پیپلز پارٹی کی قیادت صادق وامین نہیں رہی، کاشف سعید شیخ
اشاعت کی تاریخ: 24th, March 2025 GMT
عشائیہ سے خطاب کے دوران امیر جماعت اسلامی سندھ نے کہا کہ صدر زرداری نے پارلیمنٹ کے مشرکہ اجلاس میں خطاب میں وفاق سے کینال منصوبہ واپس لینے کا مطالبہ کرکے جھوٹ کا بھانڈا پھوڑ دیا، آئین میں یہ لکھا ہوا ہے کہ جو جھوٹ بولے وہ صادق و امین نہیں ہوسکتا۔ اسلام ٹائمز۔ امیر جماعت اسلامی سندھ کاشف سعید شیخ نے کہا ہے کہ پیپلز پارٹی کی قیادت صادق وامین نہیں رہی، وہ دریائے سندھ سے نہریں نکالنے پر سندھ کے عوام سے جھوٹ بولتے رہے مگر صدر زرداری نے پارلیمنٹ کے مشرکہ اجلاس میں خطاب میں وفاق سے کینال منصوبہ واپس لینے کا مطالبہ کرکے جھوٹ کا بھانڈا پھوڑ دیا، آئین میں یہ لکھا ہوا ہے کہ جو جھوٹ بولے وہ صادق و امین نہیں ہوسکتا، حکومتیں احتجاج نہیں بلکہ اقدامات کرتی ہیں، اگر واقعی پیپلز پارٹی سندھ کے ساتھ مخلص ہے تو فوری طور پر وفاقی حکومت سے علیحدگی، صدارت سینٹ وزراءاعلیٰ گورنر شپ سے مستعفی ہوجائیں، حکومت کے مزے بھی لوٹیں گے اور مخالفت کی ڈرامے بازی بھی ساتھ ساتھ نہیں چل سکتے، احتجاج تو بے اختیار اپوزیشن کرتی ہے، پیپلز پارٹی کا کینال مخالف بیانات اور احتجاج فیس سیونگ اور مگرمچھ کے آنسو کے سوا کچھ بھی نہیں ہے۔ ان خیالات کا اظہار انہوں نے مقامی ہوٹل میں صحافیوں کے اعزاز میں دیئے گئے عشائیہ سے خطاب کے دوران کیا۔
ان کا مزید کہنا تھا کہ کے پی اور بلوچستان میں ویسے ہی حالات تشویشناک ہیں کینال بناکر سندھ کو بھی بغاوت پر مجبورکیا جارہا ہے، بجلی اور گیس کے بلوں پر ظالمانہ ٹیکسز مہنگائی کے خلاف جماعت اسلامی حافظ نعیم الرحمٰن کی قیادت میں عید کے بعد عوامی تحریک چلائے گی، جس میں لانگ مارچ اور گورنر وزیراعلیٰ ہاؤس پر دھرنے بھی شامل ہیں، حکمرانوں کی نااہلی و غلط پالیسوں کی وجہ سے پورا ملک بدامنی اور سندھ میں ڈاکوؤں کا راج ہے، دریائے سندھ پر کینال بنانے سے لیکر کارونجھرپھاڑ کی کٹائی اور سندھ میں ڈاکو راج تک پیپلز پارٹی سہولتکاری کا کردار ادا کرہی ہے جس کو تاریخ اورسندھ کے عوام ہرگز معاف نہیں کریں گے، کئی سالوں سے دریائے سندھ کا پانی انڈس ڈیلٹا نہ پہنچنے کی وجہ سے سندھ کی لاکھوں ایکڑ زمین سمندر برد ہوچکی ہے، سندھ زرعی صوبہ ہے مگر یہاں کراچی، سکھر سمیت کئی شہروں کے لوگ پینے کے پانی کے لیے بھی پریشان ہیں۔
ذریعہ: Islam Times
کلیدی لفظ: پیپلز پارٹی
پڑھیں:
نہروں کے منصوبے کیخلاف سندھ متحد ہے، پیچھے ہٹنے والے نہیں،وزیراعلیٰ
سیہون / بھان سعید آباد: وزیراعلیٰ سندھ سید مراد علی شاہ نے کہا ہے کہ نہروں کے منصوبے کے خلاف سندھ متحد ہے، ہم پیچھے ہٹنے والے نہیں ہیں۔
میڈیا سے گفتگو کرتے ہوئے وزیراعلیٰ سندھ نے نہروں کے منصوبے پر اپنا واضح موقف پیش کیا۔ انہوں نے کہا کہ سندھ کے عوام اس منصوبے کے خلاف متحد اور سراپا احتجاج بنے ہوئے ہیں۔
مراد علی شاہ نے کہا کہ عمرکوٹ کے عوام نے سازشی عناصر کو واضح پیغام دیا ہے کہ وہ پاکستان پیپلز پارٹی کے ساتھ کھڑے ہیں۔ سیہون میں گفتگو کرتے ہوئے انہوں نے کہا کہ سوشل میڈیا پر یہ بات چل رہی تھی کہ صرف پیپلز پارٹی ہی کینالز کو بند کروا سکتی ہے اور یہ بات درست ہے کیونکہ ان کینالز کی منظوری نگراں حکومت نے ارسا سے لی تھی۔
وزیراعلیٰ سندھ نے واضح کیا کہ پاکستان پیپلز پارٹی کے چیئرمین بلاول بھٹو زرداری پارلیمنٹ ہاؤس میں پہلے ہی یہ واضح کر چکے ہیں کہ ان کینالز کو کسی صورت سپورٹ نہیں کیا جا سکتا۔
انہوں نے کہا کہ عمر کوٹ کے ضمنی الیکشن کے دوران عوام نے بھرپور انداز میں پیپلز پارٹی کا ساتھ دیا اور حال ہی میں حیدرآباد ڈویژن میں ہونے والا جلسہ بھی ایک شاندار اور بڑا جلسہ تھا۔ مراد علی شاہ نے اعلان کیا کہ یہ تو صرف ایک ڈویژن کا جلسہ تھا، ابھی سکھر، شہید بینظیر آباد، میرپور خاص اور کراچی میں بھی جلسے ہوں گے۔
مراد علی شاہ نے کینالز کے خلاف احتجاج کرنے والوں کو خوش آمدید کہا اور کہا کہ ان کے احتجاج کو ویلکم کیا جاتا ہے، تاہم بعض عناصر اس احتجاج کو پیپلز پارٹی کے خلاف سازش کے طور پر استعمال کرنا چاہتے ہیں۔ انہوں نے کہا کہ چیئرمین بلاول بھٹو زرداری نے اعلان کیا ہے کہ ہم کینالز کے معاملے پر عوام کے ساتھ ہیں۔
کراچی: 9 مئی کیس، تحریکِ انصاف کے ملزمان کارکنوں پر فردِ جرم عائد نہ ہو سکی