فلائی جناح اور ایئر عربیہ کے ایوی ایشن ٹریننگ وینچر کی منظوری
اشاعت کی تاریخ: 24th, March 2025 GMT
مسابقتی کمیشن آف پاکستان (سی سی پی) نے فلائی جناح سروسز (پرائیویٹ) لمیٹڈ اور ایئر عربیہ اکیڈمی ایل ایل سی کے درمیان فلائی جناح ٹی 3 فلائٹ اکیڈمی (پرائیویٹ) لمیٹڈ کے قیام کے مشترکہ منصوبے کی منظوری دے دی۔
یہ بھی پڑھیں: فلائی ناس کا کراچی سے مدینہ تک براہ راست پرواز چلانے کا اعلان
نیا ادارہ پاکستان میں ایوی ایشن ٹریننگ سروسز فراہم کرے گا جو ملک کے ایوی ایشن ایجوکیشن کے شعبے میں ایک اہم پیش رفت کی نشاندہی کرے گا۔
کمیشن نے پیر کو مسابقت (انضمام کنٹرول) ریگولیشنز، 2016 کے تحت دونوں جماعتوں کی جانب سے جمع کرائی گئی انضمام سے قبل کی درخواست کا جائزہ لیا۔
معاہدے کے مطابق دونوں فریقین تربیتی ادارے کے قیام کے لیے نئی کمپنی میں مشترکہ طور پر سرمایہ کاری کریں گے۔
مسابقتی جائزے سے پتا چلتا ہے کہ یہ لین دین اجتماعی نوعیت کا ہے جس میں فریقین کے مابین افقی اوورلیپ نہیں ہے۔
مزید پڑحیے: نئی سعودی ایئرلائن ’فلائی ادیل‘ پاکستان کے لیے کن شہروں سے پرواز بھرے گی؟
فلائی جناح کمرشل ایئر لائن سروسز میں کام کرتی ہے جبکہ ایئر عربیہ اکیڈمی متحدہ عرب امارات میں ایوی ایشن ٹریننگ میں مصروف ہے۔
یہ جوائنٹ وینچر ایک مکمل طور پر کام کرنے والا ادارہ ہونے کے ناطے آزادانہ طور پر کام کرے گا اور پاکستان میں ایوی ایشن ٹریننگ سروسز کی دستیابی اور معیار میں اضافہ کرے گا۔
سی سی پی کے جائزے سے یہ نتیجہ اخذ کیا گیا ہے کہ اس لین دین سے مسابقت میں خاطر خواہ کمی یا متعلقہ مارکیٹ میں غالب پوزیشن پیدا ہونے کا امکان نہیں ہے۔ لہذا انضمام کو ایکٹ کی دفعہ 31 (1) (ڈی) (آئی) کے تحت مجاز کیا گیا ہے۔
مزید پڑھں: فلائی دبئی نے اسلام آباد اور لاہور کے لیے روزانہ پروازوں کا آغاز کردیا
توقع ہے کہ یہ تعاون تکنیکی تربیت کے بنیادی ڈھانچے کو مضبوط کرکے اور ہنر مندی کی ترقی کے مواقع پیدا کرکے ہوابازی کے شعبے میں مثبت کردار ادا کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ایئر عربیہ اکیڈمی فلائی جناح فلائی جناح ٹی 3 فلائٹ اکیڈمی (پرائیویٹ) لمیٹڈ مسابقتی کمیشن آف پاکستان.ذریعہ: WE News
کلیدی لفظ: فلائی جناح مسابقتی کمیشن آف پاکستان ایوی ایشن ٹریننگ فلائی جناح ایئر عربیہ کے لیے کرے گا
پڑھیں:
نیشنل پولیس اکیڈمی کی بین الاقوامی معیار کے مطابق مکمل تنظیم نو کی جا رہی ہے، وزیر داخلہ
وفاقی وزیر داخلہ محسن نقوی سے اقوامِ متحدہ کے انڈر سیکریٹری جنرل برائے امن مشنز جنرل جین پیر لاکروا نے ملاقات کی۔
رپورٹ کے مطابق وفاقی وزیر داخلہ نے وزارت داخلہ آمد پر اقوام متحدہ کے انڈر سیکرٹری جنرل برائے امن مشنز جنرل جین پیر لاکروا کا خیر مقدم کیا، وزیر مملکت داخلہ طلال چوہدری، سیکرٹری داخلہ محمد خرم آغا اور اقوام متحدہ کے سیکرٹری جنرل کے ایڈوائزر فیصل شاہکار بھی اس موقع پر موجود تھے۔
ملاقات میں پاکستان اور اقوام متحدہ کے امن مشنز کے مابین تعاون بڑھانے پر تبادلہ خیال کیا، محسن نقوی نے کہا کہ پاکستان ہمیشہ اقوام متحدہ کے امن مشنز کا بھرپور حامی رہا ہے۔ عالمی امن کیلئے اپنا بھر پور کردار جاری رکھیں گے، پاکستانی فوج اور پولیس کے افسران نے کئی امن مشنز میں بھر پور مہارت سے کامیاب کردار ادا کیا ہے۔
محسن نقوی نے کہا کہ کئی برس بعد پاکستانی پولیس افسران یواین میں دوبارہ فرائض سرانجام دینا شروع کر رہے ہیں، اس وقت پاکستانی افسران مختلف امن مشنز میں خدمات سرانجام دے رہے ہیں، آئندہ بھی اقوام متحدہ کے امن مشنز کے لئے ہر ممکن معاونت فراہم کریں گے۔
وزیر داخلہ نے کہا کہ فخر ہے کہ اقوام متحدہ کی پولیس کی سربراہی اس وقت پاکستان پولیس سروس کے ایک افسر کر رہے ہیں، اقوام متحدہ کے امن مشنز کو موثر بنانے کیلئے جدید ٹیکنالوجی کا استعمال انتہائی ضروری ہے۔
وزیر داخلہ محسن نقوی نے یو این کو نیشنل پولیس اکیڈمی میں امن مشنز کے لئے ریجنل کورسز کرانے کی پیشکش کی اور کہا کہ نیشنل پولیس اکیڈمی کی بین الاقوامی معیار کے مطابق مکمل تنظیم نو کی جا رہی ہے۔
ان کا کہنا تھا کہ اس ادارہ میں پولیس افسران کی تربیت و استعدادکار بڑھانے کے لئے تمام جدید و معیاری سہولتوں کی فراہمی یقینی کو یقینی بنایا جا رہا ہے، اقوام متحدہ کی جینڈر پالیسی کے تحت خواتین کو پاکستان کی پولیس سروس میں یکساں مواقع فراہم کئے جا رہے ہیں۔
انڈر سیکرٹری جنرل برائے امن مشنز جنرل جین پیر لاکروا نے پاکستانی پولیس افسران کی یو این میں دوبارہ بحالی پر وفاقی وزیرداخلہ محسن نقوی کی ذاتی کاوشوں کو سراہا اور کہا کہ اقوام متحدہ امن مشنز مشکل حالات میں بھی امن کیلئے برسر پیکار ہیں۔
ایران میں قتل 8 پاکستانیوں کی لاشیں ابھی تک تفتان نہیں لائی گئیں، ڈی سی چاغی