کریک ڈاؤن، ایک دن میں چینی 9 روپے فی کلو سستی
اشاعت کی تاریخ: 25th, March 2025 GMT
کراچی:
حکومت کے کریک ڈاؤن کے نتیجے میں ماہ رمضان المبارک کے دوران چینی کی قیمتوں میں سٹہ چلانے والے غائب ہو گئے، حکومتی اقدامات کے بعد ایک روز میں فی کلو چینی 9 روپے سستی ہو گئی۔
چیئرمین کراچی ہول سیلر گروسرز ایسوسی ایشن عبد الرؤف ابراہیم کے مطابق جوڑیا بازار ہول سیل مارکیٹ میں فی کلو چینی 168 روپے سے کم ہوکر 159 روپے ہوگئی۔
کریک ڈاؤن سے چینی کی ایکس مل قیمت گھٹ کر 156 روپے فی کلو ہوگئی، ریٹیل مارکیٹ میں فی کلو چینی 175 سے 180روپے میں فروخت کی جارہی ہے۔
عبد الرؤف ابراہیم کا مزید کہنا تھا کہ ملک میں چینی کا وافر سٹاک موجود ہے،حکومت نے چینی کا ریٹ فکس کرکے سٹہ ختم کردیا ہے۔
دریں اثناء وفاقی وزیر برائے غذائی تحفظ رانا تنویر حسین نے چینی کی قیمتوں میں اضافے کی خبروں کو بے بنیاد قرار دیتے ہوئے کہا ہے کہ مارکیٹ میں چینی کی قیمت 164 روپے فی کلو جبکہ یوٹیلیٹی سٹورز پر 153 روپے فی کلو ہے۔ رانا تنویر حسین کا کہنا تھا کہ اسحاق ڈار کی زیر صدارت کمیٹی تشکیل دی گئی ہے جو چینی کی قیمتوں کی نگرانی کر رہی ہے۔
.ذریعہ: Express News
کلیدی لفظ: روپے فی کلو چینی کی
پڑھیں:
کے پی کے وزیر اعلیٰ آئے روز اڈیالہ جیل کے باہر تماشا لگا دیتے ہیں؛ یہی رویہ رہا تو گورنر راج ناٖفذ کرنے کی ضرورت پڑ سکتی ؛ وفاقی وزیر رانا تنویر
سٹی 42: شرقپور شریف میں وفاقی وزیر رانا تنویر حسین نے چیئرپرسن سہولت بازار افضل کھوکھر کے ہمراہ سہولت بازار کا افتتاح کردیا۔انہوں نے کہا کہ کے پی کے وزیر اعلیٰ آئے روز اڈیالہ جیل کے باہر تماشا لگا دیتے ہیں، جو مناسب طرزِ عمل نہیں۔ اگر خیبر پختونخوا میں یہی رویہ برقرار رہا تو گورنر راج نافذ کرنے کی ضرورت پڑ سکتی ہے
وفاقی وزیر رانا تنویر حسین نے شرقپور شریف میں چیئرپرسن پنجاب سہولت بازار اتھارٹی افضل کھوکھر کے ساتھ ملکر شرقپور میں قائم نئے سہولت بازار کا افتتاح کر دیا۔ اس موقع پر انکے ہمراہ ڈپٹی کمشنر شیخوپورہ عمران مارتھ اور ممبر پنجاب اسمبلی رانا طاہر اقبال کے علاؤہ عوام کی بڑی تعداد موجود تھی۔
کشمیر میں بارش نہ ہونے کے سبب خشک سالی, خطرے کی گھنٹی بجا دی گئی
وفاقی وزیر رانا تنویر حسین میڈیا سے گفتگو کرتے ہوئے کہا کہ پنجاب حکومت نے صوبے بھر کی تمام تحصیلوں میں عوام کی آسانی اور ریلیف کے لیے بہترین سہولت بازار قائم کیے ہیں، جہاں ضرورت کی اشیاء سرکاری نرخوں پر دستیاب ہوں گی۔ پنجاب حکومت عوام دوست اقدامات کر رہی ہے اور مہنگائی سے ریلیف فراہم کرنے کے لیے مزید اصلاحات بھی جاری ہیں۔
سیاسی معاملات پر میڈیا سے بات کرتے ہوئے وفاقی وزیر نے ملکی سیاسی صورتحال پر بھی کھل کر اظہارِ خیال کیا۔
انہوں نے کہا کہ کے پی کے وزیر اعلیٰ آئے روز اڈیالہ جیل کے باہر تماشا لگا دیتے ہیں، جو مناسب طرزِ عمل نہیں۔ اگر خیبر پختونخوا میں یہی رویہ برقرار رہا تو گورنر راج نافذ کرنے کی ضرورت پڑ سکتی ہے۔
انگاروں پر چلنے والے آٹھ انسانوں کے ساتھ "سوشل میڈیا انصاف" کے بعد کیا ہوا؟
رانا تنویر حسین نے یہ بھی کہا کہ بانی پی ٹی آئی کو اڈیالہ سے کسی دوسری جیل منتقل کر دینا چاہیے تاکہ امن و امان کی صورتحال متاثر نہ ہو۔ وفاقی وزیر کا کہنا تھا کہ پاکستان میں جب بھی آئینی ترمیم کی ضرورت محسوس ہوتی ہے، پارلیمنٹ نے ہمیشہ اس کو منظور کیا ہے۔ آٹھویں ترمیم میں ضیا الحق نے پورا آئین بدل دیا تھا، جس نے ملکی سیاست کا رخ طویل عرصے تک متاثر کیا۔
رانا تنویر حسین نے سابق ڈی جی آئی ایس آئی جنرل فیض حمید کی سزا کا حوالہ دیتے ہوئے کہا کہ اس فیصلے سے یہ بات ثابت ہوگئی ہے کہ پاکستان کی فوج سخت اور شفاف احتساب کرتی ہے، اور کوئی بھی قانون سے بالاتر نہیں۔
موٹروے ایم 5 بند
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر