شوبز اور میڈیا شخصیات کی کراچی ٹینکر حادثے کی شدید مذمت
اشاعت کی تاریخ: 26th, March 2025 GMT
پاکستانی شوبز اور میڈیا شخصیات نے کراچی ٹینکر حادثے کی شدید مذمت کی ہے اور حکومت سے اس پر فوری ایکشن لینے کا مطالبہ کیا ہے۔
کراچی میں افسوسناک ٹریفک حادثے میں ایک نوجوان جوڑے اور نومولود کی جان چلی گئی، یہ جوڑا موٹر سائیکل پر اسپتال سے واپس جا رہا تھا جب ایک تیز رفتار ٹینکر نے انہیں ٹکر مار دی، حادثہ اتنا ہولناک تھا کہ میاں بیوی موقع پر ہی جاں بحق ہو گئے، پولیس کے مطابق خاتون حاملہ تھیں اور حادثے کے دوران ہی انہوں نے ایک بیٹی کو جنم دیا، لیکن بدقسمتی سے نومولود بچی بھی زندہ نہ رہ سکی۔
واقعے نے پورے پاکستان میں غم و غصے کی لہر دوڑا دی ہے، عوام سڑکوں پر بڑھتے ہوئے حادثات اور بے قابو ٹینکر ڈرائیورز کی لاپروائی پر شدید احتجاج کر رہے ہیں۔
اس سانحے پر پاکستانی اداکاروں اور میزبانوں نے بھی شدید افسوس کا اظہار کیا ہے اور حکومت سے مطالبہ کیا ہے کہ وہ سڑکوں پر ٹریفک قوانین پر سختی سے عمل درآمد یقینی بنائے۔
اداکار ومیزبان دانش تیمور نے سڑکوں کی ناقص صورت حال اور ڈرائیورز کی غیر ذمے داری پر تشویش کا اظہار کیا ہے۔
میزبان رابعہ انعم نے بھی حادثے پر افسوس کرتے ہوئے حکومت سے سخت ایکشن لینے کی اپیل کی ہے۔
رمضان ٹرانسمیشن میں اداکارہ و میزبان جویریہ سعود انتہائی جذباتی ہو گئیں اور حادثے کے متاثرین کو یاد کرتے ہوئے رو پڑیں۔
ٹی وی اینکر و میزبان وسیم بادامی نے حکام کو تنقید کا نشانہ بناتے ہوئے کہا ہے کہ ہر بار ایسے حادثے کے بعد بات کی جاتی ہے، مگر عملی اقدامات کبھی نہیں کیے جاتے۔
سماجی کارکن سید ظفر عباس بھی جوڑے اور نومولود کی موت پر انتہائی افسردہ نظر آئے اور انہوں نے عوام سے اپیل کی کہ وہ اس ظلم کے خلاف آواز بلند کریں۔
یہ حادثہ سوشل میڈیا پر بھی شدید غم و غصے کا باعث بنا ہے، صارفین کا کہنا ہے کہ بھاری گاڑیوں کے ڈرائیورز کی لاپروائی اور ٹریفک قوانین کی خلاف ورزیوں پر کوئی چیک اینڈ بیلنس نہیں۔
صارفین نے مطالبہ کیا ہے کہ حکومت کو بھاری گاڑیوں کے لیے الگ روٹ بنانے چاہئیں تاکہ شہریوں کی زندگیاں محفوظ رہیں، ٹینکر مافیا کے خلاف فوری ایکشن لیا جائے اور حادثے کے ذمے داروں کو سخت سزا دی جائے۔
یہ المناک حادثہ پاکستان میں ٹریفک قوانین پر عمل درآمد اور سڑکوں کی حفاظت کے حوالے سے ایک بڑا سوالیہ نشان چھوڑ گیا ہے۔
Post Views: 1.ذریعہ: Daily Mumtaz
پڑھیں:
ایم ڈبلیو ایم کا مرکزی کنونشن، شخصیات کے تاثرات
اسلام ٹائمز: اس موقع پر ملک بھر سے تنظیمی عہدیداران شریک تھے۔ علامہ سید علی رضا رضوی، علامہ مقصود علی ڈومکی، آغا سید علی رضوی، سید شادمان رضا، جان محمد حیدری اور علامہ احمد نوری نے کنونشن اور عزاداری کانفرنس کے حوالے سے اپنے اپنے خیالات کا اظہار کیا، جو قارئین کے پیش خدمت ہے۔ متعلقہ فائیلیںرپورٹ: سید عدیل عباس
مجلس وحدت مسلمین پاکستان کے تین روزہ مرکزی بقیۃ اللہ تنظیمی کنونشن اور انٹراپارٹی الیکشن کا آغاز اسلام آباد میں ہوگیا ہے۔ مرکزی کنونشن کے پہلے روز قومی عزاداری کانفرنس کا انعقاد جامع امام الصادقؑ جی نائن ٹو میں ہوا، جس میں مرکزی خطاب بین الاقوامی شہرت یافتہ عالم دین اور خطیب اہلبیتؑ علامہ سید علی رضا رضوی نے کیا، جبکہ دیگر مقررین میں چیئرمین آئی او پاکستان ڈاکٹر حضوری مہدی، متولی امام بارگاہ سید ابنِ رضوی، اظہر عابدی و دیگر شامل تھے۔ بعدازاں سبز علی شہزاد، شادمان رضا نقوی نے نوحہ خوانی کی، اس موقع پر ملک بھر سے تنظیمی عہدیداران شریک تھے۔ اس موقع پر علامہ سید علی رضا رضوی، علامہ مقصود علی ڈومکی، آغا سید علی رضوی، سید شادمان رضا، جان محمد حیدری اور علامہ احمد نوری نے کنونشن اور عزاداری کانفرنس کے حوالے سے اپنے اپنے خیالات کا اظہار کیا، جو قارئین کے پیش خدمت ہیں۔ قارئین و ناظرین محترم آپ اس ویڈیو سمیت بہت سی دیگر اہم ویڈیوز کو اسلام ٹائمز کے یوٹیوب چینل کے درج ذیل لنک پر بھی دیکھ اور سن سکتے ہیں۔ (ادارہ)
https://www.youtube.com/@ITNEWSUrduOfficial
ایران امریکہ مذاکات اس وقت اہم ثابت ہونگے جب برابری کی بنیاد پر ہونگے، علامہ ساجد نقوی