اصغریہ اسٹوڈنٹس و علم و عمل تحریک کے تحت حیدرآباد میں آزادی القدس ریلی کا انعقاد
اشاعت کی تاریخ: 29th, March 2025 GMT
ریلی سے قمر عباس غدیری، سید منظر حسین بخاری، سیدہ معصومہ موسوی، عبدالباسط خان زئی، علامہ ڈاکٹر مسعود جمال، پنڈت بابو لال آریا، علامہ غلام رضا سریوال، سید پسند علی رضوی، سید معظم علی شاہ، مولانا گل حسن مرتضوی، مولانا باقر حسین باقری، علامہ غلام رضا سریوال، ایڈووکیٹ احمد علی دل، عاطف مہدی سیال و دیگر نے خطاب کیا۔ اسلام ٹائمز۔ اصغریہ اسٹوڈنٹس آرگنائزیشن پاکستان، اصغریہ علم و عمل تحریک پاکستان اور اصغریہ خواتین علم و عمل تحریک کے زیر اہتمام عالمی یوم القدس کی مناسبت سے حیدرآباد میں القدس ریلی اولڈ کیمپس تا پریس کلب تک نکالی گئی، جو ریلی حیدرآباد پریس کلب پہنچ کر بڑے احتجاجی جلسے میں تبدیل ہوگئی۔ ریلی سے اصغریہ تحریک کے مرکزی صدر قمر عباس غدیری، اصغریہ اسٹوڈنٹس آرگنائزیشن کے مرکزی صدر سید منظر حسین بخاری، اصغریہ خواتین تحریک کی مرکزی فنانس سیکریٹری سیدہ معصومہ موسوی، جماعت اسلامی حیدرآباد کے صدر پبلک افیئرز عبدالباسط خان زئی، بزم فروغ انسانیت پاکستان کے بانی و سرپرست اعلیٰ علامہ ڈاکٹر مسعود جمال، ہندو سناتن دھرم کے رہنما پنڈت بابو لال آریا، علامہ غلام رضا سریوال، اصغریہ تحریک کے مرکزی رہنما سید پسند علی رضوی، شیعہ علما کونسل کے مرکزی رہنما سید معظم علی شاہ، مجلس وحدت مسلمین کے رہنما مولانا گل حسن مرتضوی، مولانا باقر حسین باقری، علامہ غلام رضا سریوال، ایڈووکیٹ احمد علی دل، اصغریہ تحریک حیدرآباد کے صدر عاطف مہدی سیال و دیگر نے خطاب کیا۔
ریلی میں صراط الہیٰ حفظ القرآن کے مسئول سید زاہد حسین شاہ، خانہ فرہنگ اسلامی جمہوریہ ایران حیدرآباد کے ڈائریکٹر ڈاکٹر رضا پارسا، محمد حسن سپیو، سید جڑیل شاہ، رحمان رضا ایڈووکیٹ، مصطفیٰ علی حیدری، سید شمیم حیدر نقوی و دیگر نے خصوصی شرکت کی۔ القدس ریلی میں بچوں، خواتین اور بلند حوصلہ بزرگوں سمیت شہریوں نے کثیر تعداد میں شرکت کی اور مظلوم فلسطینیوں کی حمایت کرتے ہوئے ان سے مکمل اظہار یکجہتی کیا، شرکاء تحریک آزادی فلسطین کے حق میں امریکا اور اسرائیل کے خلاف پلے کارڈز، بینرز بھی اٹھا رکھے تھے۔ شرکاء نے امریکی صدر ڈونلڈ ٹرمپ، امریکا و اسرائیل کے خلاف شدید نعرے بھی لگائے۔ ریلی سے خطاب کرتے ہوئے رہنماؤں نے کہا کہ امریکا عالم انسانیت کیلئے خطرہ بن چکا ہے، مشرق وسطیٰ میں انسانیت سوز واقعات اور اسلامی ممالک میں اپنی اجارہ داری قائم کرنے کیلئے اپنے حواریوں سے دہشتگردانہ کارروائیاں کروا رہا ہے، عالم انسانیت کی دشمن قوت داعش، القاعدہ کو پروان چڑھانے میں امریکا کا ہاتھ ہے، جبکہ ان کے خلاف ایران نے انسانیت کے دفاع میں شہید قدس جنرل قاسم سلیمانی کی سربراہی میں شکست دی ہے۔
رہنماؤں نے کہا کہ مسلم حکمران امریکا کی غلامی چھوڑ کر امت کے مفاد میں اجتماعی سوچ اپنائیں، امریکا باری باری تمام مسلم ممالک کو نشانہ بنا رہا ہے۔ انہوں نے کہا کہ مسلم حکمران مصلحتوں کا شکار ہونے کیبجائے کھل کر اسلامی ممالک کے عوام کی ترجمانی کریں۔ انہوں نے کہا کہ وقت آگیا ہے کہ تمام اسلامی حکمران غزہ کے مظلومین کی حمایت میں اپنا کردار ادا کریں۔ انہوں نے کہا کہ سید مقاومت سید حسن نصراللہ کی شہادت امریکا کی سپر پاور کے خاتمے کا آغاز ہے۔ مقررین نے یمن کے مجاہدین کی جدوجہد کی حمایت کرتے ہوئے یمن پر امریکی برطانوی جارحیت و حملوں کی سخت مذمت کی۔ ریلی کے آخر میں فلسطین کے حق میں اور امریکا و اسرائیل کے خلاف مذمتی قرادادیں منظور کی گئیں، جبکہ امریکا و اسرائیل سے اظہار نفرت کرتے ہوئے انکے پرچم بھی نذر آتش کئے گئے۔
ذریعہ: Islam Times
کلیدی لفظ: کرتے ہوئے نے کہا کہ کے مرکزی تحریک کے کے خلاف
پڑھیں:
الخدمت اور ریسکیو 1122کا مشترکہ امدادی پوائنٹ قائم
data-id="863a0a8" data-element_type="widget" data-widget_type="theme-post-content.default">
251212-08-26
کراچی(اسٹاف رپورٹر) الخدمت فاؤنڈیشن سندھ ریجن اور ریسکیو 1122 حیدرآباد نے دریائے سندھ کے کنارے المنظر جامشورو کے مقام پر مشترکہ ریسکیو پوائنٹ قائم کر دیا ہے، جو ہنگامی صورتحال میں بروقت اور مؤثر امدادی خدمات فراہم کرنے کے لیے ایک اہم پیش رفت ہے۔ ریسکیو پوائنٹ دونوں اداروں کے اشتراک سے مستقل طور پر چلایا جائے گا۔ افتتاحی تقریب ریسکیو 1122 ہیڈ کوارٹر حیدرآباد میں منعقد ہوئی، جس کے مہمان خصوصی کمشنر حیدرآباد فیاض حسین عباسی اور ڈپٹی کمشنر زین العابدین میمن تھے۔ تقریب میں الخدمت فاؤنڈیشن سندھ ریجن کے جنرل سیکرٹری محمد شاہد، ضلعی صدر الخدمت حیدرآباد نعیم عباسی،سی او اور ریسکیو 1122 ڈاکٹر عابد جلال الدین شیخ اور دیگر سرکاری و سماجی شخصیات بھی موجود تھیں۔اس موقع پر شرکا سے خطاب کرتے ہوئے کمشنر حیدرآباد فیاض حسین عباسی کا کہناتھاکہ مشترکہ ریسکیو پوائنٹ کا مقصد انسانی جانوں کے تحفظ اور فوری امدادی خدمات کی فراہمی کے لیے مؤثر اور فعال نظام کی بنیاد رکھنا ہے۔الخدمت فاؤنڈیشن کا یہ عملی تعاون نہ صرف شہریوں کے تحفظ میں اہم کردار ادا کرے گا بلکہ سیلاب، ڈوبنے کے واقعات، حادثات اور دیگر ہنگامی صورتحال میں بروقت ریسکیو کو بھی یقینی بنائے گا، انہوں نے الخدمت کے کردار کو سراہا۔ جنرل سیکرٹری الخدمت سندھ ریجن محمد شاہدکا کہناتھاکہ یہ اقدام اس بات کا ثبوت ہے کہ الخدمت فاؤنڈیشن ہمیشہ معاشرے کی بھلائی، انسانی خدمت اور زندگیوں کے تحفظ کے لیے پیش پیش رہتی ہے۔مشترکہ تعاون کا یہ ماڈل آنے والے وقت میں عوام کے لیے امید اور سہولت کی نئی راہیں کھولے گا۔ بے لوث خدمت، مضبوط رابطہ کاری اور اجتماعی کوششیں، یہی الخدمت فاؤنڈیشن کا مشن ہے اور اسی جذبے کے ساتھ یہ کاروان آگے بڑھ رہا ہے۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر