رجب بٹ عمرہ کرنے پہنچ گئے، 295 کے تنازع پر ایک بار پھر معافی مانگ لی
اشاعت کی تاریخ: 26th, March 2025 GMT
یوٹیوب کی دنیا کے معروف نام رجب بٹ نے ایک بار پھر اپنے 295 پرفیوم کے نام پر معافی مانگ لی۔
دفع 295 پر اپنے نئے پرفیوم کا نام رکھنے والے اداکار و کانٹینٹ کری ایٹر تنازع اُٹھنے پر سعودی عرب پہنچ گئے۔
رجب بٹ نے وہاں عمرے کی سعادت حاصل کی اور خانہ کعبہ کے سامنے حرم شریف میں کھڑے ہو کر حالتِ احرام میں ایک بار پھر معافی مانگی۔
View this post on InstagramA post shared by Rajab Ali (@rajab.
رجب بٹ نے حرم شریف میں ریکارڈ کی گئی اپنی نئی ویڈیو میں کہا ہے کہ میں اس پاک جگہ پر کھڑے ہو کر حلفاً کہتا ہوں کہ میں نے کچھ بھی جان بوجھ کر نہیں کیا۔
انسٹاگرام پر شیئر کی گئی نئی ویڈیو میں رجب بٹ کا کہنا ہے کہ سوشل میڈیا پر میرے حوالے سے جو مسئلے مسائل چل رہے ہیں میں اس پاک جگہ پر کھڑے ہو کر، حلف لے کر کہتا ہوں کہ میں نے کچھ بھی جان بوجھ کر نہیں کیا، مجھ سے جو کچھ بھی لاعلمی میں ہوا اس کے لیے میں پہلے بھی معذرت کر چکا ہوں اور ایک بار پھر ہاتھ جوڑ کر معذرت کرتا ہوں اور اپیل کرتا ہوں کہ اپنے دلوں کو میرے لیے صاف کر لیں۔
انہوں نے علمائے کرام، پنجاب حکومت اور پاک فوج سے اپیل کرتے ہوئے اپنی ویڈیو میں کہا ہے کہ میرے خلاف پیکا ایکٹ کے تحت درج مقدمے پر نظرِ ثانی کی جائے اور مجھے انصاف دلوایا جائے۔
یوٹیوبر نے کہا ہے کہ جو دفعہ 295 مجھ پر لگائی جا رہی ہے اُس کے بارے میں اپنے وی لاگ میں بتایا تھا کہ وہ جھوٹی ہے لیکن جھوٹا لفظ کاٹ کر 295 دفعہ کے حوالے سے فتویٰ دے دیا گیا ہے، میں ایک بار پھر اللّٰہ اور اس کے رسول ﷺ اور تمام مسلمانوں سے معذرت کرتا ہوں۔
Post Views: 1ذریعہ: Daily Mumtaz
کلیدی لفظ: ایک بار پھر
پڑھیں:
ن لیگ اور پیپلزپارٹی کا مسائل بات چیت سے حل کرنے اور ساتھ چلنے پر اتفاق
پاکستان مسلم لیگ ن اور پاکستان پیپلز پارٹی (پی پی پی) نے مسائل بات چیت سے حل کرنے اور ملکی حالات کے پیش نظر ساتھ چلنے پر اتفاق ہوا ہے۔
پاکستان مسلم لیگ ن اور پاکستان پیپلزپارٹی کی پنجاب میں کوآرڈی نیشن کمیٹیوں کا اجلاس ہوا، جس میں اسپیکر پنجاب اسمبلی ملک احمد خان، پیپلزپارٹی کے سینیئر رہنما حسن مرتضیٰ اور دیگر نے شرکت کی۔
یہ بھی پڑھیں کینالز تنازع پر ن لیگ پیپلزپارٹی آمنے سامنے، کیا پی ٹی آئی کا پی پی پی سے اتحاد ہو سکتا ہے؟
اجلاس کے بعد میڈیا سے گفتگو کرتے ہوئے پیپلزپارٹی کے رہنما حسن مرتضیٰ نے کہاکہ ملکی حالات کے پیش نظر ہم نے ساتھ چلنے پر اتفاق کیا ہے، امید ہے کہ ہم مزید آگے بڑھیں گے۔
انہوں نے کہاکہ ہم نے اجلاس میں بلدیاتی انتخابات کرانے کا مطالبہ بھی کیا ہے، جبکہ اسمبلی میں پیش کیے گئے بلدیاتی بل پر اپنے تحفظات بھی بتائے ہیں۔
حسن مرتضیٰ نے کہاکہ ہم نے گورننس سے متعلق اپنے تحفظات بھی سامنے رکھے ہیں، جبکہ زراعت اور گندم سے متعلق بھی بات چیت کی گئی ہے۔
انہوں نے کہاکہ آج کے اجلاس میں مثبت پیشرفت ہوئی ہے، مسائل سے متعلق مزید آگے بڑھیں گے۔ اگر نئی نہریں نکالی جائیں گی تو ان کے لیے پانی کہاں سے آئےگا، ہم اپنے مؤقف پر کھڑے ہیں، امید ہے کہ گفتگو کے بعد بہتر راستہ نکلے گا۔
سندھ کا حق ہے کہ وہ اپنے پانی کی حفاظت کرے، ملک احمد خاناس موقع پر اسپیکر پنجاب اسمبلی ملک احمد خان نے کہاکہ موسمیاتی تبدیلی کی وجہ سے پانی میں کمی ہوئی ہے، سندھ اور پنجاب اپنے پانی کے قانونی حصے کے مطابق بات کریں گے۔
انہوں نے کہاکہ ارسا میں پانی کی تقسیم کا فارمولا طے ہے، بتایا گیا ہے کہ 10 ملین ایکڑ پانی کا گیپ ہے، سندھ کا حق ہے کہ وہ اپنے پانی کی حفاظت کرے۔
یہ بھی پڑھیں مسلم لیگ ن اور پیپلزپارٹی کی حالیہ کوآرڈینیشن کمیٹی اجلاس کی اندرونی کہانی سامنے آگئی
انہوں نے کہاکہ پنجاب کے کچھ علاقوں میں بھی پانی کی قلت کا مسئلہ سامنے آرہا ہے، ہمیں اس معاملے پر ٹیکنیکل چیزوں کو سمجھنا چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews پیپلزپارٹی حسن مرتضیٰ متنازع کینالز منصوبہ مسلم لیگ ن مل کر چلنے پر اتفاق ملک احمد خان وی نیوز
عمران خان کو مذاکرات کے لیے راضی کیا، بات چیت سود مند ہوگی، اعظم سواتی