عید کے دوران جنگ بندی کے بدلے کچھ قیدیوں کی رہائی بارے ایک نئی تجویز سامنے آ گئی
اشاعت کی تاریخ: 29th, March 2025 GMT
عید کے دوران جنگ بندی کے بدلے کچھ قیدیوں کی رہائی بارے ایک نئی تجویز سامنے آ گئی WhatsAppFacebookTwitter 0 29 March, 2025 سب نیوز
غزہ: غزہ میں جنگ بندی کی خلاف ورزی کے بعد 12 دن تک محصور پٹی پر اسرائیلی حملے جاری ہیں۔ دوسری طرف حماس نے اعلان کیا ہے کہ تنظیم اور ثالثوں کے درمیان جنگ بندی کو دوبارہ شروع کرنے کے لیے بات چیت حالیہ دنوں میں تیز ہوئی ہے، نئی پیش رفت سامنے آئی ہے۔
اسرائیلی براڈ کاسٹنگ کارپوریشن کے مطابق عید الفطر کی جنگ بندی کے بدلے میں کچھ اسرائیلی قیدیوں کی رہائی کی تجویز پر تل ابیب اتفاق کر سکتا ہے۔
اسرائیلی میڈیا نے مزید کہا کہ یہ ابھی تک واضح نہیں ہے کہ قیدیوں کی ایک چھوٹی کھیپ کے بدلے تحریک کے مطالبات کیا ہیں۔ رہا ہونے والوں کے مجوزہ ناموں میں امریکی نژاد ایڈن الیگزینڈر کو شامل کیا جا سکتا ہے۔
انہوں نے کہا کہ ثالث حماس کے بعض سینئر ارکان میں رمضان کے اختتام پر عید الفطر کی چھٹیوں کے دوران جنگ بندی کے لیے یرغمالیوں کی ایک چھوٹی تعداد کو رہا کرنے پر آمادہ نظر آتے ہیں۔اس تجویز کے حوالے سے امریکہ اور قطر کی شرکت کے ساتھ بھرپور کوششیں جاری ہیں۔
انہوں نے مزید کہا کہ یہ معاہدہ عید الفطر سے اتنا منسلک نہیں تھا جتنا کہ یہ گذشتہ چند دنوں میں حماس کے خلاف غزہ میں پھوٹنے والے مظاہروں کے بعدا ہوا ہے۔ یہ دعویٰ کیا گیا تھا کہ تحریک مظاہرین کو دبانا چاہتی ہے لیکن اسرائیل کی جانب سے غزہ میں دوبارہ آپریشن شروع کرنے کی وجہ سے ایسا کرنے سے قاصر ہے جہاں فوج اس کےکھلے عام پائے جانے والے ارکان کو نشانہ بناتی ہے۔
نیٹ ورک نے یہ بھی دعویٰ کیا کہ جنگ بندی، چاہے یہ کئی دنوں تک جاری رہے حماس کو احتجاج پر قابو پانے کی اجازت دے گی جو تحریک کے اندر تشویش کا ایک بڑا ذریعہ تھے۔
یہ رپورٹ ایک ایسے وقت میں سامنے آئی جب ایک سینئر عرب سفارت کار نے ٹائمز آف اسرائیل کو بتایا کہ قطر نے حماس کو الیگزینڈر کو رہا کرکے جنگ بندی کی بحالی کے لیے ایک نئی امریکی تجویز پیش کی تھی، جس کے بدلے میں صدر ڈونلڈ ٹرمپ نے غزہ میں پرامن رہنے اور لڑائی کے مستقل خاتمے کے لیے مذاکرات کی بحالی کے لیے ایک بیان جاری کیا تھا۔
یہ امر قابل ذکر ہے کہ حماس نے پہلے ہی مشرق وسطیٰ کے لیے امریکی خصوصی ایلچی اسٹیو وٹ کوف کی ایک سابقہ تجویز کو مسترد کر دیا تھا، جس میں جنگ بندی کے پہلے مرحلے میں توسیع کی کوشش کی گئی تھی، حماس نے جنوری میں ہونے والے معاہدے کی شرائط پر عمل کرنے پر زور دیا گیا تھا، جو 2 مارچ کو اپنے دوسرے مرحلے میں داخل ہونے والا تھا۔
تاہم وزیراعظم بنجمن نیتن یاہو نے حماس کی عسکری اور حکومتی صلاحیتوں کو ختم کرنے تک جنگ روکنے سے انکار کر دیا اور اس طرح عارضی جنگ بندی کے پہلے مرحلے میں توسیع کی کوشش کرتے ہوئے، دوسرے مرحلے میں داخل ہونے سے انکار کر دیا۔
دو ہفتوں سے زائد تعطل کے بعد اسرائیل نے 18 مارچ کو غزہ میں اپنی شدید فوجی کارروائی دوبارہ شروع کی۔ حماس نے ابھی تک تازہ ترین امریکی تجویز کا جواب نہیں دیا ہے لیکن قطری ثالثوں نے تحریک کو مطلع کیا ہے کہ تعمیل ٹرمپ کے ساتھ خیر سگالی پیدا کرے گی۔ سفارت کار کے مطابق یہ امکان بڑھ گیا ہے کہ وہ نیتن یاہو کو مستقل جنگ بندی پر راضی کرنے کے لیے دباؤ ڈالیں گے۔
حماس پولٹ بیورو کے رکن باسم نعیم نے جمعے کی شام اس بات کی تصدیق کی کہ مذاکرات میں تیزی آ رہی ہے، اور تحریک کو امید ہے کہ آنے والے دنوں میں ثالثوں کے ساتھ تیز رابطوں کے بعد، جنگی صورت حال میں حقیقی پیش رفت دیکھنے کو ملے گی۔
.ذریعہ: Daily Sub News
کلیدی لفظ: جنگ بندی کے قیدیوں کی کے بدلے
پڑھیں:
بحرین کے بے گناہ قیدیوں کی آواز
اسلام ٹائمز: بحرین کی سماجی و قانونی کارکن ابتسام الصیغ نے اس بات پر زور دیا ہے کہ حالیہ دنوں میں "جو" جیل میں پیش آنے والے واقعات کوئی اتفاقی حادثاتہ نہیں تھے، بلکہ یہ ایک ایسے قانونی بحران کا حصہ تھے، جس سے بحرین برسوں سے نبرد آزما ہے۔ انٹرویو: معصومہ فروزان
بحرین ایک ایسا ملک ہے، جو حالیہ برسوں میں شدید بین الاقوامی دباؤ میں رہا ہے، کیونکہ اس ملک میں انسانی حقوق کی پامالی عروج پر ہے۔ یہ ملک خاص طور پر انسانی حقوق کے شعبے نیز انفرادی آزادیوں اور سیاسی حقوق کے شعبوں میں شدید مسائل سے دوچار ہے۔ اس بحران کا سب سے واضح مظہر سیاسی قیدیوں کی صورت حال ہے، جو بحرین کی جیلوں بالخصوص" الجو" جیل میں برسوں سے دباؤ اور بدسلوکی کا شکار ہیں۔ ان مسائل نے نہ صرف بحرین میں بلکہ بین الاقوامی سطح پر بھی بہت زیادہ توجہ حاصل کی ہے۔
بحرین کی قانونی ایکٹیوسٹ اور ملک میں انسانی حقوق کی صورت حال کے شدید ناقدین میں سے ایک "ابتسام الصیغ" نے "اسلام ٹائمز" کے نامہ نگار کو انٹرویو دیتے ہوئے" الجو" جیل میں سیاسی قیدیوں کی نازک صورتحال پر ایک بار پھر تاکید کی ہے۔ اس انٹرویو میں انہوں نے اس جیل میں سیاسی قیدیوں کے مشکل حالات کا حوالہ دیتے ہوئے کہا ہے کہ بحرین میں انسانی حقوق کا بحران صرف خاص مواقع پر ہی نہیں بلکہ مسلسل، خاص طور پر قیدیوں کے روزمرہ کے حالات میں جاری و ساری ہے۔
الصیغ نے حالیہ تعطیلات کے دوران خاص طور پر قیدیوں کے لیے مذہبی سہولیات کے میدان میں پیدا ہونے والے مسائل کا خاص طور پر حوالہ دیتے ہوئے کہا ہے کہ حالیہ دنوں میں، "جو" جیل میں، ہم نے قیدیوں کی مذہبی رسومات ادا کرنے کے امکان کے حوالے سے جیل حکام کی طرف سے کیے گئے وعدوں کی خلاف ورزی کا مشاہدہ کیا ہے۔ اس کارروائی کی وجہ سے قیدیوں نے احتجاج کیا اور انہیں سخت ردعمل کا سامنا کرنا پڑا، جس میں ان کے باہمی رابطوں کے خاتمے، اہل خانہ سے ملاقات پر پابندی اور قیدیوں کو سخت تشدد کا نشانہ بنانا شامل ہے۔
بحرین کی اس سماجی کارکن نے اصلاحی وعدوں کے میدان میں درپیش چیلنجوں کی طرف اشارہ کرتے ہوئے کہا ہے کہ نئے حکام نے قیدیوں کے حالات کو بہتر بنانے کے وعدے کیے ہیں، لیکن بعض سابق اہلکاروں کی شدید مزاحمت نے جیلوں کی صورت حال کو پیچیدہ بنا دیا ہے اور اس سلسلے میں ہر طرح کی پیش رفت کو روک دیا ہے۔ بحرین میں انسانی حقوق کی اس سماجی کارکن نے اصلاحات کے وعدوں پر عوامی عدم اعتماد کے مسئلے کی طرف بھی اشارہ کرتے ہوئے اس بات پر زور دیا ہے کہ حقیقی اصلاحات اسی صورت میں حاصل کی جاسکتی ہیں، جب قیدیوں کے حالات کو بہتر بنانے اور انسانی حقوق کی خلاف ورزیوں سے نمٹنے کے لیے مضبوط سیاسی ارادہ ہو۔
کروڑوں روپے کا مبینہ فراڈ، نادیہ حسین ایف آئی اے کے نوٹس پر پیش