وفاقی وزیر صحت مصطفی کمال سے برطانیہ کی ہائی کمشنر جین میریٹ کی ملاقات
اشاعت کی تاریخ: 27th, March 2025 GMT
اسلام آباد (اُردو پوائنٹ اخبارتازہ ترین - این این آئی۔ 27 مارچ2025ء)وفاقی وزیر صحت مصطفی کمال سے برطانیہ کے ہائی کمشنر جین میریٹ نے ان کے دفتر میں ملاقات کی۔ جمعرات کو ترجمان وزارت صحت نے بتایا کہ برٹش ہائی کمشنر نے مصطفی کمال کو وزارت کا عہدہ سنبھالنے پر مبارکباد دی اور نیک خواہشات کا اظہار کیا۔ اس موقع پر برٹش ہائی کمشنر نے کہا کہ بطور میئر کراچی آپ کا کام مثالی تھا جسے دنیا قدر کی نگاہ سے دیکھتی ہے اور ہمیں امید آپ کے وسیع تجربے اور صلاحیتوں سے صحت کے شعبے میں نمایاں بہتری آئے گی۔
ملاقات میں مصطفی کمال نے صحت کے شعبے میں برطانیہ کے تعاون سے جاری تمام منصوبوں پر پاکستانی قوم کی جانب سے برطانیہ کی حکومت کا شکریہ ادا کیا۔ انہوں نے یقین دلایا کہ صحت کے شعبے میں جاری منصوبوں کو مزید مستحکم کریں گے۔(جاری ہے)
انہوں نے کہا کہ حکومت شہباز شریف کی قیادت میں صحت کے شعبے کی بہتری کے لیے بہت متحرک ہے، ایک سال کے دوران جو اقدامات کیے ان کے اثرات عوام تک پہنچانا شروع ہو گئے ہیں۔
وفاقی وزیر نے برطانوی ہائی کمشنر کو صحت کے شعبے میں مستقبل کے پلان بارے آگاہ کیا۔ انہوں نے کہا کہ ٹیلی میڈیسن ہمارا خواب ہے ، جدید ٹیکنالوجی سے استفادہ حاصل کریں گے۔ انہوں نے کہا کہ ڈاکٹرز اور دوا کو عوام کی دہلیز تک لائیں گے، وزیر اعظم شہباز شریف کی قیادت میں پولیو کے خاتمے کے لیے پر عزم ہیں، ہیپاٹائیٹس سی کے خاتمے کے پروگرام کا پورے ملک میں شروع کیا جا رہا ہے، گلگت بلتستان میں ہیپاٹائیٹس سی کے خاتمے کا پائلٹ پروگرام کامیابی سے مکمل کیا ہے۔ مصطفی کمال نے کہا کہ پاکستان ہیپاٹاٹسی سی کے ایک کروڑ دس لاکھ مریض ہیں، پورے ملک میں ٹیسٹنگ اور سکریننگ کو یقینی بنا رہے ہیں، نرسنگ کے شعبے کو انٹر نیشنل معیار کے مطابق بنایا جا رہا ہے۔ مصطفی کمال نے کہا کہ پاکستان میں 9 لاکھ نرسز کی کمی ہے، دنیا بھر میں پچیس لاکھ نرسز کی ضرورت ہے، نرسنگ کے شعبہ کو مضبوط بناکر پاکستان کی ڈیمانڈ کو بھی پورا کیا جاخے گا بلکہ عالمی سطح پر نرسنگ کی ضروریات کو بھی پورا کیا جاسکے گا۔ انہوں نے کہا کہ اس اقدام سے پاکستان کو قیمتی زرمبادلہ بھی حاصل ہوگا۔ برٹش ہائی کمشنر نے وزیر صحت کی تائید کی اور ہر ممکن تعاون کا یقین دلایا۔.ذریعہ: UrduPoint
کلیدی لفظ: تلاش کیجئے صحت کے شعبے میں انہوں نے کہا کہ مصطفی کمال ہائی کمشنر
پڑھیں:
حکومت فیشن اور تخلیقی انڈسٹری کی ترقی کیلئے ہر ممکن تعاون فراہم کریگی، جام کمال
لاہور (اُردو پوائنٹ اخبارتازہ ترین - اے پی پی۔ 19 اپریل2025ء) وفاقی وزیر تجارت جام کمال خان نے کہاہے کہ حکومت فیشن اور تخلیقی انڈسٹری کی ترقی کے لیے ہر ممکن تعاون فراہم کرے گی، پاکستان انسٹیٹیوٹ آف فیشن ڈیزائن جیسے ادارے فیشن انڈسٹری کے روشن مستقبل کی ضامن ہیں ۔ ان خیالات کا اظہار انہوں نے ہفتہ کو یہاں پاکستان انسٹیٹیوٹ آف فیشن ڈیزائن ( پی آئی ایف ڈی)لاہور کے دورہ کے موقع پر میڈیا سے گفتگو کرتے ہوئے کیا۔ اس موقع پر ٹی ڈی اے پی کے چیئرمین فیض احمد، ڈائریکٹر جنر ل ٹی ڈی اے پی رافعہ سید ، پی آئی ایف ڈی انتظامیہ کے اراکین رجسٹرار ڈاکٹر محمد افضل، خزانچی قیصر اقبال، کنٹرولر امتحانات فہیم الرحمان، ڈائریکٹر اورِک ڈاکٹر شوانہ عابد، ڈائریکٹر انٹرنیشنلائزیشن عمران محمود، ڈائریکٹر ایس ایس بی سی ڈاکٹر اللہ داد اور کورس کوآرڈینیٹر موجود تھے۔(جاری ہے)
فیشن مارکیٹنگ اینڈ مرچنڈائزنگ کی کورس کوآرڈینیٹر خدیجہ حسن نے ادارے کی کارکر دگی کے حوالے سے وفاقی وزیر کو بریفنگ دی ۔ وفاقی وزیر جام کمال خان نے کہا کہ پاکستان میں معیاری ڈیزائن ایجوکیشن کے فروغ میں پی آئی ایف ڈی کا کردار قابل ستائش ہے ، انہوں نے اس بات پر زور د یتے ہوئے کہا کہ ادارہ مقامی کمیونٹی اور بین الاقوامی منڈی تک اپنی رسائی کو مزید بڑھائے اور فنون لطیفہ و ثقافتی شعبہ جات میں جدید رجحانات کے مطابق ایک پرجوش اور تخلیقی حکمت عملی اپنائے۔وفاقی وزیر نے ہنر اور دستکاری کو سراہتے ہوئے وزارت تجارت اور ایکسپورٹ ڈویلپمنٹ فنڈ کی جانب سے ہر ممکن تعاون کی یقین دہانی کروائی اور علاقائی فنون، دستکاری اور فیشن انڈسٹری سے متعلق مزید تجاویز بھیجنے کی بھی حوصلہ افزائی کی۔ اس موقع پر وفاقی وزیر نے مہمانوں کی کتاب میں اپنے تاثرات بھی قلمبند کئے۔
سندھ حکومت کا بڑا قدم ، خواجہ سراؤں کے لیے کھیلوں کے انعقاد کا فیصلہ