گوادر میں نامعلوم مسلح افراد کی فائرنگ سے 6 افراد جاں بحق
اشاعت کی تاریخ: 27th, March 2025 GMT
گوادر:بلوچستان کے علاقے گوادر میں بس میں سوار 6 مسافر نامعلوم مسلح افراد کی فائرنگ کے نتیجے میں جاں بحق ہوگئے۔
پولیس کا کہنا ہے کہ گوادر کے علاقے کلمت میں نامعلوم مسلح افراد نے بس میں سوار مسافروں کا اتار کر ان پر فائرنگ کی جس کے نتیجے میں 5 افراد موقع پر ہی جاں بحق ہوگئے جبکہ ایک زخمی نے دوران علاج دم توڑ دیا۔
پولیس کے مطابق جاں بحق افراد میں سے ایک شخص کا تعلق ملتان سے بتایا جا رہا ہے، تمام افراد کراچی جا رہے تھے۔
وزیرِ اعظم شہباز شریف کی بلوچستان میں فائرنگ کے واقعے کی شدید مذمت
– وزیرِ اعظم محمد شہباز شریف نے بلوچستان میں مسافروں پر فائرنگ کے افسوسناک واقعے کی شدید الفاظ میں مذمت کی ہے۔ وزیرِ اعظم نے واقعے میں 5 قیمتی جانوں کے ضیاع پر گہرے دکھ اور افسوس کا اظہار کیا ہے۔
وزیرِ اعظم نے جاں بحق افراد کے لیے دعائے مغفرت اور ان کے لواحقین کے لیے صبر جمیل کی دعا کی، جبکہ واقعے میں زخمی ہونے والے شخص کو فوری طور پر بہترین طبی سہولیات فراہم کرنے کی ہدایت کی ہے۔
اپنے بیان میں وزیرِ اعظم نے متعلقہ حکام کو ہدایت کی کہ واقعے کی مکمل تحقیقات کی جائیں، ذمہ داران کا تعین کیا جائے اور انہیں قانون کے مطابق قرار واقعی سزا دی جائے۔
وزیرِ اعظم نے کہا کہ “شرپسند عناصر بلوچستان کے امن و ترقی کے دشمن ہیں۔ معصوم لوگوں کے خلاف بزدلانہ کارروائیاں ان عناصر کی حیوانیت اور سفاکی کی عکاسی کرتی ہیں۔”
انہوں نے مزید کہا کہ ملک دشمن عناصر کے ناپاک عزائم کو کسی صورت کامیاب نہیں ہونے دیا جائے گا۔
وزیرِ اعظم نے سیکیورٹی فورسز اور قانون نافذ کرنے والے اداروں کے افسران و جوانوں کی قربانیوں کو سراہتے ہوئے کہا کہ “یہ بہادر جوان دن رات ملک دشمن عناصر کے خلاف برسرِ پیکار ہیں اور ان کے عزائم کو ناکام بنا رہے ہیں۔”
وزیرِ اعظم نے کہا کہ “مجھ سمیت پوری قوم کو اپنی سیکیورٹی فورسز اور قانون نافذ کرنے والے اداروں پر فخر ہے۔”
واضح رہے کہ چند روز قبل بلوچستان کے علاقے منگچر میں بھی نامعلوم مسلح افراد کی فائرنگ سے پنجاب سے تعلق رکھنے والے 4 مزدور جاں بحق ہوگئے تھے۔
اسسٹنٹ کمشنر منگچر علی گل کا کہنا تھا کہ لنگ زئی میں مسلح افراد نے ٹیوب ویل کی تنصیب پر کام کرنے والے مزدوروں پر فائرنگ کی تھی، جاں بحق ہونے والوں کا تعلق پنجاب کے علاقے صادق آباد سے تھا۔
ذریعہ: Daily Mumtaz
کلیدی لفظ: نامعلوم مسلح افراد کے علاقے کہا کہ
پڑھیں:
کندھ کوٹ: گھر پر فائرنگ، 17 سالہ لڑکی جاں بحق، بچی زخمی
— فائل فوٹوکندھ کوٹ کے گاؤں الف بجارانی میں گھر پر فائرنگ سے 17 سال کی لڑکی جاں بحق ہوگئی۔
پولیس کے مطابق واقعے میں ایک بچی بھی زخمی ہوئی ہے جس کو اسپتال منتقل کر دیا گیا ہے۔
پولیس نے نامعلوم افراد کے خلاف مقدمہ درج کر کے ملزمان کی تلاش شروع کردی ہے۔
دوسری جانب پولیس کو تھرپارکر کے گاؤں محمد علی سمیجو میں کنویں سے خاتون سمیت 2 افراد کی لاشیں ملی ہیں۔
پولیس اس حوالے سے گاؤں کے افراد سے تفتیش کر رہی ہے۔
سپریم کورٹ : 9 مئی کے مزید اہم مقدمات سماعت کے لیے مقرر