عمران خان نے ریڈ کارپٹ بچھا کر دہشت گردوں کو آباد کیا، طلال چودھری
اشاعت کی تاریخ: 28th, March 2025 GMT
فیصل آباد میں میڈیا سے گفتگو کرتے ہوئے وزیر مملکت برائے داخلہ کا کہنا تھا کہ دہشت گرد سوفٹ ٹارگٹ پرحملہ کرتے ہیں، پی ٹی آئی والے دہشت گردوں سے ہمدردی کرتے ہیں۔؟ سی ٹی ڈی کمزور ہونے کی وجہ سے ملک میں دہشت گردی ہوتی ہے، دہشت گردی کے خلاف بیان دینے کے بجائے پی ٹی آئی اس کی حوصلہ افزائی کرتی ہے۔ اسلام ٹائمز۔ وزیر مملکت برائے داخلہ طلال چودھری نے کہا ہے کہ عمران خان نے ریڈ کارپٹ بچھا کر دہشت گردوں کو آباد کیا۔ اپنے آبائی علاقے فیصل آباد میں میڈیا سے گفتگو کرتے ہوئے طلال چودھری کا کہنا تھا کہ افغان بارڈر پر 1400 چوکیاں قائم ہیں، سرحد پر باڑ لگانے کا کام 92 فیصد مکمل ہوچکا ہے۔ انہوں نے کہا کہ علی امین گنڈا پور اپنا فرض نبھانے کے بجائے روزانہ کوئی بہانہ بناتے ہیں، وزیراعلیٰ خیبر پختونخوا اپنے گریبان میں جھانکیں۔ وزیر مملکت برائے داخلہ کا کہنا تھا کہ ہماری جنگ ان سے ہے جن سے مساجد بھی محفوظ نہیں، یہ کونسا جہاد ہے رمضان میں حملے کیے جائیں، یہ جہاد نہیں دہشت گردی ہے، دہشت گردی کی جنگ ہم سب نے مل کر لڑنی ہے، فوج تو اپنا فرض نبھا رہی ہے۔
طلال چودھری نے کہا کہ 4 ہزار دہشت گردوں کے لیے کس نے ریڈ کارپٹ بچھایا تھا۔؟ بانی پی ٹی آئی نے ریڈ کارپٹ بچھا کردہشت گردوں کو آباد کیا، خیبرپختونخوا کے اداروں کو کس نے بہتر کرنا تھا۔؟ خیبرپختونخوا کی پولیس کو کس نےجدید اسلحہ اور تربیت دینی تھی۔ وزیر مملکت برائے داخلہ کا کہنا تھا کہ خیبرپختونخوا میں سی ٹی ڈی کہاں ہے، کتنا فعال ہے۔؟ پنجاب میں سی ٹی ڈی اور سیف سٹی کو فعال بنایا گیا، علی امین گنڈا پور طعنہ دینے سے پہلے اپنا فرض پورا کریں۔
انہوں نے مزید کہا کہ دہشت گرد سوفٹ ٹارگٹ پرحملہ کرتے ہیں، آپ دہشت گردوں سے ہمدردی کرتے ہیں۔؟ سی ٹی ڈی کمزور ہونے کی وجہ سے ملک میں دہشت گردی ہوتی ہے، دہشت گردی کے خلاف بیان دینے کے بجائے پی ٹی آئی اس کی حوصلہ افزائی کرتی ہے، دہشت گردوں کو رمضان المبارک کے تقدس کا بھی خیال نہیں، یہ جنگ پاکستان کی جنگ ہے، دہشت گردوں کا قلع قمع کریں گے۔
ذریعہ: Islam Times
کلیدی لفظ: وزیر مملکت برائے داخلہ کا کہنا تھا کہ دہشت گردوں کو طلال چودھری پی ٹی آئی کرتے ہیں سی ٹی ڈی
پڑھیں:
ملک میں دہشت گردی کے نظریاتی مسائل کا حل فکر اقبال میں ہے: وفاقی وزیر
ویب ڈیسک: وفاقی وزیر منصوبہ بندی و ترقی احسن اقبال کا کہنا ہے کہ یہ جو ملک میں دہشت گردی ہے اس کے نظریاتی مسائل کا حل فکر اقبال میں ہے اور فکری انتشار کی بڑی وجہ بھی اقبال کی فکر سے دوری ہے۔
ایوان اقبال میں بین الاقوامی اقبال کانفرنس کے انعقاد سے خطاب کرتے ہوئے وفاقی وزیر منصوبہ بندی و ترقی احسن اقبال نے کہا کہ اقبال ہمیں خواب تو دکھاتے ہیں لیکن حقیقت میں بدلنے کی عمل کی تلقین بھی کرتے ہیں۔
ہر وقت پیاس؛ سنگین مرض کی نشانی
احسن اقبال نے کہا کہ جو قومیں آزاد و خود مختار ہوتی ہیں وہ وقت ضائع نہیں کرتی بلکہ اپنی تقدیر و آزادی کے لیے لڑتی ہیں، اقبال ہمیں فکر جہد مسلسل کا سبق پڑھاتے ہیں۔
انہوں نے کہا کہ حکومت پاکستان نے اڑان پاکستان کا ویژن اپنایا وہ اقبال کے افکار کی تعبیر ہو، ہم چاہتے ہیں نوجوان دوبارہ سائنسدان محقق اور ستاروں پر کمند ڈالیں۔
احسن اقبال نے کہا کہ ہمیں وہی قوم بننا ہے جو علم کی طلب گار ہو اور عمل میں بے مثال ہو، ہم پاکستان کو ان کے خوابوں کے مطابق پاکسان بنا رہے ہیں۔
افغان شہریوں کی واپسی؛ ازالہ شکایات کیلئے وزارت داخلہ میں کنٹرول روم قائم
وفاقی وزیر نے کہا کہ فکر اقبال کا احیا اسکول کالجز، یونیورسٹی اور قومی سطح پر ہونا چاہیے۔ اقبال کی فکر پر عمل کیا جائے تو قوم کو تفرقہ بازی سے باہر نکالا جا سکتا ہے، بطور قوم متحد ہو کر بڑے مقصد کے لیے برسر پیکار ہونا ہوگا۔
Ansa Awais Content Writer
حافظ آباد میں مضر صحت مٹھائی کھانے سے 3 بچے انتقال کرگئے