لیڈرشپ ایوی ایشن مینجمنٹ ڈپلومہ کے لیے پاکستان ایئرپورٹس اتھارٹی اور آئی بی اے میں معاہدہ
اشاعت کی تاریخ: 28th, March 2025 GMT
پاکستان ایئرپورٹس اتھارٹی اور انسٹیٹیوٹ آف بزنس ایڈمنسٹریشن کراچی نے لیڈرشپ ایوی ایشن مینجمنٹ ڈپلومہ کے آغاز کے لیے شراکت داری کے معاہدہ پر دستخط کردیے۔ معاہدے پر ایئر وائس مارشل ذیشان سعید SI(M)، ڈائریکٹر جنرل، پی اے اے اور پروفیسر ڈاکٹر ایس اکبر زیدی، ایگزیکٹو ڈائریکٹر اور چیئرمین، آئی بی اے کراچی نے پی اے اے ہیڈکوارٹرز کراچی میں دستخط کیے۔ ڈپٹی ڈائریکٹر جنرل ایئرپورٹس صادق الرحمان اور ڈپٹی ڈائریکٹر جنرل ورکس اینڈ ڈویلپمنٹ سمیر سعید بھی اس موقع پر موجود تھے۔
تقریب میں آئی بی اے، پی اے اے اور ہوا بازی کی صنعت کے اہم اسٹیک ہولڈرز بشمول سی ای اوز، سی او اوز، اور ڈائریکٹرز نے شرکت کی۔
یہ معاہدہ ہوا بازی کے شعبے میں جدید قائدانہ صلاحیتوں کو فروغ دینے میں مدد گار ثابت ہوگا۔ ڈپلومہ پروگرام ایوی ایشن مینجمنٹ، اسٹریٹجک فیصلہ سازی، اور جدید لیڈرشپ پریکٹسز پر مشتمل ہوگا۔
یہ بھی پڑھیےبڑی خوشخبری: گوگل اب انگریزی بولنا بھی سکھائے گا
تقریب سے خطاب کرتے ہوئے، پروفیسر ڈاکٹر اکبر ایس زیدی نے کہا کہ یہ پروگرام تعلیمی مہارت اور صنعت کی ضروریات کے درمیان پل کا کردار ادا کرے گا۔ ایئر وائس مارشل ذیشان سعید SI(M)، ڈائریکٹر جنرل پی اے اے نے کہا کہ پاکستان کے ہوابازی کے بنیادی ڈھانچے کو جدید خطوط پر استوار کرنے میں مؤثر قیادت کا کلیدی کردار ہے۔ سمیر سعید، ڈپٹی ڈائریکٹر جنرل (ورکس اینڈ ڈیولپمنٹ)، پی اے اے، جو سول ایوی ایشن ٹریننگ انسٹی ٹیوٹ (CATI)، حیدرآباد کے ڈائریکٹر بھی ہیں، نے کہا کہ CATI کے انفراسٹرکچر اور کورسز کو عالمی معیار کے مطابق جدید بنایا جا رہا ہے۔
یہ بھی پڑھیےگوگل کا مفت آئی ٹی ٹریننگ پروگرام، اب پاکستانی نوجوان 5 لاکھ روپے تک کما سکیں گے
انہوں نے کہا کہ یہ شراکت داری دونوں اداروں میں سیکھنے کے عمل کو ایک نئی جہت دے گی اور ہوا بازی کی تعلیم کو عالمی معیار تک لے جائے گی۔
یہ ڈپلومہ ہوا بازی کے پیشہ ور افراد کے لیے ہوگا، جہاں انہیں تعلیمی اور عملی مہارت حاصل کرنے کا موقع ملے گا، جو آئی بی اے کے ماہرین تعلیم اور صنعت کے ماہرین فراہم کریں گے۔
یہ شراکت داری پاکستان کی ہوا بازی کی صنعت اور انسانی وسائل کی ترقی، اور تعلیمی و صنعتی تعاون کو فروغ دینے کی طرف ایک اہم قدم ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
.ذریعہ: WE News
کلیدی لفظ: ڈائریکٹر جنرل ایوی ایشن نے کہا کہ ہوا بازی پی اے اے کے لیے
پڑھیں:
یہ وقت جھوٹے بیانات، شعبدہ بازی کا نہیں، عوامی خدمت کا ہے: عظمیٰ بخاری
لاہور (نوائے وقت رپورٹ) وزیر اطلاعات و ثقافت پنجاب، عظمیٰ بخاری نے کہا ہے کہ حکومت پنجاب معاشرے کے کمزور طبقے کو باوقار زندگی کی فراہمی کے لیے عملی اقدامات کر رہی ہے۔ "یہ وقت سیاسی طعنہ بازی، جھوٹے بیانات اور شعبدہ بازیوں کا نہیں بلکہ عوامی خدمت کا ہے۔ کچھ عناصر اپنی ناکام سیاست کو بچانے کے لیے مصنوعی بحران پیدا کرتے ہیں، لیکن عوام سب جانتے ہیں۔ حکومت کی عوامی فلاحی پالیسیوں نے عوام میں اعتماد بحال کیا ہے۔ "مریم نواز کی قیادت میں کیے گئے ریلیف اقدامات کا نتیجہ ہے کہ حالیہ سرویز میں ان کی مقبولیت میں نمایاں اضافہ ہوا ہے، جو کسی سیاسی جلسے کی نہیں، عوامی خدمت کی بدولت ہے۔"انہوں نے کسانوں کے حوالے سے ایک اہم نکتہ اٹھاتے ہوئے سوال کیا، "اگر پنجاب میں کسان مشکل میں ہیں تو کیا باقی صوبوں نے گندم خریداری یا امدادی قیمت کے اعلان کے ذریعے اپنی ذمہ داری پوری کی؟ تنقید کا نشانہ ہمیشہ پنجاب ہی کیوں؟"یہ باتیں انہوں نے لاہور پریس کلب میں سینئر فوٹو جرنلسٹس کے اعزاز میں منعقدہ تقریب سے خطاب میں کہیں۔ عظمیٰ بخاری نے فوٹوگرافرز کے کردار کو سراہتے ہوئے کہا، "یہ ہمارے بھائی ہیں، "انہوں نے اعلان کیا کہ حکومت پنجاب صحافیوں، خصوصاً فوٹو جرنلسٹس کے لیے فلاحی اقدامات کا دائرہ بڑھا رہی ہے۔ "ہم 3200 مستحق صحافیوں کو پانچ مرلے کے رہائشی پلاٹ دیں گے۔ یہ کسی قسم کی رشوت نہیں بلکہ ان کا حق ہے۔ انہوں نے تجویز دی کہ اگلی تصویری نمائش کا افتتاح وزیراعلیٰ پنجاب کریں، جیسا کہ سابق وزیراعظم نواز شریف نے ایک نمائش کا افتتاح کیا تھا۔
ایران میں قتل 8 پاکستانیوں کی لاشیں ابھی تک تفتان نہیں لائی گئیں، ڈی سی چاغی