ہوپس (HOPES) : 29 سالوں سے مریضوں کے لیے امید کی کرن، محدود وسائل، لامحدود خدمات
اشاعت کی تاریخ: 26th, March 2025 GMT
کراچی:
HOPES یعنی امید، گزشتہ 29 سالوں سے لاکھوں لوگوں کی امید بن کر ابھری ہے۔ یہ ایک مخفف جس کا مطلب (Help of Patients in Exigency by students ) ہے اور یہ کراچی میڈیکل اینڈ ڈینٹل کالج کے طلبہ کے زیر نگرانی چلائی جانے والی ایک غیر سرکاری تنظیم ہے جس کی بنیاد 1996 میں KMDC کے پہلے بیچ نے رکھی۔
اس وقت مریضوں کی پریشانی اور حالت کو دیکھتے ہوئے اس کا آغاز مفت ادویات کی فراہمی سے کیا گیا۔ دسمبر 1996 میں عباسی شہید اسپتال کی انتظامیہ نے کمرہ نمبر 41 HOPES کو دیا جو آج "HOPES Drug Bank" کے نام سے جانا جاتا ہے۔
ابتدا چند سو روپے کی زندگی بچانے والی دواؤں کے ساتھ ہوا جہاں روزانہ 5 سے 10 مریضوں کی مدد کی جاتی تھی اور آج الحمدللہ، 100 سے زائد مریض روزانہ مستفید ہوتے ہیں جبکہ 2 سے 3 لاکھ روپے کی مالیت کی دوائیں، لیبارٹری ٹیسٹ اور سرجیکل آئٹمز فراہم کیے جاتے ہیں۔ گزشتہ برس HOPES نے HOPES Drug Bank کے ذریعے عباسی شہید اسپتال کے مریضوں کی 5 کروڑ روپے سے زائد مالیت کی مدد کی۔
2003 میں HOPES کے منتظمین نے محسوس کیا کہ زکوٰۃ اور عطیات کی مدد سے صرف معاشرے کے مخصوص طبقے کو فائدہ پہنچ رہا ہے اس لیے HOPES نے "نو-پرافٹ" بنیاد پر ایک فارمیسی کا آغاز کیا جہاں مارکیٹ سے 70 فیصد کم قیمت پر دوائیں فراہم کی جاتی ہیں۔
آج HOPES کی تین فارمیسیز موجود ہیں: ایک عباسی شہید اسپتال میں، دوسری کراچی انسٹیٹیوٹ آف ہارٹ ڈیزیز میں اور تیسری کراچی میڈیکل اینڈ ڈینٹل کالج میں۔ 2013 میں اس ہی ماڈل پر HOPES نے ایک (Diagnostic Lab) کا آغاز کیا جہاں مارکیٹ سے آدھی قیمت پر ٹیسٹ کیے جاتے ہیں۔ الحمدللہ,HOPES ایک PCP سے تصدیق شدہ، الحمد شریعہ سے منظورشدہ اور سوشل ویلفیئر سے رجسٹرڈ (NGO) ہے۔
یہ تمام اداروں کے سرٹیفکیٹ اس بات کا ثبوت ہیں کہ HOPES بہترین انداز میں لوگوں کی مدد کر رہا ہے اور آپ سب HOPES پر بھروسا کر سکتے ہیں۔
ہوپ زکوٰۃ کیمپین – مریضوں کے لیے امید کی کرن
ہر سال ہوپ زکوٰۃ کیمپین ہمارے MBBS اور BDS کے طلبہ کی انتھک محنت اور لگن کا مظہر ہوتی ہے جو اس کی کامیابی کے لیے تین سے چار ماہ تک مسلسل کام کرتے ہیں۔ یہ کیمپین ہمارے ڈرگ بینک، لیبارٹری سروسز اور دیگر بنیادی طبی سہولیات کے لیے ایک ریڑھ کی ہڈی کی حیثیت رکھتی ہے کیونکہ ان تمام سہولیات کو برقرار رکھنے کے لیے درکار زیادہ تر فنڈز اسی مہم کے ذریعے جمع کیے جاتے ہیں۔
بطور اسٹوڈنٹ رن آرگنائزیشن ہمارے وسائل محدود ہیں لیکن ہماری خدمات کا دائرہ وسیع ہے اور روزانہ بڑی تعداد میں مریض ہم سے مدد کے لیے رجوع کرتے ہیں۔ ہمارا ڈرگ بینک پورے سال مستحق مریضوں کو مفت ادویات فراہم کرتا ہے اور اسے رواں رکھنے کے لیے زیادہ سے زیادہ فنڈز کا اکٹھا ہونا ضروری ہے۔ اس وقت ہمیں اپنی خدمات کو برقرار رکھنے اور مزید مریضوں کی مدد کے لیے آپ کے تعاون کی اشد ضرورت ہے۔
ہوپس طلبہ کے زیر نگرانی چلائے جانے والی تنظیم ہے جس کے وسائل تو محدود ہیں مگر خدمات کا دائرہ بے حد وسیع ہے۔ روزانہ سینکڑوں مریض HOPES سے مفت دوائیں، ٹیسٹ اور سرجیکل اشیاء حاصل کرتے ہیں۔
اس نظام کو جاری رکھنے کے لیے ہمیں آپ کے تعاون کی اشد ضرورت ہے۔
آپ کی زکوٰۃ، کسی کی زندگی کا سہارا
یہ مہم محض چندے یا فنڈز اکٹھے کرنے کا نام نہیں بلکہ یہ زندگیاں بچانے کی ایک جدوجہد ہے۔ آپ کی دی گئی زکوٰۃ اور عطیات، غریب اور نادار مریضوں کے لیے زندگی کی ایک نئی امید ثابت ہو سکتے ہیں۔
آئیں، اس مشن میں ہمارا ساتھ دیں!
???????????? ????????????????????
???????????????????????????? ????????????????????:
HELP OF PATIENTS IN EXIGENCY BY STUDENTS HOPES ZAKAT COLLECTION
???????????????????????????? ????????:
9948-0105973906
???????????????? ????????:
PK62MEZN0099480105973906
Meezan Bank Paposh Nagar Branch
???????????? ????????????????????????????????
???????????????????????????? ????????????????????:
HELP OF PATIENTS IN EXIGENCY BY STUDENTS HOPES DONATION COLLECTION
???????????????????????????? ????????:
9948-0105973996
???????????????? ????????:
PK57MEZN0099480105973996
Meezan Bank Paposh Nagar Branch
.ذریعہ: Express News
کلیدی لفظ: مریضوں کی ہے اور کی مدد کے لیے
پڑھیں:
ایسٹر تجدید اور امید کی علامت ، صدرمملکت اور وزیراعظم کی مسیحی برادری کو مبارکباد
ویب ڈیسک:پاکستان سمیت دنیا بھر میں مسیحی آج ایسٹر کا تہوار منا رہے ہیں، صدرمملکت آصف علی زرداری اور وزیراعظم شہباز شریف نے ایسٹر کے موقع پر مسیحی برادری کو مبارکباد دی ہے۔
صدرآصف علی زرداری نے اپنے پیغام میں کہاہے کہ ایسٹر امید، تجدید اور زندگی کا جشن ہے، ایسٹر ہمدردی، قربانی اور درگزر کی یاد دلاتا ہے، اتحاد و ہم آہنگی کا جذبہ ہی ہمیں ایک قوم بناتا ہے۔
صدر مملکت نے مزید کہا کہ آئین اقلیتوں کے حقوق کی مکمل ضمانت دیتا ہے، اقلیتوں کی ترقی اور بااختیار بنانے کیلئے پرعزم ہیں، مسیحی برادری نے پاکستان کی ترقی میں اہم کردار ادا کیا ہے۔
اسحاق ڈار کی افغان حکام سے اہم ملاقاتیں، مشترکہ امن و ترقی کا عہد
وزیراعظم شہباز شریف نے اپنے پیغام میں کہا ہے کہ پاکستان اور دنیا بھر میں مقیم مسیحی برادری کو دلی مبارکباد پیش کرتا ہوں، ایسٹر تجدید اور اُمید کی علامت ہے۔
وزیراعظم نے مزید کہا کہ ایسٹر ایمان کی عظمت اور حضرت عیسیٰ علیہ السلام کی تعلیمات کی یاد دلاتا ہے، پاکستان کی تعمیر و ترقی میں مسیحی برادری کے کردار کو خراجِ تحسین پیش کرتا ہوں۔
17 اپریل کو عام تعطیل کا اعلان