ہمیشہ سندھ کے ہر شہر کے مسائل کیلئے آواز اٹھاتا رہوں گا، آفاق احمد
اشاعت کی تاریخ: 24th, March 2025 GMT
تاجروں کے وفد سے ملاقات کے موقع پر گفتگو کرتے ہوئے چیئرمین ایم کیو ایم حقیقی نے کہا کہ کراچی میرا شہر ہے اور لانڈھی میرا گھر ہے، میں نے ہمیشہ اپنی قوم سمیت تمام مظلوموں کے لیے بیڑا ٹھایا ہے، میں اپنے گھر لانڈھی جب چاہوں گا آتا جاتا رہوں گا۔ اسلام ٹائمز۔ مہاجر قومی موومنٹ پاکستان (ایم کیو ایم حقیقی) کے چیئرمین آفاق احمد نے کہا ہے کہ میں ہمیشہ سندھ بھر کے ہر شہر کے مسائل کے حل کیلئے آواز اٹھاتا تھا، آواز اٹھاتا ہوں اور آواز اٹھاتا رہوں گا۔ وہ اپنی رہائش گاہ کلفٹن پر ایشیاء کی بڑی بابر مارکیٹ لانڈھی یونین کے سابق صدر شفیق پاپا کی سربراہی میں آنے والے تاجران بابر مارکیٹ لانڈھی کے وفد سے ملاقات کے موقع پر گفتگو کر رہے تھے۔ وفد کے قائد شفیق پاپا نے چیئرمین آفاق احمد کو عید کی سیکورٹی کے حوالے سے بابر مارکیٹ لانڈھی یونین آفس کے باہر لگائے گئے کیمپ کے دورے کی دعوت دی۔ چیئرمین آفاق احمد نے کہا کہ کراچی میرا شہر ہے اور لانڈھی میرا گھر ہے، میں نے ہمیشہ اپنی قوم سمیت تمام مظلوموں کے لیے بیڑا ٹھایا ہے، میں اپنے گھر لانڈھی جب چاہوں گا آتا جاتا رہوں گا۔ وفد نے چیئرمین آفاق احمد کا شکریہ ادا کیا۔ دریں اثناء وفد میں افتخار قریشی، مکرم علی، عمران قریشی، اسحاق آرائیں، نواب انصاری اور جیلانی قریشی شامل تھے۔
.ذریعہ: Islam Times
کلیدی لفظ: چیئرمین آفاق احمد رہوں گا
پڑھیں:
پاسپورٹ کیلئے فنگر پرنٹس کی تصدیق کا نیا نظام متعارف
(ارشادقریشی)آن لائن پاسپورٹ درخواست گزاروں کودرپیش فنگر پرنٹس کی تصدیق میں تکنیکی مسائل کے معاملے پرڈی جی امیگریشن اینڈ پاسپورٹس کی کاوشوں اور نادرا کے تعاون سے فنگر پرنٹس تصدیق کا نیا نظام متعارف ہوگیا۔
پاسپورٹ درخواست گزار اب نادرا کی پاک آئی ڈی ایپ سے با آسانی فنگر پرنٹس کی تصدیق کر سکیں گے،فنگر پرنٹس کی تصدیق میں مسائل پر چہرے کی تصدیق کی آپشن بھی میسر ہوگی۔
ڈی جی پاسپورٹس مصطفی جمال قاضی کے مطابق اوورسیز پاکستانیوں کی جانب سے آن لائن فنگر پرنٹس کی تصدیق میں مسائل کی شکایات تھیں،نادرا کے تعاون سے پاک آئی ڈی پر با آسانی فنگر پرنٹس اور چہرے کی تصدیق کی جاسکے گی۔
باغبان پورہ کی خواتین نے بلاول سے سیاست چھڑوا دی، اسکے بعد کیا باتیں ہوئیں؟ دلچسپ رپورٹ
ڈی جی پاسپورٹس مصطفی جمال قاضی کے مطابق سہولت سے اوورسیز پاکستانی اور سینئر سیٹیزن خصوصی طور پر مستفید ہو سکیں گے، شہریوں کی آسانی کے لیے ہر ممکن اور جدید سہولیات متعارف کروائی جا رہی ہیں۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر