سعودی عرب، یو اے ای سمیت خلیجی ممالک میں عیدالفطر آج منائی جا رہی ہے
اشاعت کی تاریخ: 30th, March 2025 GMT
سعودی عرب اور متحدہ عرب امارات میں عیدالفطر آج مذہبی جوش وخروش سے منائی جا رہی ہے۔
مسجد الحرام اور مسجد نبویﷺ میں نماز عید کے روح پروز اجتماعات ہوئے، جہاں 20 لاکھ سے زائد فرزندان اسلام نے نماز عید ادا کی۔
مسجد الحرام میں امام کعبہ الشیخ عبدالرحمان السدیس نماز عید کا خطبہ اور امامت کرائی جبکہ مسجد نبویﷺ میں امام شیخ عبداللہ نے عیدالفطر کی نماز پڑھائی۔
خادم حرمین شریفین شاہ سلمان نے عیدالفطر کے موقع پر ملت اسلامیہ کو مبارک باد دی اور کہا کہ اللّٰہ کے شکر گزار ہیں کہ رمضان میں لاکھوں عمرہ زائرین کی خدمت کا موقع ملا، زائرین کی خدمت کرنے کیلئے مختلف شعبوں سے وابستہ افراد کی کوششوں کو سراہتے ہیں۔
دبئی، قطر، بحرین، کویت، ترکیہ، روس میں بھی آج عید منائی جا رہی ہے، دبئی کے علاقے القصص میں 15 ہزار افراد نے عیدالفطر کی نماز ادا کی جس میں خواتین اور بچوں نے بھی شرکت کی، ابوظہبی، شارجہ اور دیگر ریاستوں میں بھی عید کے اجتماعات ہوئے۔
مسجد اقصیٰ میں نماز عید کی ادائیگی
دوسری جانب اسرائیل کے ظلم اور بربریت کے شکار فلسطین میں بھی عیدالفطر آج منائی جا رہی ہے، بے گھر فلسطینی مسلمان کھلے آسمان تلے، خوراک کی شدید قلت اور بے پناہ مسائل کے دوران عیدالفطر منا رہے ہیں، مسجد اقصیٰ میں نماز عیدالفطر کا اجتماع ہوا، جس میں ہزاروں مسلمانوں نے شرکت کی، نماز کی ادائیگی کے بعد دعا بھی کرائی گئی۔
اس کے علاوہ فرانس اور امریکا کے کچھ علاقوں میں بھی آج عید ہوگی، رویت کے تحت عید منانے والے چاند دیکھ کر فیصلہ کریں گے جبکہ مسلم کیلنڈر پر عمل کرنے والے آج عید منائیں گے۔
عمان، بھارت، ملائیشیا، انڈونیشیا اور برونائی میں عیدالفطر پیر کو منائی جائے گی جبکہ برطانیہ میں مسلم کمیونٹی تقسیم ہے، بعض آج اور بعض پیر کو عید منائیں گے۔
Post Views: 1.ذریعہ: Daily Mumtaz
کلیدی لفظ: منائی جا رہی ہے میں بھی
پڑھیں:
لاہوریے فلسطینیوں کے حق میں سڑکوں پر نکل آئے، شہر بھر میں مظاہرے
اسلام ٹائمز:فلسطین و غزہ کے مظلوموں سے اظہار یکجہتی کیلئے لاہور کی تاریخی بادشاہی مسجد سے ریلی نکالی گئی۔ ریلی کا اہتمام مجلس علماء پاکستان کی جانب سے کیا گیا۔ شرکاء نے بادشاہی مسجد کے مرکزی دروازے کے سامنے احتجاج کیا۔ ریلی کی قیادت چیئرمین مرکزی رویت ہلال کمیٹی پاکستان و خطیب بادشاہی مسجد مولانا سید عبدالخبیر آزاد نے کی۔ حافظ سید کاظم رضا نقوی سمیت مختلف مکاتب فکر کے علماء نے بھی شرکت کی۔ اسلام ٹائمز۔ لاہور میں مختلف سیاسی و مذہبی جماعتوں کی جانب سے فلسطین کے مظلوم مسلمانوں کیساتھ اظہار یکجہتی اور اسرائیلی بربریت کیخلاف احتجاجی مظاہرے گئے۔ گڑھی شاہو میں جامعہ نعیمہ سے لاہور پریس کلب تک ”فلسطین زندہ باد“ ریلی نکالی گئی۔ ریلی کا اہتمام جماعت اہلسنت کی جانب سے کیا گیا۔ ریلی کی قیادت چیئرمین اسلامی نظریاتی کونسل علامہ ڈاکٹر محمد راغب حسین نعیمی نے کی۔ ریلی میں قاری امیر قادری، علامہ رمضان شاد، مفتی نعیم صابری، قاری ثناء للہ سیالوی سمیت شہریوں کی بڑی تعداد نے شرکت کی۔ ریلی کے شرکاء غزہ کے مظلوم مسلمانوں کے حق میں اور اسرائیلی مظالم کیخلاف نعرے بازی کرتے رہے۔ اس موقع پر ڈاکٹر راغب نعیمی نے کہا کہ مظلوم فلسطینی عوام کی مدد کیلئے مسلم اُمہ عملی کردار ادا کرے، اسرائیلی مظالم اور دہشتگردی کیخلاف عالم برداری کو ایکشن لینا چاہیے۔ انہوں نے کہا کہ اقوام متحدہ کی سلامتی کونسل اسرائیلی دہشتگردی رکوانے کیلئے کردار ادا کرے، اقوام متحدہ کے چارٹر پر مسئلہ فلسطین اور مسئلہ کشمیر ایک عرصہ سے حل طلب ہیں۔
فلسطین و غزہ کے مظلوموں سے اظہار یکجہتی کیلئے لاہور کی تاریخی بادشاہی مسجد سے ریلی نکالی گئی۔ ریلی کا اہتمام مجلس علماء پاکستان کی جانب سے کیا گیا۔ شرکاء نے بادشاہی مسجد کے مرکزی دروازے کے سامنے احتجاج کیا۔ ریلی کی قیادت چیئرمین مرکزی رویت ہلال کمیٹی پاکستان و خطیب بادشاہی مسجد مولانا سید عبدالخبیر آزاد نے کی۔ حافظ سید کاظم رضا نقوی سمیت مختلف مکاتب فکر کے علماء نے بھی شرکت کی۔ اس موقع پر مولانا عبدالخبیر آزاد نے کہا کہ ریاست، پاکستانی عوام اور اُمت مسلمہ اہل فلسطین اور غزہ کے مسلمانوں کیساتھ کھڑی ہے، ظالم اسرائیل انسانیت کا قاتل ہے، ارض الانبیاء اہل فلسطین کی ہے، جن کو اپنے ہی گھروں سے بے گھر کیا جا رہا ہے۔ مولانا عبدالخبیر آزاد نے کہا کہ قبلہ اوّل بیت المقدس کی صورتحال پوری دنیا کو پکار رہی ہے، اُمت مسلمہ غزہ و فلسطین کے مظلوم مسلمانوں کیساتھ ہے، اقوام متحدہ، یورپی یونین، او آئی سی اور تمام اسلامی ممالک غزہ و فلسطین پر اسرائیلی بربریت اور ظلم و جبر رکوانے میں فیصلہ کن کردار ادا کریں۔
گرین ٹاؤن یونین کونسل 237 اور یو سی 238 میں فلسطین کے مظلوم مسلمانوں کیساتھ اظہار یکجہتی کیلئے ریلی کا انعقاد کیا گیا۔ ڈپو چوک تا خان چوک ریلی نکالی گئی۔ ریلی کی قیادت مسلم لیگ ن کے رہنما اور ایم پی اے میاں عمران جاوید اور سینئر لیگی رہنما ساجدہ تارڑ نے کی۔ لیگی رہنما غلام نبی طور، رانا صفدر ، جمشید طور، شہباز طالب، حمزہ ملک، غیاث الدین بابر، اخلاق سردار، نعمان خان، اویس مغل، سرفراز اعوان، راشد بٹ، ملک سرفراز اعوان، شیخ آصف، ذوہیب خان، شاہد بٹ، خواجہ اظہر بٹ، اظہر بٹ، باؤ افتخار سمیت کارکنان موجود تھے۔ شرکاء نے ہاتھوں میں پوسٹر ٹھام رکھے تھے۔ لیگی کارکنان نے فلسطین کے جھنڈے لہرائے اور اسرائیل کیخلاف نعرے بازی کی۔
لاہور کے مختلف سرکاری وپرائیویٹ سکولوں کی جانب سے بھی ریلیوں کا انعقاد کیا گیا۔ جس میں طلبہ و طالبات، اساتذہ اور سٹاف ممبران نے بھرپور شرکت کی۔ اس موقع پر اساتذہ نے ریلی خطابات میں غزہ کے مظلوموں کیساتھ یکجہتی کا اظہار کرتے ہوئے اسرائیلی بربریت کی مذمت کی۔ مقررین نے کہا کہ امریکی صدر ڈونلڈ ٹرمپ کا غزہ کو ہتھیانے کا خواب کبھی پورا نہیں ہوگا۔ فلسطین مسلمانوں اور فلسطینیوں کا ہے، اسرائیل ایک ناجائز ریاست ہے، اسے کسی طور تسلیم نہیں کیا جا سکتا۔ اساتذہ کا کہنا تھا کہ پوری پاکستانی قوم اپنے مظلوم فلسطینی بھائیوں کے شانہ بشانہ کھڑے ہیں۔ انہوں نے کہا کہ اقوام متحدہ اور او آئی سی مسئلہ فلسطین کے حل کیلئے کردار ادا کریں۔
ایران میں قتل 8 پاکستانیوں کی لاشیں ابھی تک تفتان نہیں لائی گئیں، ڈی سی چاغی