرے میچ میں لازمی فتح درکار ہوگی، ٹیم نیوزی لینڈ کے خلاف 3 میچز پر مشتمل ایک روزہ سیریز کے دوسرے میچ کے لیے ہیملٹن پہنچ گئی۔
قومی اسکواڈ اتوار کو نیپئر سے ہیملٹن پہنچا جہاں وہ پیر کی صبح 10 بجے پریکٹس سیشن میں حصہ لے گا۔ پاکستان اور نیوزی لینڈ کے درمیان سیریز کا دوسرا میچ 2 اپریل کو ہیملٹن میں کھیلا جائے گا۔
نیوزی لینڈ نے سیریز کے پہلے میچ میں پاکستان کو 73 رنز سے شکست دی تھی۔ نیوزی لینڈ نے پہلے بیٹنگ کرتے ہوئے 50 اوورز میں 344 رنز اسکور کیے۔ ابتدائی 50 رنز پر تین وکٹیں گرنے کے بعد مارک چیپمین اور ڈیرل مچل نے شاندار بیٹنگ کا مظاہرہ کرتے ہوئے 199 رنز کی شراکت داری قائم کی۔
چیپمین نے 132 رنز کی اننگز کھیلی، جس میں 13 چوکے اور 6 چھکے شامل تھے جبکہ مچل نے 76 رنز بنائے۔ ڈیبیو کرنے والے محمد عباس نے بھی 26 گیندوں پر 52 رنز کی دھواں دار اننگز کھیلی۔
پاکستان کی جانب سے عرفان خان نے 3، حارث رؤف اور عاکف جاوید نے 2،2 جبکہ نسیم شاہ اور محمد علی نے ایک، ایک وکٹ حاصل کی۔
ہدف کے تعاقب میں پاکستانی اوپنرز نے جارحانہ آغاز فراہم کیا۔ عثمان خان (39) اور عبداللہ شفیق (36) نے ٹیم کو 83 رنز کا آغاز دیا، مگر مڈل آرڈر زیادہ دیر وکٹ پر نہ ٹک سکا۔
کپتان محمد رضوان 30 رنز بنا کر آؤٹ ہوئے جبکہ طیب طاہر، حارث رؤف، عاکف جاوید اور نسیم شاہ یکے بعد دیگرے آؤٹ ہوگئے۔ بابراعظم نے 78 اور سلمان آغا نے 58 رنز کی مزاحمتی اننگز کھیلی، لیکن ٹیم 44.
نیوزی لینڈ کے نتھین اسمتھ نے 4، جیکب ڈفی نے 2 جبکہ مائیکل بریسویل اور محمد عباس نے ایک، ایک وکٹ حاصل کی۔
پاکستانی ٹیم کے لیے دوسرا میچ انتہائی اہمیت کا حامل ہے، کیونکہ شکست کی صورت میں گرین شرٹس نہ صرف ایک روزہ سیریز ہار جائیں گے بلکہ دورہ نیوزی لینڈ میں مسلسل دوسری سیریز میں ناکامی کا سامنا کرنا پڑے گا۔
اس سے قبل ٹی 20 سیریز میں بھی پاکستان کو 1-4 سے شکست کا سامنا کرنا پڑا تھا، قومی ٹیم کی مینجمنٹ اور کوچنگ سٹاف کھلاڑیوں کو دوسرے میچ کے لیے مکمل تیار کر رہے ہیں، امید کی جا رہی ہے کہ پاکستان ٹیم اپنی غلطیوں سے سیکھتے ہوئے اگلے میچ میں بہتر کارکردگی کا مظاہرہ کرے گی۔
Post Views: 1ذریعہ: Daily Mumtaz
کلیدی لفظ: نیوزی لینڈ رنز کی
پڑھیں:
فن لینڈ : 3لڑکوں نے فٹ بال اسٹیڈیم کو آگ لگا دی
data-id="863a0a8" data-element_type="widget" data-widget_type="theme-post-content.default">
ہیلسنکی (انٹرنیشنل ڈیسک) فن لینڈ کی پولیس نے 3نوعمر لڑکوں کو اس وقت گرفتار کیا، جب انہوں نے ہاکا فٹبال کلب کے اسٹیڈیم کے مین اسٹینڈ کو مکمل طور پر آگ لگا کر جلا دیا۔ رات گئے فیکٹری فیلڈ اسٹیڈیم کے ایک حصے میں آگ بھڑکی، جس کے بعد مقامی پولیس نے 3نوعمر لڑکوں کو گرفتار کیا۔ان میں سے ایک 15 سالہ لڑکے نے بعد میں آگ لگانے کا اعتراف بھی کر لیا۔ امکان ہے کہ تینوں نوعمرلڑکوں پر فوجداری کا مقدمہ نہیں چلایا جائے گا، کیونکہ وہ فن لینڈ کے قانون کے تحت قانونی ذمے داری کی عمر سے کم ہیں۔ آگ نے فرسٹ ڈویژن اسٹینڈ اور اس کی تمام سہولیات مکمل طور پر تباہ کر دیں۔ کلب کے چیئرمین مارکو لارسن کا کہنا تھا کہ نقصان کا مکمل تخمینہ نہیں لگایا، لیکن امکان ہے کہ یہ بہت زیادہ ہو گا۔ حکام اور انشورنس کمپنی صورتحال کا جائزہ لے رہی ہیں اور تمام تحقیقات مکمل ہونے کے بعد اسٹینڈ کو مکمل طور پر گرانا ضروری ہوگا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر