قطر میں گلوبل سیلبرٹی لیگ کے کرٹن ریزر یونٹ کا انعقاد
اشاعت کی تاریخ: 26th, March 2025 GMT
قطر میں گلوبل سیلبرٹی لیگ کے کرٹن ریزر ایونٹ کا انعقاد کیا گیا ہے۔
قطر کے رارالحکومت دوحہ میں گلوبل سیلبرٹی لیگ (جی سی ایل) کا شاندار کرٹن ریزر یونٹ منعقد ہوا، جس میں کرکٹ اور شوبز ستاروں نے شرکت کی۔
تقریب میں جی سی ایل کے چیئرمین شیخ سعود عبداللہ الثانی نے شرکت کی، جنہوں نے قطر میں کرکٹ کے فروغ کے حوالے سے لیگ کی اہمیت پر روشنی ڈالی، جی سی ایل کے صدر عارف ملک نے لیگ کے مستقبل کے منصوبے پیش کرتے ہوئے قطر میں کرکٹ کی ترقی کے حوالے سے اپنے عزائم کا اظہار کیا۔
یہ بھی پڑھیں: بگ بیش لیگ : گرین شرٹس کے فینز ’پاکستان بے‘ میں بیٹھ سکیں گے
ایونٹ کی پانچ شریک ٹیموں پاکستان، بھارت، قطر، بنگلہ دیش اور افغانستان کی آفیشل کِٹ کی رونمائی بھی ہوئی۔ اس موقع پر یہ اعلان بھی کیا گیا کہ فائراوکس کے مالک وقاص علوی نے پاکستان ٹیم کی فرنچائز کی آنرشپ حاصل کرلی ہے، جس سے لیگ کی بین الاقوامی سطح پر مزید پہچان بڑھے گی۔
View this post on Instagram
A post shared by Shaaz Media Events UAE (@shaazmediaeventsuae)
تقریب میں مزید جوش و خروش اس وقت پیدا ہوا جب سابق پاکستانی کرکٹر عمران نذیر نے باضابطہ طور پر گلوبل سیلبرٹی لیگ میں شمولیت اختیار کر لی، جس سے ایونٹ میں مزید کرکٹنگ تجربہ اور اسٹار پاور شامل ہو گئی۔
سب سے بڑی اور اہم بات یہ ہے کہ لیجنڈری کرکٹر شاہد آفریدی جی سی ایل کے برانڈ ایمبیسیڈر کے طور پر شامل ہو گئے ہیں، جس نے لیگ کی مقبولیت کو نئی بلندیوں تک پہنچا دیا۔
یہ بھی پڑھیں: پاکستان کرکٹ بورڈ کے نوٹس پر کوربن بوش نے کیا جواب دیا؟
جی سی ایل میں عالمی شہرت یافتہ کرکٹرز اور معروف شوبز ستارے ایکشن میں نظر آئیں گے، جس سے شائقین کرکٹ کو سنسنی خیز مقابلے دیکھنے کو ملیں گے، یہ لیگ قطر کی وزارت کھیل و نوجوانان کے تعاون سے منعقد ہورہی ہے اور اسے عالمی سطح پر کرکٹ کی ایک منفرد لیگ کے طور پر دیکھا جارہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news افغانستان بنگلہ دیش بھارت پاکستان دوحہ شاہد آفریدی عمران نذیر قطر کرکٹ گلوبل سیلیبرٹی لیگ.ذریعہ: WE News
کلیدی لفظ: افغانستان بنگلہ دیش بھارت پاکستان شاہد ا فریدی کرکٹ جی سی ایل لیگ کے
پڑھیں:
جیسن گلیسپی کا پی سی بی پر واجبات کی عدم ادائیگی کا الزام، پاکستان کرکٹ بورڈ کا مؤقف بھی آگیا
قومی ٹیسٹ کرکٹ ٹیم کے سابق ہیڈکوچ جیسن گلیسپی نے پاکستان کرکٹ بورڈ (پی سی بی) پر معاوضہ ادا نہ کرنے کا الزام عائد کیا ہے۔
ایک حالیہ انٹرویو میں سابق آسٹریلوی فاسٹ بولر و پاکستان ٹیسٹ کرکٹ ٹیم کے ہیڈ کوچ جیسن گلیپسی نے کہا کہ ان کے دل میں پاکستان کرکٹ کے لیے کوئی منفی جذبات نہیں ہیں، تاہم انہوں نے یہ دعویٰ بھی کیا کہ انہیں اب تک 9 ماہ کی کوچنگ کا معاوضہ نہیں دیا گیا۔
یہ بھی پڑھیں: ’وہ ایک مسخرا ہے‘، جیسن گلیسپی کی ہیڈ کوچ عاقب جاوید پر کڑی تنقید
جیسن گلیسپی نے کہا کہ وہ ابھی بھی اس کام کا معاوضہ ملنے کے منتظر ہیں جو انہوں نے بحثیت ہیڈکوچ کیا ہے، یہ تھوڑا مایوس کن ضرور ہے، امید ہے کہ یہ معاملہ جلد حل ہو جائے گا۔
اس سے قبل گلیسپی نے کہا تھا کہ پاکستان ٹیم کے ساتھ ان کے تجربے نے کوچنگ سے ان کی محبت کو متاثر کیا ہے، وہ مایوس کن تھا، اس نے مجھے یہ سوچنے پر مجبور کیا کہ کیا میں دوبارہ فل ٹائم کوچنگ کرنا چاہتا ہوں یا نہیں۔
پی سی بی کا مؤقف کیا ہے؟جیسن گلیسپی کے الزامات پر پی سی بی نے کہا ہے کہ واجبات کی عدم ادائیگی کے الزامات میں حقیقت نہیں، سابق ہیڈ کوچ جیسن گلیسپی بغیر نوٹس دیے اپنا عہدہ چھوڑ گئے تھے، معاہدے میں دونوں فریقین کے 4 ماہ کے نوٹس کی شق موجود ہے۔
یہ بھی پڑھیں: پاکستانی کرکٹ ٹیم کی ہیڈ کوچنگ سے استعفیٰ کیوں دیا؟، جیسن گلیسپی نے خاموشی توڑ دی
پی سی بی کا کہنا ہے کہ جیسن گلیسپی نے نوٹس نہیں دیا، جس پر واجبات اُن کی طرف نکلتے ہیں، واجبات کے لیے جیسن گلیسپی کے ایجنٹ نے بھی بورڈ سے رابطہ کیا، ایجنٹ کو بھی بورڈ نے آگاہ کیا تھا کہ جیسن گلیسپی پہلے واجبات کلیئر کریں، پھر باقی حساب بھی کلیئر کرلیں گے۔
یاد رہے کہ اپریل2024 میں سابق آسٹریلوی فاسٹ بولر جیسن گلیسپی کو پاکستان ٹیسٹ ٹیم کا ہیڈ کوچ مقرر کیا گیا تھا، انہوں نے دسمبر میں عہدے سے استعفیٰ دے دیا تھا اور استعفے کی وجہ ان کے اور بورڈ کے درمیان اختلافات بیان کی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آسٹریلیا پاکستان پی سی بی ٹیسٹ ٹیم جیسن گلیسپی ہیڈکوچ
بیرون ملک جانے سے متعلق عدالتی آرڈر نہ دکھایا تو اسد قیصر کی ضمانت خارج کردوں گا: اے ٹی سی جج