یمن نے ہمیشہ استکباری طاقتوں کو تباہ کیا، مہدی المشاط
اشاعت کی تاریخ: 25th, March 2025 GMT
اپنے ایک بیان میں یمن کی سپریم پولیٹکل کونسل کے سربراہ کا کہنا تھا کہ اگر سعودی بادشاہت خطے کی امن و سلامتی کیلئے کئے گئے وعدوں میں سچی ہے تو وہ ان معاہدوں پر عمل کرے جو جامع اور مستقل امن کا باعث بنیں۔ اسلام ٹائمز۔ امریکی صدر "ڈونلڈ ٹرامپ" کو مخاطب کرتے ہوئے یمن کی سپریم پولیٹیکل کونسل کے سربراہ "مہدی المشاط" نے کہا کہ ہمارے خلاف تمہاری جنگ نئی نہیں کیونکہ دیگر حوالوں سے ہم کئی دہائیوں سے تم سے پنجہ آزماء ہیں۔ بہرحال ہم امریکہ سے مقابلے کے لئے آمادہ ہیں۔ انہوں نے کہا کہ میں کافر ٹرامپ سے کہتا ہوں کہ جس نے بھی تمہیں یمن کو تسخیر کرنے کا مشورہ دیا اس نے تمہیں بحران میں دھکیلا ہے۔ انسانی تاریخ میں یمن، استکباری طاقتوں کے لئے قبرستان رہا ہے۔ انہوں نے سعودی عرب کو مخاطب کرتے ہوئے کہا کہ اگر سعودی بادشاہت خطے کی امن و سلامتی کے لئے کئے گئے وعدوں میں سچی ہے تو وہ ان معاہدوں پر عمل کرے جو جامع اور مستقل امن کا باعث بنیں۔ مہدی المشاط نے کہا کہ سعودی عرب، یمن سے بیرونی فوجیوں کی واپسی اور محاصرے و جارحیت کے خاتمے ذریعے امن کے مقدمات فراہم کرے۔ انہوں نے کہا کہ اگر سعودی عرب امن کا خواہاں ہے تو اسے چاہئے کہ وہ یمن کے قیدیوں، معاوضوں کی ادائیگی اور تعمیر نو کے مسائل کو حل کرے۔ انہوں نے کہا کہ ہم غزہ کی حمایت میں اپنے اقدامات جاری رکھیں گے۔ امریکی حملے ہمیں فلسطین کی حمایت سے پیچھے نہیں ہٹا سکتے۔ آج دنیا پر یہ بات عیاں ہو چکی ہے کہ امریکہ کو کسی کی فکر نہیں بلکہ وہ دوسروں کے مفادات کو نشانہ بنانے کے چکر میں ہے۔
.ذریعہ: Islam Times
پڑھیں:
پیپلز پارٹی نے تاج حیدر کی خالی سینیٹ نشست پر وقار مہدی کو ٹکٹ جاری کردیا
الیکشن کمیشن کے مطابق کاغذات نامزدگی کی جانچ پڑتال 21 اور 22 اپریل 2025ء تک جاری رہے گی، جبکہ امیدواروں کی حتمی فہرست 27 اپریل کو شائع کی جائے گی۔ یاد رہے کہ یہ نشست پیپلز پارٹی کے سینئر رہنما سینیٹر تاج حیدر کے انتقال کے بعد خالی ہوئی تھی۔ اسلام ٹائمز۔ سینیٹ کی جنرل نشست پر ہونے والے ضمنی انتخاب کے لیے کاغذات نامزدگی کی جانچ پڑتال مکمل کرلی گئی ہے، چاروں امیدواروں کے کاغذات منظور کر لیے گئے ہیں۔ ترجمان الیکشن کمشنر نبیل ابڑو کے مطابق ریٹرننگ آفیسر اعجاز چوہان نے چاروں امیدواروں کے کاغذات کی جانچ پڑتال کی۔ مرحوم سینیٹر تاج حیدر کی وفات سے خالی ہونے والی نشست پر پاکستان پیپلز پارٹی اور ایم کیو ایم پاکستان کے 2,2 امیدواروں نے کاغذات جمع کروائے ہیں۔ ترجمان الیکشن کمشنر نے بتایا کہ پیپلز پارٹی کے امیدوار وقار مہدی اور آصف خان، دوسری جانب ایم کیو ایم کی امیدوار نگہت مرزا اور مجاہد رسول کے کاغذات منظور کر لیے گئے ہیں۔ جانچ پڑتال کے بعد چاروں امیدواروں کے کاغذات درست قرار پائے۔ پیپلز پارٹی نے اس نشست کے لیے وقار مہدی کو پارٹی ٹکٹ جاری کیا ہے جبکہ اس موقع پر پارٹی رہنماؤں رضا ربانی، سعید غنی اور وقار مہدی سمیت دیگر بھی موجود تھے۔ الیکشن کمیشن کے مطابق کاغذات نامزدگی کی جانچ پڑتال 21 اور 22 اپریل 2025ء تک جاری رہے گی، جبکہ امیدواروں کی حتمی فہرست 27 اپریل کو شائع کی جائے گی۔ یاد رہے کہ یہ نشست پیپلز پارٹی کے سینئر رہنما سینیٹر تاج حیدر کے انتقال کے بعد خالی ہوئی تھی۔
کراچی: 9 مئی کیس، تحریکِ انصاف کے ملزمان کارکنوں پر فردِ جرم عائد نہ ہو سکی