وزیراعلیٰ پنجاب کا وژن، عید کی خریداری میں مصروف خواتین کی حفاظت کیلئے لیڈی پولیس اسکواڈ تعینات
اشاعت کی تاریخ: 25th, March 2025 GMT
وزیراعلیٰ پنجاب مریم نواز کی ہدایت پر صوبے بھر میں عید کی خریداری میں مصروف خواتین کی حفاظت کےلیے بازاروں میں پولیس کے سائیکل اسکواڈز تعینات کردیے گئے۔
رمضان المبارک میں بازاروں کی سیکیورٹی کےلیے جامع حکمت عملی اپناتے ہوئے بازاروں میں خواتین موٹر سائیکل اسکواڈ اور ماؤنٹڈ پولیس گشت پر مامور ہے۔
لیڈی پولیس کانسٹیبل پر مشتمل بائیک اسکواڈز تشکیل دے دیے گئے، اور بازاروں میں اضافی نفری بھی تعینات کردی گئی ہے۔
اس حوالے سے اے ایس پی رینالہ سید دانیال حسن کا کہنا ہے کہ وزیراعلیٰ پنجاب مریم نواز کے وژن "نیور اگین: پروٹیکشن آف وومن اینڈ ورنلیبل ان سوسائٹی" اوکاڑہ پولیس کی اولین ترجیحات میں شامل ہیں۔
انہوں نے بتایا کہ اس وژن کو مدنظر رکھتے ہوئے پنجاب پولیس نے ضلع اوکاڑہ میں اپنے تینوں تحصیلوں میں 50 لیڈی کانسٹیبل پر مشتمل 30 موٹر سائیکل اور بائی سائیکل اسکواڈ تیار کیا گیا ہے۔
انہوں نے بتایا کہ عید سے قبل اور عید کے دوران خواتین کے مارکیٹ میں رش بڑھ جاتا ہے جس کا فائدہ اٹھاتے ہوئے جرائم پیشہ افراد چھینا جھپٹی اور ہراسانی سمیت دیگر کرائم کرتے ہیں۔
انکا کہنا تھا کہ اوکاڑہ پولیس نے خواتین اور معاشرے ورنیلیبل طبقے کو ان جرائم سے بچانے کےلیے یہ اقدام اٹھایا ہے۔
اے ایس پی سید دانیال حسن نے کہا کہ اوکاڑہ پولیس کے پہلے سے بنائے گئے موٹر سائیل اسکواڈ کو مارکیٹوں میں نافذ کیا ہے، اسکے علاوہ خواتین کانسٹیبلز گاڑیوں کے علاوہ پیدل بھی گشت کر رہی ہیں جبکہ سادہ لباس خواتین اہلکار بھی ڈیوٹی انجام دے رہی ہیں۔
انکا کہنا تھا کہ اوکاڑہ پولیس اس بات کا عزم کرتی ہے کہ خواتین اپنی عید کی چھٹیاں اور خوشیاں پرامن انداز میں بحفاظت مناسکیں۔
ڈی پی او سرگودھا محمد صہیب اشرف کا کہنا ہے کہ اسٹریٹ کرائم، اسنیچنگ، ہراسمنٹ و دیگر جرائم کی روک تھام کےلیے لیڈیز اسکواڈ اہم کردار ادا کرے گا۔
انہوں نے کہا کہ مارکیٹس، بینکس اور پبلک مقامات کے اطراف میں لیڈیز اسکواڈ موثر سرویلینس کو یقینی بنائے گا۔
بھکر کے بازار میں موجود خواتین نے وزیراعلیٰ پنجاب کے اس اقدام کو خوش آئند قرار دیا اور انکا شکریہ بھی ادا کیا۔
بازاروں میں خریداری کےلیے آئی ان خواتین کا کہنا تھا کہ بازاروں میں رش ہونے کے باوجود وہ خود کو محفوظ تصور کر رہی ہیں، بازاروں میں اچھی سیکیورٹی ہونے کے باعث وہ پُرسکون ہیں۔
.ذریعہ: Jang News
کلیدی لفظ: اوکاڑہ پولیس کا کہنا
پڑھیں:
ایدھی فاؤنڈیشن نے ایئر ایمبولینس کیلئے ایک اور طیارہ خرید لیا
ایدھی فاؤنڈیشن نے ایئرایمبولینس سروس کےلیے ایک اور طیارہ خرید لیا۔
ترجمان ایدھی فاؤنڈیشن کے مطابق ایئر ایمبولینس سروس کےلیے جدید ورژن کا پائپر سینیکا طیارہ خریدا گیا ہے۔
ترجمان کے مطابق ایدھی فاؤنڈیشن کی جانب سے طیارہ بیرون ملک سے پاکستان لایا جارہا ہے، جس کے بعد ادارے کی ایئر ایمبولینس سروس کے طیاروں کی تعداد 3 ہوجائے گی۔
ترجمان ایدھی فاؤنڈیشن کے مطابق چاروں صوبوں میں ایدھی ایئر ایمبولینس سروس کی منصوبہ بندی کی جا رہی ہے۔
کراچی: 9 مئی کیس، تحریکِ انصاف کے ملزمان کارکنوں پر فردِ جرم عائد نہ ہو سکی