آج 25 رمضان کی رات مسجد الحرام اور مسجدِ نبوی ﷺ میں امامت کون کریگا؟
اشاعت کی تاریخ: 25th, March 2025 GMT
آج 25 رمضان کی رات مسجد الحرام اور مسجدِ نبوی ﷺ میں خصوصی انتظامات کیے گئے ہیں۔
حرم شریف میں امامت شیخ عبداللّٰہ بن عواد الجہنی اور شیخ بندر بن عبدالعزیز بلیلہ کریں گے۔
مسجدِ نبوی ﷺ میں امامت شیخ ڈاکٹر محمد بن احمد برہجی اور شیخ ڈاکٹر عبداللّٰہ بن عبدالمحسن القرافی کریں گے۔
رمضان المبارک کے آخری عشرے کی 25 ویں شب کے موقع پر مسجد الحرام اور مسجدِ نبوی ﷺ میں 25 لاکھ سے زائد نمازیوں نے شرکت کی ہے۔
مکہ مکرمہ میں زائرین اور مقامی افراد طواف و عمرے کے بعد نمازِ تراویح، قیام اللیل اور اجتماعی دعاؤں کے لیے شریک ہیں اور زائرین کے تحفظ کے لیے 20 ہزار پبلک سیکیورٹی فورس کے اہلکار مصروفِ عمل ہیں۔
فورس نے ہجوم کے کنٹرول اور انہیں منظم کرنے کے لیے راہداری کی نگرانی شروع کر دی ہے۔
فورس ٹریفک کی روانی، نقل و حرکت کو یقینی بنانے کے لیے جدید ترین ٹیکنالوجی اور مواصلاتی نظام استعمال کر رہی ہے۔
سعودی وزارتِ حج و عمرہ کے مطابق نماز مکہ مکرمہ اور مدینہ منورہ کی حدود میں واقع مساجد میں ادا کی جائے، نمازیوں کو علاقائی مساجد میں نماز ادا کرنے کا بھی ثواب ملے گا۔
سعودی میڈیا کے مطابق مسجد الحرام اور مسجد نبوی ﷺ کی چھتوں، صحن اور ارد گرد شاہراہوں اور کلاک ٹاور میں نمازیوں کا بے پناہ رش ہے۔
سعودی میڈیا کے مطابق پانی، بجلی اور آبِ زم زم کی مستقل فراہمی جاری ہے۔
Post Views: 1.ذریعہ: Daily Mumtaz
کلیدی لفظ: مسجد الحرام اور مسجد نبوی ﷺ میں کے لیے
پڑھیں:
کراچی میں نماز کیلیے جانے والے بزرگ کو واٹر ٹینکر نے کچل دیا
سعید آباد کے علاقے بلدیہ سیکٹر 8 ای میں خونی واٹر ٹینکر نے نماز پڑھنے والے بزرگ شہری کو روند کر زندگی سے محروم کر دیا۔
ایس ایچ او سعید آباد ادریس بنگش نے بتایا کہ متوفی کی شناخت 75 سالہ عارف خان کے نام سے کی گئی جبکہ ابتدائی معلومات کے مطابق متوفی جائے وقوعہ کے قریب ہی گلی کا رہائشی تھا اور نماز پڑھنے جا رہا تھا۔
انہوں نے بتایا کہ اس دوران متوفی واٹر ٹینکر کی زد میں آکر جاں بحق ہوگیا جبکہ حادثے کا ذمہ دار ڈرائیور موقع سے فرار ہوگیا۔
پولیس نے موقع پر پہنچ کر سخت جدوجہد کے بعد واٹر ٹینکر کو مشتعل افراد کے ہاتھوں جلنے سے بچا کر قبضے میں لیکر تھانے منتقل کر دیا جبکہ پولیس واٹر ٹینکر کے مالک اور ڈرائیور کا پتہ چلانے کی کوششیں کر رہی ہے۔
کراچی: کورنگی کریک میں ماہرین نے دوبارہ آگ لگا دی