پاکستان پر پابندیوں سے متعلق بل فرد واحد کا بیانیہ ہے، امریکی حکومت کا نہیں، ترجمان دفتر خارجہ
اشاعت کی تاریخ: 27th, March 2025 GMT
اسلام آباد(ڈیلی پاکستان آن لائن)ترجمان دفتر خارجہ شفقت علی خان کا کہنا ہے کہ پاکستان پر پابندیوں سے متعلق بل فرد واحد کا بیانیہ ہے امریکی حکومت کا نہیں۔
نجی ٹی وی سما نیوز کے مطابق اسلام آباد میں ہفتہ وار میڈیا بریفنگ کے دوران ترجمان دفتر خارجہ شفقت علی خان نے کہا کہ امریکی ایوان نمائندگان میں پاکستان پرپابندیوں سےمتعلق پیش بل سے آگاہ ہیں۔ یہ بل ایک فرد نے پیش کیا ہے یہ امریکی حکومت کا بیانیہ نہیں۔
شفقت علی خان کا کہنا ہے تھا کہ بل پاس ہونے کے لیے امریکی کانگریس کی کئی کمیٹیز سے ہو کر جائے گا، ہمارے امریکا کے ساتھ تعلقات باہمی احترام کے اصول پر مبنی ہیں، ایک دوسرے کے اندرونی معاملات میں عدم مداخلت کی پالیسی پرعمل پیرا ہیں۔
مالاکنڈ میں کار حادثے کا شکار ہوکر نہر میں جا گری، 5 افراد جاں بحق
ترجمان دفتر خارجہ نے کہا کہ بلوچستان کے صورتحال پر اقوام متحدہ کی جانب سے تبصرے پر اظہار افسوس کرتے ہوئے کہا کہ بلوچستان میں احتجاجی مظاہرین پرامن نہیں۔ احتجاجی مظاہرین دہشت گردوں کے ساتھی ہیں۔
ترجمان دفتر خارجہ نے کہا احتجاجی مظاہرین نے کوئٹہ اسپتال پر حملہ کرکے دہشتگردوں کی لاشیں قبضے میں لیں۔ ریاست میں امن وامان کا قیام حکومت کی ذمہ داری ہے۔ اقوام متحدہ کی جانب سے ان مظاہرین پر تبصرہ افسوسناک ہے۔ اقوام متحدہ کا ایسا بیان انتہاپسندوں کو تقویت دینے کے مترادف ہے۔ ہم اقوام متحدہ کے رکن ممالک کے ساتھ بات چیت جاری رکھیں گے۔
بانی پی ٹی آئی کا 9 مئی کے 8 مقدمات کی درخواستوں کی جلد سماعت کیلئے عدالت سے رجوع
ترجمان دفترخارجہ نے پاکستانی صحافیوں کے دورہ اسرائیل سے متعلق سوال پر کہا کہ یہ ممکن نہیں کہ کوئی پاکستانی پاسپورٹ پر وہاں کا سفر کرے۔
شفقت علی خان نے کہا کہ پاکستان روس اور یوکرین کےدرمیان محدود جنگ بندی معاہدےکوخوش آمدید کہتا ہے، شام میں پائیدار امن وہاں سیکیورٹی فورسز کو غیرمسلح کرنے سے نہیں آئے گا، بھارت مقبوضہ کشمیرمیں حریت رہنماؤں کی رہائشگاہوں پرچھاپے ماررہا ہے یہ قابلِ مذمت ہے، پاکستان میں دہشتگردی کے حوالے سے بھارت کیخلاف عالمی پلیٹ فارمز پر کوششیں کررہے ہیں۔
پاکستان کےنمائندہ خصوصی محمد صادق نے نائب وزیراعظم ووزیرخارجہ کی خصوصی ہدایات پرافغانستان کا دورہ کیا ، دونوں ممالک نے سیکیورٹی ، تجارت اورعوامی رابطہ کاری بڑھانے پر اتفاق کیا، ایمبیسڈر محمد صادق نےان پالیسیزپرزور دیا جو دونوں ملکوں کے فائدے میں ہیں۔
آئی ایم ایف نے بجلی ٹیرف میں کمی کی اجازت دیدی
مزید :.ذریعہ: Daily Pakistan
کلیدی لفظ: ترجمان دفتر خارجہ شفقت علی خان اقوام متحدہ کہا کہ نے کہا
پڑھیں:
عالمی امن کیلئے اپنا بھر پور کردار جاری رکھیں گے، محسن نقوی
ویب ڈیسک: وفاقی وزیر داخلہ محسن نقوی نے کہا ہے کہ پاکستان ہمیشہ اقوام متحدہ کے امن مشنز کا بھرپور حامی رہا ہے، عالمی امن کیلئے اپنا بھر پور کردار جاری رکھیں گے۔
وفاقی وزیر سے اقوامِ متحدہ کے انڈر سیکرٹری جنرل برائے امن مشنز جنرل جین پیر لاکروا کی ملاقات ہوئی، انہوں نے وزارت داخلہ آمد پر جنرل جین پیر لاکروا کا خیر مقدم کیا، وزیر مملکت داخلہ طلال چودھری، سیکرٹری داخلہ محمد خرم آغا اور اقوام متحدہ کے سیکرٹری جنرل کے ایڈوائزر فیصل شاہکار بھی اس موقع پر موجود تھے،ملاقات میں پاکستان اور اقوام متحدہ کے امن مشنز کے مابین تعاون بڑھانے پر تبادلہ خیال کیا گیا، اس موقع پر محسن نقوی نےکہا کہ پاکستان ہمیشہ اقوام متحدہ کے امن مشنز کا بھرپور حامی رہا ہے، عالمی امن کیلئے اپنا بھر پور کردار جاری رکھیں گے۔
پاک فوج نے کردار، جرأت اور قابلیت کی بھرپور صفات کو برقرار رکھا ہے: آرمی چیف
محسن نقوی کا کہنا تھا کہ پاکستانی فوج اور پولیس کے افسران نے کئی امن مشنز میں بھر پور مہارت سے کامیاب کردار ادا کیا ہے، کئی برس بعد پاکستانی پولیس افسران یواین میں دوبارہ فرائض سرانجام دینا شروع کر رہے ہیں، اس وقت پاکستانی افسران مختلف امن مشنز میں خدمات سرانجام دے رہے ہیں، آئندہ بھی اقوام متحدہ کے امن مشنز کے لئے ہر ممکن معاونت فراہم کریں گے، فخر ہے کہ اقوام متحدہ کی پولیس کی سربراہی اس وقت پاکستان پولیس سروس کے ایک افسر کر رہے ہیں، اقوام متحدہ کے امن مشنز کو موثر بنانے کیلئے جدید ٹیکنالوجی کا استعمال انتہائی ضروری ہے۔
بانی پی ٹی آئی کے بارے زرتاج گل کی اہم پیشگوئی
یو این کو نیشنل پولیس اکیڈمی میں امن مشنز کے لئے ریجنل کورسز کرانے کی پیشکش کرتے ہوئے محسن نقوی نے کہا کہ نیشنل پولیس اکیڈمی کی بین الاقوامی معیار کے مطابق مکمل تنظیم نو کی جا رہی ہے، ادارہ میں پولیس افسران کی تربیت و استعداد کار بڑھانے کے لئے تمام جدید و معیاری سہولتوں کی فراہمی یقینی کو یقینی بنایا جا رہا ہے، جبکہ اقوام متحدہ کی جینڈر پالیسی کے تحت خواتین کو پاکستان کی پولیس سروس میں یکساں مواقع فراہم کئے جا رہے ہیں۔
بیٹی کے سامنے ماں دریا میں ڈوب گئی، ویڈیو وائرل
اس موقع پر انڈر سیکرٹری جنرل برائے امن مشنز جنرل جین پیر لاکروا نے پاکستانی پولیس افسران کی یو این میں دوبارہ بحالی پر وفاقی وزیرداخلہ محسن نقوی کی ذاتی کاوشوں کو سراہا، انہوں نے کہا کہ اقوام متحدہ امن مشنز مشکل حالات میں بھی امن کیلئے برسر پیکار ہیں۔
ایران میں قتل 8 پاکستانیوں کی لاشیں ابھی تک تفتان نہیں لائی گئیں، ڈی سی چاغی