علامہ ساجد نقوی کی اپیل پر ملک بھر میں یوم القدس منایا جائیگا، علامہ شبیر میثمی
اشاعت کی تاریخ: 27th, March 2025 GMT
مرکزی سیکرٹری جنرل شیعہ علماء کونسل کا کہنا ہے کہ بعدازنماز جمعہ شیعہ علماء کونسل ،جے ایس او اور دیگر تنظیموں کی جانب سے ملک بھر میں القدس ریلیاں نکالی جائیں گی، ملک بھر میں تمام صوبائی دارالحکومتوں، ڈویژنز، اضلاع، تحصیل، گاﺅں بشمول گلگت بلتستان تا کشمیر مظلوم فلسطینی بھائیوں کی حمایت میں ٖغیور مسلمان باہر نکلیں گے۔ اسلام ٹائمز۔ شیعہ علماء کونسل پاکستان کے مرکزی سیکرٹری جنرل علامہ ڈاکٹر شبیر حسن میثمی نے کہا ہے کہ علامہ ساجد علی نقوی کی اپیل پر ملک بھر میں کل جمعة الوداع بطور یوم القدس بھر پور طریقے سے منایا جائے گا، مرکزی القدس کمیٹی نے یوم القدس کے سلسلے میں تیاریاں مکمل کرلی ہیں، ملک بھر کی بڑی شاہراہوں اور شہروں سے لیکر قصبوں اور دیہاتوں تک اظہاریکجہتی کے پرچم، پینا فلیکس، بینرز، پوسٹرز آویزاں کر دیئے گئے ہیں۔ انہوں نے کہا کہ مظلوم فلسطینی و غزہ کی عوام سے اظہار یکجہتی اور یوم القدس کی آزادی کیلئے بعدازنماز جمعہ شیعہ علماء کونسل پاکستان، جے ایس او اور دیگر تنظیموں کی جانب سے ملک بھر میں پرامن احتجاجی قدس ریلیاں نکالی جائیں گی۔
انہوں نے کہا جمعة الوداع فلسطینی عوام سے بھرپور اظہار یکجہتی، ظلم کیخلاف آواز بلند کرنے اور اسرائیل و اس کے حواریوں کیخلاف کلمہ حق کہنے کا یوم تجدید عہد ہے ،جس پر ملک بھر میں تمام صوبائی دارالحکومتوں، ڈویژن، اضلاع، تحصیل، گاﺅں بشمول گلگت بلتستان تا کشمیر اور ملک کے چپے چپے سے عوام اپنے مظلوم بھائیوں کی حمایت میں نکلیں گے۔ انہوں نے کہا کہ مظلوم فلسطینی و کشمیری بھائیوں سے اظہار یکجہتی اور قبلہ اول کی صیہونی تسلط سے آزادی کیلئے احتجاجی ریلیوں میں بھی عوام بھرپور طریقے سے شرکت یقینی بنائیں۔ لاہور پریس کلب سے پنجاب اسمبلی تک القدس ریلی کی قیادت جنرل سیکرٹری شیعہ علماء کونسل وسطی پنجاب سید صفی الحسنین شیرازی کی قیادت میں 3بجے نکالی جائے گی۔
ذریعہ: Islam Times
کلیدی لفظ: شیعہ علماء کونسل ملک بھر میں یوم القدس نے کہا
پڑھیں:
مسئلہ فلسطین پر اُمت کو مشترکہ موقف اپنانا ہوگا، علامہ جواد نقوی
قومی مجلس مشاورت کے عنوان سے خصوصی نشست سے اظہار خیال کرتے ہوئے چیئرمین تحریک بیداری امت مصطفیٰ کا کہنا تھا کہ آج فلسطین صرف ایک سرزمین نہیں، بلکہ اُمت مسلمہ کے ضمیر کا امتحان ہے، ہمیں مزاحمت و مقاومت کے جذبے کو بیدار رکھنا ہے اور اپنی فکری، اخلاقی اور عملی حمایت فلسطینی مظلوم عوام کے شانہ بشانہ پیش کرنی ہے۔ انہوں نے اس بات پر زور دیا کہ مجلس کی تمام گفتگو فلسطین کے مسئلے پر مرکوز رکھی جائے، کیونکہ یہی وقت کا تقاضا اور امت کا اجتماعی فریضہ ہے۔ اسلام ٹائمز۔ لاہور میں میاں میرؒ منزل، نزد دربار حضرت میاں پر ’’ہدیۃ الہادی‘‘ کے زیراہتمام ’’قومی مجلس مشاورت‘‘ کےموضوع پر فکری نشست کا انعقاد کیا گیا، جس میں ملک بھر سے ممتاز قومی قائدین، جید علما کرام، مشائخ عظام، دینی و فکری شخصیات نے شرکت کی۔ نشست کی صدارت سابق امیر جماعت اسلامی سراج الحق نے کی جبکہ دیگر قائدین بھی شریک تھے۔ نشست کا مقصد ملکی و قومی مسائل پر مؤثر اور مربوط مشاورت کیساتھ ساتھ اُمت مسلمہ کو درپیش اہم ترین مسئلہ ’’فلسطین‘‘ پر متفقہ موقف اپنانا تھا۔ اس موقع پر تحریک بیداری امت مصطفیٰ کے سربراہ علامہ سید جواد نقوی نے خطاب کرتے ہوئے واضح الفاظ میں کہا کہ آج فلسطین صرف ایک سرزمین نہیں، بلکہ اُمت مسلمہ کے ضمیر کا امتحان ہے، ہمیں مزاحمت و مقاومت کے جذبے کو بیدار رکھنا ہے اور اپنی فکری، اخلاقی اور عملی حمایت فلسطینی مظلوم عوام کے شانہ بشانہ پیش کرنی ہے۔ انہوں نے اس بات پر زور دیا کہ مجلس کی تمام گفتگو فلسطین کے مسئلے پر مرکوز رکھی جائے، کیونکہ یہی وقت کا تقاضا اور امت کا اجتماعی فریضہ ہے۔ علامہ جواد نقوی کی اس پُرزور تجویز کو تمام شرکاء نے سراہا اور مکمل اتفاق رائے کا اظہار کیا۔ علامہ جواد نقوی نے کہا کہ یہ مجلس نہ صرف فکری بیداری اور ملی شعور کی ایک عظیم مثال ہے، بلکہ فلسطینی مزاحمت کی حمایت میں ایک مؤثر آواز بھی ثابت ہوگی۔
سلمان خان کو قتل کی دھمکی دینے والے شخص کو گرفتاری کے بعد رہا کیوں کردیا گیا؟