تنظیم آزادی القدس کے زیراہتمام ملتان میں شاہ گردیز سے گھنٹہ گھر تک القدس ریلی نکالی جائے گی
اشاعت کی تاریخ: 27th, March 2025 GMT
ملتان پریس کلب میں پریس کانفرنس سے خطاب کرتے ہوئے اہم ڈبلیو ایم کے رہنمائوں کا کہنا تھا کہ عالمی برادری انسانی بنیادوں پر امداد کی مکمل بحالی اور غزہ کے محاصرے کا مکمل خاتمہ کرائے، غزہ سے ضروری اسرائیلی انخلا مسجد اقصی میں عبادت کی آزادی اور فلسطین کی مکمل آزادی کی حمایت کرتے ہیں۔ اسلام ٹائمز۔ مجلس وحدت مسلمین پاکستان جنوبی پنجاب کے صوبائی صدر علامہ اقتدار حسین نقوی نے حکومت پاکستان سے مطالبہ کیا کہ ماہ رمضان کے آخری جمعۃ المبارک کو یوم القدس سرکاری سطح پر منایا جائے۔ تمام سفارتی مشن اس حوالے سے تقریبات کا اہتمام کریں، غزہ و دیگر فلسطینی علاقوں پر اسرائیلی جارحیت کی شدید مذمت کرتے ہیں، اسرائیل کے خلاف عالمی عدالت انصاف کے فیصلوں کے اجرا کا مطالبہ کرتے ہوئے اقوام متحدہ کی قرارداد کے مطابق ضروری سیز فائر کا مطالبہ کرتے ہیں، حکومت پاکستان تمام سیاسی، سفارتی، اقتصادی اور دیگر ذرائع سے مظلوم فلسطینیوں کی مدد کرے، عالمی برادری انسانی بنیادوں پر امداد کی مکمل بحالی اور غزہ کے محاصرے کا مکمل خاتمہ کرائے، غزہ سے ضروری اسرائیلی انخلا مسجد اقصی میں عبادت کی آزادی اور فلسطین کی مکمل آزادی کی حمایت کرتے ہیں۔ ان خیالات کا اظہار اُنہوں نے ملتان میں دیگر رہنمائوں کے ہمراہ پریس کانفرنس کرتے ہوئے کیا۔
اس موقع پر مرکزی ڈپٹی جنرل سیکرٹری سلیم عباس صدیقی صدر ملی یکجہتی کونسل جنوبی پنجاب، رہنما جماعت اسلامی حافظ محمد اسلم جنرل سیکرٹری ملی یکجہتی کونسل، صوبائی صدر جمیت علمائے پاکستان نورانی مولانا محمد ایوب مغل، صوبائی صدر متحدہ جمیعت اہلحدیث علامہ خالد فاروق، حافظ اللہ ڈتہ کاشف بوسن ایڈووکیٹ جنرل سیکرٹری متحدہ مسلم موومنٹ پاکستان، بشارت علی قریشی مرکزی رہنما شیعہ علما کونسل، میجر محمد اقبال صوبائی نائب صدر پاکستان عوامی تحریک، صوبائی صدر جنوبی پنجاب آئی ایس او احتشام اظہر، سیکرٹری سیاسیات سید وسیم زیدی نے خطاب کیا۔
مقررین نے کہا کہ غزہ اس دور کی کربلا بن چکا ہے، لوگ روزہ ایک دن کا رکھتے ہیں غزہ کے بچے، بوڑھے، خواتین تقریبا ڈیڑھ سال سے زائد روزے کی حالت میں ہیں، روزانہ سینکڑوں افراد جن میں بچوں اور خواتین کی کثیر تعداد شامل ہے، اسرائیلی وحشت اور دہشت گردوں کی بھینٹ چڑھ رہے ہیں، ہزاروں انسان لقمہ اجل بن چکے ہیں، دو لاکھ سے زائد زخمی ہیں، امریکہ اور اسرائیل اس دور کے فرعون ہیں، وہ فلسطینیوں کی نسل کشی کر رہا ہے، ہم مطالبہ کرتے ہیں کہ مملکت خداداد پاکستان قائداعظم محمد علی جناح کے ویژن کے مطابق اپنے عالمی رول کو ادا کرے اور 51 اسلامی ممالک کی فوج مظلوم فلسطینیوں کا ساتھ دے، امریکہ شیطان بزرگ ہے جو اسرائیل کی مکمل سپورٹ کر رہا ہے، ہمیں بھی ایک مسلمان ہوتے ہوئے اپنے مسلمان بھائیوں کی سپورٹ کرنی چاہیے اور اسرائیلی مصنوعات کا بائیکاٹ کیا جائے۔
اُنہوں نے مزید کہا کہ عالم اسلام کے عظیم رہنما حضرت امام خمینی کے فرمان کے مطابق پوری دنیا کی طرح کل جمعتہ المبارک فلسطینیوں، یمن، لبنان کے انسانوں سے اظہار یکجہتی کے لیے بطور یوم القدس منایا جائے گا، اس موقع پر جنوبی پنجاب بھر میں نماز جمعہ کے بعد احتجاجی مظاہرے کی جائیں گے، ریلیاں نکالی جائیں کی، جن سے مذہبی رہنما خطاب فرمائیں گے۔ ملتان میں بھی تنظیم آزادی القدس کے زیراہتمام ریلی شاہ یوسف گردیز سے گھنٹہ گھر تک احتجاجی ریلی نکالی جائے گی، جس سے مزہبی جماعتوں کے رہنما ملی یکجہتی کونسل کے عہدیداران خطاب فرمائیں گے۔
ذریعہ: Islam Times
پڑھیں:
پاک فوج کے زیراہتمام کھاریاں گیریژن میں پاکستان آرمی ٹیم اسپرٹ مقابلے، آرمی چیف نے ایوارڈز تقسیم کیے
پاک فوج کے زیراہتمام کھاریاں گیریژن میں پاکستان آرمی ٹیم اسپرٹ مقابلے ہوئے جس کی اختتامی تقریب میں چیف آف آرمی اسٹاف جنرل سیّد عاصم منیر نے بحیثیت مہمان خصوصی شرکت کی اور ایوارڈز تقسیم کیے۔
پاک فوج کے شعبہ تعلقات عامہ (آئی ایس پی آر) کے مطابق مشق میں پاک فوج کی 7 ٹیموں، پاک بحریہ کی ایک ٹیم اور دوست ممالک کی15 ٹیموں نے حصہ لیا۔
یہ بھی پڑھیں پاکستان ملٹری اکیڈمی کی پاسنگ آؤٹ پریڈ، ترکیہ کے چیف آف جنرل اسٹاف جنرل متین گورک کی خصوصی شرکت
آئی ایس پی آر نے بتایا کہ مشق میں بحرین، بیلاروس، چین، سعودی عرب، مالدیپ، مراکش، نیپال، قطر، سری لنکا، ترکیہ، امریکا اور ازبکستان کی ٹیمیں بھی شامل تھیں۔
فوج کے شعبہ تعلقات عامہ کے مطابق اس کے علاوہ بنگلہ دیش، مصر، جرمنی، کینیا، میانمار اور تھائی لینڈ کے نمائندوں نے بطور مبصر مشاہدہ کیا جب کہ تقریب میں بین الاقوامی مبصرین اوردفاعی اتاشیوں نے بھی شرکت کی، جن کی جانب سے تقریب کے انعقاد کو سراہا گیا۔
آئی ایس پی آر نے بتایا کہ 60 گھنٹے طویل پیٹرولنگ مشق کا مقصد جدید جنگی مہارتوں کو بڑھانا تھا، یہ مشق پنجاب کے نیم پہاڑی علاقوں میں کی گئی۔ آرمی چیف کی جانب سے مشق کے شرکا کو انفرادی اور ٹیم ایوارڈز سے نوازا گیا۔
اس موقع پر چیف آف آرمی اسٹاف جنرل سید عاصم منیر نے کہاکہ ایسی مشقیں پیشہ ورانہ فوجی مہارتوں اور حکمت عملی سیکھنے کا صحیح فورم ہیں، ایسی مشق جنگ کے بدلتے حالات میں ٹیم اسپرٹ کو فروغ دیتی ہے۔
یہ بھی پڑھیں پاک فوج کے زیر اہتمام شمالی وزیرستان اولمپکس 2023 کا انعقاد
انہوں نے کہاکہ اس مقصد کے لیے پاک فوج نے کردار، جرات اور قابلیت کی بھرپور صفات کو برقرار رکھا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews آئی ایس پی آر پاک فوج پاکستان آرمی ٹیم اسپرٹ مقابلے کھاریاں گیریژن وی نیوز
کراچی: کورنگی کریک میں ماہرین نے دوبارہ آگ لگا دی