چین کے پیداواری مرکز نے تجارت بڑھانے سے متعلق عالمی اقدامات شروع کردیئے
اشاعت کی تاریخ: 25th, March 2025 GMT
چین کے پیداواری مرکز نے تجارت بڑھانے سے متعلق عالمی اقدامات شروع کردیئے WhatsAppFacebookTwitter 0 25 March, 2025 سب نیوز
ہانگ ژو (شِنہوا) چین کے مشرقی صوبے ژے جیانگ کے ایک بڑے پیداواری شہر نے تجارتی تحفظ پسندی میں اضافے اور اہم عالمی منڈیوں میں طلب کم ہونے کے پیش نظر عالمی تجارتی اقدامات 2025 کا آغاز کردیا ہے جس کا مقصد برآمدات میں اضافہ ہے۔
اس ضمن میں پہلے قدم کے طور پر تقریباً 20 لاکھ مارکیٹ اداروں کے شہر جن ہوا سے 55 کمپنیوں پر مشتمل ایک وفد نے 18 سے 20 مارچ تک امریکی لاس ویگاس میں قومی ہارڈ ویئر شو میں شرکت کی۔
جن ہوا بانگتے الیکٹرک کمپنی لمیٹڈ کے جنرل منیجر لی شنگ نے کہا کہ نمائشوں میں شرکت سے ہمیں نئے گاہک تلاش کرنے میں مدد مل سکتی ہے جبکہ پرانے گاہکوں سے تعلقات کو بھی مضبوط کیا جا سکتا ہے، یہ ہمیں گاہکوں کی ضروریات اور تجربات کو بہتر طور پر سمجھنے کا بھی موقع دیتے ہیں۔
لی کی کمپنی نے امریکی مارکیٹ میں مزید رسائی حاصل کرنے کے لئے نمائش میں 10 سے زائد اقسام کے ہارڈ ویئر اور الیکٹریکل سامان پیش کیا ہے۔ تجارتی شو سے قبل انہوں نے شکاگو، لاس ویگاس اور نیو یارک میں گاہکوں سے ملاقات کی تاکہ مارکیٹ کی تفصیلی معلومات حاصل کرکے ممکنہ شراکت داروں کی تلاش کی جاسکی۔
لی نے کہا کہ جب تک ہم بیرون ملک پیشقدمی کرتے رہیں گے تو ہمیں فوائد ملتے رہیں گے۔ ان کی کمپنی زیادہ تر امریکہ اور کینیڈا کو برآمدات کرتی ہے۔اس نے گزشتہ 3 برس میں اوسطاً 10کروڑ یوآن (تقریباً 1کروڑ39لاکھ 30 ہزارامریکی ڈالر) سے زائد کی سالانہ برآمدات کی تھیں۔
ذریعہ: Daily Sub News
پڑھیں:
چین امریکا میں تجارتی جنگ،عالمی منڈی میں تیل مہنگا
واشنگٹن:امریکا کی جانب سے چین پر نئی پابندیاں عائد کیے جانے کے بعد عالمی منڈی میں تیل کی قیمتوں میں نمایاں اضافہ دیکھنے میں آیا۔
غیرملکی خبر رساں ادارے کے مطابق عالمی مارکیٹ میں خام تیل کی قیمتوں میں تین فیصد سے زائد کا اضافہ ریکارڈ کیا گیا۔
امریکی خام تیل کی قیمت دو ڈالر بڑھ کر 64.45 ڈالر فی بیرل تک پہنچ گئی ہے، دوسری جانب برطانوی خام تیل کی قیمت بھی دو ڈالر اضافے کیساتھ 67.85 ڈالر فی بیرل ہوگئی۔
مزید پڑھیں: امریکا کا چینی بحری جہازوں کے لیے نئی پورٹ فیس کا اعلان
دنیا کی دو بڑی معاشی طاقتوں کے درمیان جاری تجارتی جنگ میں مزید شدت آ گئی ۔ چین نے امریکا کیلئے سات نایاب معدنیات کی برآمد پر پابندی عائد کر دی۔
یہ معدنیات جدید دفاعی ٹیکنالوجی، گاڑیوں اور ہتھیاروں میں کلیدی حیثیت رکھتی ہیں۔ ان کے بغیر لڑاکا طیارے، آبدوزیں، میزائل، ریڈار سسٹمز اور ڈرونز کی تیاری ممکن نہیں ۔
2025 کے پہلے 3 ماہ میں کتنے پاکستانی بیرون ملک نوکری کیلئے گئے؟ اعداد وشمار جاری